ਪੰਜਾਬੀ ਫਿਲਮ ਜ਼ਿੰਦਗੀ ਜਿੰਦਾਬਾਦ ਅੱਜ ਸ਼ੁੱਕਰਵਾਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ਹੈ ਅਤੇ ਦਰਸ਼ਕਾਂ ਵੱਲੋਂ ਕਾਫੀ ਪਸੰਦ ਵੀ ਕੀਤੀ ਜਾ ਰਹੀ ਹੈ। ਫਿਲਮ ਜ਼ਿੰਦਗੀ ਜਿੰਦਾਬਾਦ ਜੋ ਕਿ ਰੂਹ ਨੂੰ ਹਿਲਾ ਦੇਣ ਵਾਲੀ, ਕਿਸੇ ਇਨਸਾਨ ਦੀ ਅਸਲ ਜਿੰਦਗੀ ‘ਤੇ ਅਧਾਰਿਤ ਫਿਲਮ ਹੈ ਜੋ ਕਿ ਨਸ਼ੇ ਦੀ ਲਤ ਤੋਂ ਪੀੜਤ ਦਿਖਾਇਆ ਗਿਆ ਹੈ ਅਤੇ ਕਿਵੇਂ ਉਹ ਇੱਕ ਸਾਫ਼ ਅਤੇ ਵਧੇਰੇ ਯਥਾਰਥਵਾਦੀ ਜਿੰਦਗੀ ਜੀਣ ਲਈ ਇਨ੍ਹਾਂ ਜੰਜੀਰਾਂ ਤੋਂ ਮੁਕਤ ਹੁੰਦਾ ਹੈ।
ਦੱਸ ਦਈਏ ਕਿ ‘ਜ਼ਿੰਦਗੀ ਜਿੰਦਾਬਾਦ ਦੀ ਸਟਾਰਕਾਸਟ ਵੀਰਵਾਰ ਨੂੰ ਮੈਂਡੀ ਤੱਖੜ ਅਤੇ ਸੁਖਦੀਪ ਸੁੱਖ,ਨਿੰਜਾ ਅਤੇ ਫਿਲਮ ਦੀ ਹੋਰ ਕਾਸਟ ਸੱਚਖੰਡ ਸ਼੍ਰੀ ਦਰਬਾਰ ਸਾਹਿਬ ਵਿੱਚ ਮੱਥਾ ਟੇਕਣ ਪਹੁੰਚੇ। ਇਸ ਤੋਂ ਬਾਅਦ ਉਹਨਾਂ ਵੱਲੋਂ ਅੰਮ੍ਰਿਤਸਰ ਵਿਖੇ ਇਕ ਪ੍ਰੈਸ ਕਾਨਫਰੰਸ ਵੀ ਕੀਤੀ ਗਈ ਸੀ।
ਫਿਲਮ ਦੇ ਡਾਇਰੈਕਟਰ ਪ੍ਰੇਮ ਸਿੰਘ ਸਿੱਧੂ ਨੇ ਕਿਹਾ ਕਿ ਜ਼ਿੰਦਗੀ ਜ਼ਿੰਦਾਬਾਦ” ਇੱਕ ਦਿਲ ਨੂੰ ਛੂਹ ਲੈਣ ਵਾਲਾ ਪੰਜਾਬੀ ਡਰਾਮਾ ਹੈ ਜੋ ਪੰਜਾਬ ਦੇ ਸਥਾਈ ਪਿਆਰ ਅਟੁੱਟ ਬੰਧਨਾ ਅਤੇ ਅਟੁੱਟ ਜਜ਼ਬੇ ਦੀ ਕਹਾਣੀ ਨੂੰ ਜੀਵਨ ਵਿੱਚ ਲਿਆਉਂਦਾ ਹੈ।
ਜ਼ਿੰਦਗੀ ਜ਼ਿੰਦਾਬਾਦ ਪੰਜਾਬੀ ਸਿਨੇਮਾ ਵਿੱਚ ਯਕੀਨਨ ਇੱਕ ਮੀਲ ਪੱਥਰ ਸਾਬਤ ਹੋਵੇਗੀ। ਸਾਗਾ ਸਟੂਡੀਓਜ਼ ਨੂੰ ਇੱਕ ਮਨੋਰੰਜਕ ਅਸਲ ਕਹਾਣੀ ਪੇਸ਼ ਕਰਨ ‘ਤੇ ਮਾਣ ਹੈ। ਇੱਕ ਦਿਲਚਸਪ ਕਹਾਣੀ ਲਾਈਨ, ਤੀਬਰ ਪ੍ਰਦਰਸ਼ਨ ਤੇ ਉੱਚ ਆਕਟੇਨ ਸੀਨ ਦੇ ਨਾਲ ਇਹ ਫ਼ਿਲਮ ਉਦਯੋਗ ਦੀਆਂ ਸੀਮਾਵਾਂ ਨੂੰ ਮੁੜ ਪਰਿਭਾਸ਼ਿਤ ਕਰੇਗੀ।
