ਫਿਲਮ RRR ਦੀ ਸਫਲਤਾ ਤੋਂ ਬਾਅਦ ਰਾਮ ਚਰਨ ਨੇ ਆਪਣੀ ਅਗਲੀ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ ਅਤੇ ਹਾਲ ਹੀ ਵਿੱਚ ਉਸਨੂੰ ਆਪਣੀ ਅਗਲੀ ਫਿਲਮ ‘ਆਰਸੀ 15’ ਦੀ ਸ਼ੂਟਿੰਗ ਦੌਰਾਨ ਇੱਕ ਪਿਆਰਾ ਸਰਪ੍ਰਾਈਜ਼ ਮਿਲਿਆ ਹੈ। ਫਿਲਮ ਦੀ ਸਟਾਰ ਕਾਸਟ ਅਤੇ ਕਰੂ ਨੇ ਰਾਮ ਚਰਨ ਦਾ ਪ੍ਰੀ-ਜਨਮਦਿਨ ਮਨਾਇਆ, ਜਿਸ ਦੀਆਂ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। 27 ਮਾਰਚ 1985 ਨੂੰ ਜਨਮੇ ਰਾਮ ਚਰਨ ਆਪਣਾ 38ਵਾਂ ਜਨਮਦਿਨ ਮਨਾਉਣ ਵਾਲੇ ਹਨ। ਜਨਮਦਿਨ ਤੋਂ ਪਹਿਲਾਂ, ਉਸਦੀ ਸਹਿ-ਸਟਾਰ ਕਿਆਰਾ ਅਡਵਾਨੀ ਅਤੇ ਨਿਰਦੇਸ਼ਕ ਐਸ ਸ਼ੰਕਰ ਸਮੇਤ ਪੂਰੀ ਸਟਾਰ ਕਾਸਟ ਨੇ ਰਾਮ ਦਾ ਪ੍ਰੀ-ਜਨਮਦਿਨ ਮਨਾਇਆ। ਸੁੰਦਰ ਸਜਾਵਟ ਦੇ ਨਾਲ ਉਨ੍ਹਾਂ ‘ਤੇ ਗੁਲਾਬ ਦੇ ਫੁੱਲਾਂ ਦੀ ਵਰਖਾ ਕੀਤੀ ਗਈ।
ਫਿਰ ਉਸ ਨੇ ਸ਼ੰਕਰ ਅਤੇ ਕਿਆਰਾ ਨਾਲ ਆਪਣੇ ਜਨਮ ਦਿਨ ਦਾ ਕੇਕ ਕੱਟਿਆ। ਕੁਝ ਦਿਨ ਪਹਿਲਾਂ ਰਾਮ ਚਰਨ ਨੇ ‘ਆਰਸੀ 15’ ਦੇ ਸੈੱਟ ਤੋਂ ਇੱਕ ਵੀਡੀਓ ਸ਼ੇਅਰ ਕੀਤਾ ਸੀ। ਕਲਿੱਪ ਰਾਹੀਂ ਉਸ ਨੇ ਦੱਸਿਆ ਕਿ ਕਿਵੇਂ ਉਸ ਦਾ ਸੁਆਗਤ ਕੀਤਾ ਗਿਆ। ਪ੍ਰਭੂ ਦੇਵਾ ਅਤੇ ‘ਆਰਸੀ 15’ ਦੀ ਟੀਮ ਨੇ ਆਸਕਰ ਜੇਤੂ ਗੀਤ ‘ਨਾਟੁ ਨਾਟੂ’ ‘ਤੇ ਰਾਮ ਚਰਨ ਦਾ ਸੁਆਗਤ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ਰਾਮ ਚਰਨ ਦੀ ਫਿਲਮ ‘RRR’ ਦੇ ਗੀਤ ‘ਨਾਟੂ ਨਾਟੂ’ ਨੂੰ ਬੈਸਟ ਓਰੀਜਨਲ ਗੀਤ ਦੀ ਸ਼੍ਰੇਣੀ ‘ਚ ਆਸਕਰ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।
