ਰੋਹਿਤ ਸ਼ੈੱਟੀ ਦੁਆਰਾ ਨਿਰਦੇਸ਼ਿਤ ਫਿਲਮ ਸਰਕਸ ਦਾ ਗੀਤ ਕਰੰਟ ਲਗਾ ਰਿਲੀਜ਼ ਹੋ ਗਿਆ ਹੈ। ਇਸ ਗੀਤ ‘ਚ ਰੀਅਲ ਲਾਈਫ ਕਪਲ ਦੀਪਿਕਾ ਪਾਦੁਕੋਣ ਅਤੇ ਰਣਵੀਰ ਸਿੰਘ ਨਜ਼ਰ ਆ ਰਹੇ ਹਨ। ਗੀਤ ‘ਚ ਦੋਵਾਂ ਦੀ ਜੋੜੀ ਕਾਫੀ ਸ਼ਾਨਦਾਰ ਲੱਗ ਰਹੀ ਹੈ। ਦੋਵਾਂ ਨੇ ਆਪਣੇ ਡਾਂਸ ਨਾਲ ਰੰਗ ਭਰਿਆ ਹੈ। ਗੀਤ ‘ਚ ਦੀਪਿਕਾ ਅਤੇ ਰਣਵੀਰ ਦੀ ਐਨਰਜੀ ਦੇਖਣ ਨੂੰ ਮਿਲ ਰਹੀ ਹੈ। ਗੀਤ ਦੇ ਬੋਲ ਹਨ ‘ਕਰੰਟ ਲਗਾ ਰੇ’। ਜਿਸ ਤਰ੍ਹਾਂ ਗੀਤ ਦੇ ਬੋਲ ਹਨ, ਗੀਤ ‘ਚ ਵੀ ਓਨੀ ਹੀ ਊਰਜਾ ਦੇਖਣ ਨੂੰ ਮਿਲੀ ਹੈ। ਇਸ ਗੀਤ ਨੂੰ ਨਕਸ਼ ਅਜ਼ੀਜ਼ ਅਤੇ ਧਵਾਨੀ ਭਾਨੁਸ਼ਾਲੀ, ਜੋਨੀਤਾ ਗਾਂਧੀ ਅਤੇ ਲੀਜੋ ਜਾਰਜ ਨੇ ਸਾਂਝੇ ਤੌਰ ‘ਤੇ ਗਾਇਆ ਹੈ। ਗੀਤ ਦਾ ਸੰਗੀਤ ਲੀਜੋ ਜਾਰਜ ਅਤੇ ਡੀਜੇ ਚੇਤਾਸ ਨੇ ਦਿੱਤਾ ਹੈ। ਗੀਤ ਦੀ ਸ਼ੁਰੂਆਤ ‘ਚ ਤਾਮਿਲ ਰੈਪ ਵੀ ਸੁਣਾਈ ਦਿੰਦਾ ਹੈ, ਜਿਸ ਨੂੰ ਵਿਵੇਕ ਹਰੀਹਰਨ ਨੇ ਗਾਇਆ ਹੈ। ਇਹ ਗੀਤ ਕੁਮਾਰ ਦੁਆਰਾ ਲਿਖਿਆ ਗਿਆ ਹੈ ਅਤੇ ਇਸ ਦਾ ਤਮਿਲ ਰੈਪ ਹਰੀ ਦੁਆਰਾ ਲਿਖਿਆ ਗਿਆ ਹੈ। ਫਿਲਮ ਸਰਕਸ ‘ਚ ਦੀਪਿਕਾ ਪਾਦੂਕੋਣ ਨੇ ਕੈਮਿਓ ਕੀਤਾ ਹੈ।
ਯਾਨੀ ਉਹ ਇਸ ਗੀਤ ‘ਚ ਹੀ ਨਜ਼ਰ ਆਉਣ ਵਾਲੀ ਹੈ। ਗੀਤ ‘ਚ ਉਨ੍ਹਾਂ ਨੇ ਰਣਵੀਰ ਸਿੰਘ ਨਾਲ ਰੰਗ ਬੰਨ੍ਹਿਆ ਹੈ। ਇਹ ਗੀਤ ਇਸ ਸਟਾਰ ਜੋੜੇ ਦੇ ਪ੍ਰਸ਼ੰਸਕਾਂ ਲਈ ਕਿਸੇ ਟ੍ਰੀਟ ਤੋਂ ਘੱਟ ਨਹੀਂ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਰਕਸ ਇੱਕ ਮਲਟੀਸਟਾਰਰ ਫਿਲਮ ਹੈ, ਜਿਸ ਵਿੱਚ ਰਣਵੀਰ ਸਿੰਘ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆ ਰਹੇ ਹਨ। ਹਾਲ ਹੀ ‘ਚ ਇਸ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋਇਆ ਹੈ। ਟ੍ਰੇਲਰ ਨੂੰ ਦੇਖ ਕੇ ਹੀ ਲੋਕ ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਰੋਹਿਤ ਸ਼ੈੱਟੀ ਦੀ ਇਸ ਕਾਮੇਡੀ ਫਿਲਮ ‘ਚ ਰਣਵੀਰ ਸਿੰਘ ਦੇ ਨਾਲ ਕਲਾਕਾਰਾਂ ਦੀ ਫੌਜ ਨਜ਼ਰ ਆਉਣ ਵਾਲੀ ਹੈ। ਫਿਲਮ ‘ਚ ਪੂਜਾ ਹੇਗੜੇ, ਜੌਨੀ ਲੀਵਰ, ਜੈਕਲੀਨ ਫਰਨਾਂਡੀਜ਼, ਵਰੁਣ ਸ਼ਰਮਾ, ਸੰਜੇ ਮਿਸ਼ਰਾ, ਮੁਕੇਸ਼ ਤਿਵਾਰੀ, ਵਰਾਜੇਸ਼ ਹਿਰਜੀ, ਸਿਧਾਰਥ ਜਾਧਵ, ਵਿਜੇ ਪਾਟਕਰ, ਸੁਲਭਾ ਆਰੀਆ, ਅਨਿਲ ਚਰਨਜੀਤ, ਅਸ਼ਵਿਨੀ ਕਲਸੇਕਰ, ਮੁਰਲੀ ਸ਼ਰਮਾ, ਟਿਕੂ ਤਲਸਾਨੀਆ, ਬ੍ਰਿਜੇਂਦਰਾ ਬੀ. , ਸੌਰਭ ਗੋਖਲੇ, ਆਸ਼ੀਸ਼ ਵਾਰੰਗ, ਉਮਾਕਾਂਤ ਪਾਟਿਲ ਅਤੇ ਉਦੈ ਟਿਕੇਕਰ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਫਿਲਮ ਕ੍ਰਿਸਮਸ ਦੇ ਮੌਕੇ ‘ਤੇ 23 ਦਸੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ।
