ਬਾਲੀਵੁੱਡ ਦੀ ਖੂਬਸੂਰਤ ਅਭਿਨੇਤਰੀ ਜਾਹਨਵੀ ਕਪੂਰ ਦੀ ਫਿਲਮ ‘ਮਿਲੀ’ ਰਿਲੀਜ਼ ਹੋ ਗਈ ਹੈ। ਇਸ ਫਿਲਮ ਦੀ ਸਕ੍ਰੀਨਿੰਗ ਬੀਤੀ ਰਾਤ ਹੋਈ, ਜਿਸ ‘ਚ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ। ਰੇਖਾ ਬਾਲੀਵੁੱਡ ਦੀ ਸਦਾਬਹਾਰ ਅਭਿਨੇਤਰੀ ਹੈ, ਜੋ ਫਿਲਮੀ ਪਰਦੇ ਤੋਂ ਦੂਰ ਹੈ ਪਰ ਇਵੈਂਟਸ ਵਿੱਚ ਦਿਖਾਈ ਦਿੰਦੀ ਰਹਿੰਦੀ ਹੈ। ਰੇਖਾ ਭਾਵੇਂ ਫਿਲਮਾਂ ਦੀ ਸਕ੍ਰੀਨਿੰਗ ‘ਚ ਨਜ਼ਰ ਨਹੀਂ ਆਉਂਦੀ ਪਰ ਬੀਤੀ ਰਾਤ ਉਹ ਜਾਨ੍ਹਵੀ ਕਪੂਰ ਦੀ ਫਿਲਮ ਦੇਖਣ ਗਈ ਸੀ। ਉਸ ਨੂੰ ਦੇਖ ਕੇ ਜਾਨ੍ਹਵੀ ਬਹੁਤ ਖੁਸ਼ ਹੋ ਗਈ। ਬੋਨੀ ਅਤੇ ਸ਼੍ਰੀਦੇਵੀ ਦੀ ਧੀ ਜਾਨ੍ਹਵੀ ਨੂੰ ਰੇਖਾ ਨੇ ਗਲੇ ਲਗਾਇਆ ਤੇ ਖੂਬ ਪਿਆਰ ਦਿੰਦੀ ਨਜ਼ਰ ਆਈ। ‘ਮਿਲੀ’ ਵਿੱਚ ਜਾਨ੍ਹਵੀ ਦੇ ਨਾਲ ਵਿੱਕੀ ਕੌਸ਼ਲ ਦੇ ਭਰਾ ਸੰਨੀ ਕੌਸ਼ਲ ਵੀ ਨਜ਼ਰ ਆਏ, ਜਿਸ ਨੇ ਰੇਖਾ ਦੇ ਪੈਰ ਵੀ ਛੂਹੇ। ਜਦੋਂ ਜਾਨ੍ਹਵੀ ਰੇਖਾ ਨੂੰ ਮਿਲਣ ਆਈ ਤਾਂ ਉਸ ਦੀਆਂ ਅੱਖਾਂ ‘ਚ ਚਮਕ ਨਜ਼ਰ ਆਈ।
ਇਸ ਦੇ ਨਾਲ ਹੀ ਰੇਖਾ ਦੀਆਂ ਅੱਖਾਂ ‘ਚ ਸ਼੍ਰੀਦੇਵੀ-ਬੋਨੀ ਦੀ ਬੇਟੀ ਲਈ ਪਿਆਰ ਵੀ ਨਜ਼ਰ ਆ ਰਿਹਾ ਸੀ। ਜਾਨ੍ਹਵੀ ਅਤੇ ਰੇਖਾ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਇਸ ਨੂੰ ਦੇਖ ਕੇ ਹਰ ਕੋਈ ਰੇਖਾ ਦੀ ਖੂਬਸੂਰਤੀ ਦੀ ਤਾਰੀਫ ਕਰ ਰਿਹਾ ਹੈ। ਇੱਕ ਯੂਜ਼ਰ ਨੇ ਲਿਖਿਆ, ‘ਰੇਖਾ ਦੀ ਖੂਬਸੂਰਤੀ ਦੇ ਸਾਹਮਣੇ ਬਾਲੀਵੁੱਡ ਦੀਆਂ ਸਾਰੀਆਂ ਅਭਿਨੇਤਰੀਆਂ ਫੇਲ ਹੋ ਗਈਆਂ ਹਨ’। ਫਿਲਮ ‘ਮਿਲੀ’ ਦੀ ਗੱਲ ਕਰੀਏ ਤਾਂ ਇਹ ਮਲਿਆਲਮ ਫਿਲਮ ‘ਹੇਲਨ’ ਦਾ ਹਿੰਦੀ ਰੀਮੇਕ ਹੈ, ਜਿਸ ਦਾ ਨਿਰਦੇਸ਼ਨ ਮਥੁਕੁਟੀ ਜ਼ੇਵੀਅਰ ਨੇ ਕੀਤਾ ਹੈ। ਇਸ ਫਿਲਮ ਦੇ ਨਿਰਮਾਤਾ ਜਾਨ੍ਹਵੀ ਕਪੂਰ ਦੇ ਪਿਤਾ ਬੋਨੀ ਕਪੂਰ ਹਨ। ਫਿਲਮ ਸਿਨੇਮਾਘਰਾਂ ‘ਚ ਪਹੁੰਚ ਗਈ ਹੈ ਪਰ ‘ਮਿਲੀ’ ਦਾ ਮੁਕਾਬਲਾ ਕੈਟਰੀਨਾ ਕੈਫ ਦੀ ‘ਫੋਨ ਭੂਤ’ ਅਤੇ ਸੋਨਾਕਸ਼ੀ ਸਿਨਹਾ ਦੀ ‘ਡਬਲ ਐਕਸਲ ਟੀਸ਼ਰਟ’ ਨਾਲ ਹੋਵੇਗਾ।
