ਪਿਛਲੇ ਸਾਲ ਸਾਊਥ ਸਿਨੇਮਾ ਦੀਆਂ ਕਈ ਫਿਲਮਾਂ ਨੇ ਦਬਦਬਾ ਬਣਾਇਆ। ਸਾਊਥ ਦੀਆਂ ਇਨ੍ਹਾਂ ਬਲਾਕਬਸਟਰ ਫਿਲਮਾਂ ‘ਚ ਸੁਪਰਸਟਾਰ ਰਿਸ਼ਭ ਸ਼ੈੱਟੀ ਦੀ ਫਿਲਮ ‘ਕਾਂਤਾਰਾ’ ਦਾ ਨਾਂ ਵੀ ਸ਼ਾਮਲ ਹੈ। ਰਿਸ਼ਭ ਦੀ ‘ਕਾਂਤਾਰਾ’ ਨੇ ਕਮਾਈ ਦੇ ਮਾਮਲੇ ‘ਚ ਸਫਲਤਾ ਦੇ ਕਈ ਰਿਕਾਰਡ ਬਣਾਏ ਹਨ। ਪਾਰਟ-1 ਦੀ ਜ਼ਬਰਦਸਤ ਸਫਲਤਾ ਤੋਂ ਬਾਅਦ ਹੁਣ ਮੇਕਰਸ ‘ਕਾਂਤਰਾ 2’ ਦੀ ਤਿਆਰੀ ‘ਚ ਹਨ। ਇਸ ਦੌਰਾਨ ‘ਕਾਂਤਾਰਾ’ ਦੇ ਨਿਰਦੇਸ਼ਕ ਅਤੇ ਅਦਾਕਾਰ ਰਿਸ਼ਭ ਸ਼ੈੱਟੀ ਨੇ ਇਸ ਫਿਲਮ ਦੇ ਦੂਜੇ ਭਾਗ (ਕਾਂਤਾਰਾ 2) ਨੂੰ ਲੈ ਕੇ ਵੱਡਾ ਖੁਲਾਸਾ ਕੀਤਾ ਹੈ।
ਹਾਲ ਹੀ ‘ਚ ‘ਕਾਂਤਾਰਾ’ ਦੇ 100 ਦਿਨਾਂ ਦੀ ਸਫਲਤਾ ਲਈ ਇਕ ਸ਼ਾਨਦਾਰ ਜਸ਼ਨ ਆਯੋਜਿਤ ਕੀਤਾ ਗਿਆ, ਜਿਸ ‘ਚ ਰਿਸ਼ਭ ਸ਼ੈੱਟੀ ਨੇ ਹਿੱਸਾ ਲਿਆ। ਇਸ ਖਾਸ ਮੌਕੇ ‘ਤੇ ਰਿਸ਼ਭ ਸ਼ੈੱਟੀ ਨੇ ‘ਕਾਂਤਾਰਾ 2’ ਬਾਰੇ ਗੱਲ ਕੀਤੀ। ਰਿਸ਼ਭ ਨੇ ‘ਕਾਂਤਾਰਾ 2’ ਦੀ ਸਕ੍ਰਿਪਟ ‘ਤੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਰਿਸ਼ਭ ਸ਼ੈੱਟੀ ਨੇ ਦੱਸਿਆ ਹੈ ਕਿ ‘ਕਾਂਤਾਰਾ 2’ ਦੀ ਕਹਾਣੀ ਸੀਕਵਲ ਨਹੀਂ ਬਲਕਿ ਪ੍ਰੀਕਵਲ ਹੋਵੇਗੀ। ‘ਕਾਂਤਾਰਾ 2’ ‘ਚ ਦਿਖਾਇਆ ਜਾਵੇਗਾ ਕਿ ਪਾਰਟ-1 ਤੋਂ ਪਹਿਲਾਂ ਇਸ ਫਿਲਮ ਦੀ ਕਹਾਣੀ ਕੀ ਸੀ ਅਤੇ ਇਸ ਦੀ ਸ਼ੁਰੂਆਤ ਕਿਵੇਂ ਹੋਈ। ‘ਕਾਂਤਰਾ 2’ ‘ਚ ਅਜਿਹੇ ਮੁੱਦਿਆਂ ਨੂੰ ਦਿਖਾਇਆ ਜਾਵੇਗਾ। ਰਿਸ਼ਭ ਸ਼ੈੱਟੀ ਦੇ ਇਸ ਬਿਆਨ ਤੋਂ ਬਾਅਦ ‘ਕਾਂਤਾਰਾ 2’ ਲਈ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਵਧ ਗਿਆ ਹੈ।
