ਬਾਲੀਵੁਡ ਇੰਡਸਟਰੀ ਦੇ ਮਸ਼ਹੂਰ ਅਦਾਕਾਰ ਸਲਮਾਨ ਖਾਨ ਸੋਸ਼ਲ ਮੀਡਿਆ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਉਹਨਾਂ ਨੇ ਬਾਲੀਵੁਡ ਨੂੰ ਇਕ ਤੋਂ ਇਕ ਸੁਪਰਹਿੱਟ ਫ਼ਿਲਮਾਂ ਦਿੱਤੀਆਂ ਹਨ। ਇਸ ਵਾਰ ਫੈਨਜ਼ ਨੂੰ ਨਵੇਂ ਸਾਲ ਦਾ ਤੋਹਫਾ ਦਿੰਦੇ ਹੋਏ ਸਲਮਾਨ ਖ਼ਾਨ ਦਬੰਗ 4 ਲੈ ਕੇ ਆ ਰਹੇ ਹਨ। ਦਬੰਗ 4 ਨਾਲ ਜੁੜੀਆਂ ਕਈ ਅਹਿਮ ਜਾਣਕਾਰੀਆਂ ਸਾਹਮਣੇ ਆ ਗਈਆਂ ਹਨ। ਖਬਰ ਹੈ ਕਿ ਇਸ ਵਾਰ ਮਸ਼ਹੂਰ ਨਿਰਦੇਸ਼ਕ ਤਿਗਮਾਂਸ਼ੂ ਧੂਲੀਆ ਫਿਲਮ ਦਾ ਨਿਰਦੇਸ਼ਨ ਕਰਨਗੇ। ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਤਿਗਮਾਂਸ਼ੂ ਧੂਲੀਆ ਇੱਕ ਸਾਲ ਤੋਂ ਇਸਦੀ ਸਕ੍ਰਿਪਟ ‘ਤੇ ਕੰਮ ਕਰ ਰਹੇ ਹਨ।
ਮੂਲ ਕਹਾਣੀ ਦਾ ਵਿਚਾਰ ਸਲਮਾਨ ਖਾਨ ਅਤੇ ਅਰਬਾਜ਼ ਖਾਨ ਦੋਵਾਂ ਨੂੰ ਪਸੰਦ ਆਇਆ ਹੈ, ਇਸ ਲਈ ਹੁਣ ਇਸ ਦੀ ਸਕ੍ਰਿਪਟ ਨੂੰ ਅੰਤਿਮ ਰੂਪ ਦਿੱਤਾ ਜਾ ਰਿਹਾ ਹੈ। ਸਕ੍ਰਿਪਟ ਕਿਵੇਂ ਹੈ, ਕਹਾਣੀ ਕੀ ਹੋਵੇਗੀ, ਇਸ ਬਾਰੇ ਫਿਲਹਾਲ ਜ਼ਿਆਦਾ ਜਾਣਕਾਰੀ ਨਹੀਂ ਮਿਲੀ ਹੈ ਪਰ ਕਿਹਾ ਜਾ ਰਿਹਾ ਹੈ ਕਿ ਇਸ ਵਾਰ ਚੁਲਬੁਲ ਪਾਂਡੇ ਰਾਜਨੀਤੀ ‘ਚ ਐਂਟਰੀ ਲੈ ਸਕਦੇ ਹਨ ਅਤੇ ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਇਕ ਗੱਲ ਤੈਅ ਹੈ ਕਿ ਤੁਹਾਨੂੰ ਮਨੋਰੰਜਨ ਦੁੱਗਣਾ ਮਿਲੇਗਾ।
ਜਿਵੇਂ ਕਿ ਸਲਮਾਨ ਖਾਨ ਆਪਣੇ ਹੋਰ ਪ੍ਰੋਜੈਕਟਾਂ ਵਿੱਚ ਰੁੱਝੇ ਹੋਏ ਹਨ। ਨਵੇਂ ਸਾਲ ‘ਚ ਸਲਮਾਨ ਸਭ ਤੋਂ ਪਹਿਲਾਂ ‘ਟਾਈਗਰ 3’ ਦੀ ਸ਼ੂਟਿੰਗ ਪੂਰੀ ਕਰਨਗੇ ਜਿਸ ਨੂੰ ਉਹ ਜਲਦੀ ਹੀ ਸ਼ੁਰੂ ਕਰਨ ਜਾ ਰਹੇ ਹਨ। ਇਸ ਦੇ ਨਾਲ ਹੀ ਇਸ ਤੋਂ ਬਾਅਦ(ਕਭੀ ਈਦ ਕਭੀ ਦੀਵਾਲੀ) ਹੋਵੇਗੀ। ਫਿਰ ਕੁਝ ਹੋਰ ਪ੍ਰੋਜੈਕਟ ਹਨ ਜੋ ਸਲਮਾਨ ਖਾਨ ਨੇ ਸ਼ੂਟ ਕਰਨੇ ਹਨ ਅਤੇ ਉਦੋਂ ਤੱਕ ਦਬੰਗ 4 ਦੀ ਸਕ੍ਰਿਪਟ ਪੂਰੀ ਹੋਣ ਦੀ ਉਮੀਦ ਹੈ। ਅਜਿਹੇ ‘ਚ ਪੂਰੀ ਸੰਭਾਵਨਾ ਹੈ ਕਿ ਆਉਣ ਵਾਲੇ ਸਾਲ ਦੇ ਅੰਤ ਤੱਕ ਸਲਮਾਨ ਖਾਨ ਦਬੰਗ 4 ਦੀ ਸ਼ੂਟਿੰਗ ਕਰਨਗੇ।
