ਬਾਲੀਵੁੱਡ ਅਭਿਨੇਤਾ ਸ਼ਾਹਿਦ ਕਪੂਰ ਦੀ ਪਤਨੀ ਮੀਰਾ ਰਾਜਪੂਤ ਭਾਵੇਂ ਹੀ ਬਾਲੀਵੁੱਡ ‘ਚ ਸਰਗਰਮ ਨਾ ਹੋਵੇ ਪਰ ਪ੍ਰਸ਼ੰਸਕਾਂ ਅਤੇ ਫਾਲੋਅਰਜ਼ ਦੇ ਮਾਮਲੇ ‘ਚ ਉਹ ਵੱਡੀਆਂ ਅਭਿਨੇਤਰੀਆਂ ਨਾਲ ਮੁਕਾਬਲਾ ਕਰਦੀ ਹੈ। ਮੀਰਾ ਸ਼ਾਹਿਦ ਲਈ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦੀ ਰਹਿੰਦੀ ਹੈ, ਨਾਲ ਹੀ ਸ਼ਾਹਿਦ ਵੀ ਆਪਣੀ ਪਤਨੀ ਦੇ ਪਿਆਰ ਦਾ ਇਜ਼ਹਾਰ ਕਰਨ ਤੋਂ ਕਦੇ ਪਿੱਛੇ ਨਹੀਂ ਹਟਦਾ। ਸ਼ਾਹਿਦ ਕਪੂਰ ਨੇ ਪਤਨੀ ਮੀਰਾ ਨਾਲ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ‘ਚ ਦੋਵੇਂ ਸਰਦੀਆਂ ‘ਚ ਬਾਹਰ ਬੈਂਚ ‘ਤੇ ਬੈਠੇ ਨਜ਼ਰ ਆ ਰਹੇ ਹਨ।
ਸ਼ਾਹਿਦ ਇਸ ਵੀਡੀਓ ‘ਚ ਦੱਸ ਰਹੇ ਹਨ ਕਿ ਉਨ੍ਹਾਂ ਦੋਨਾਂ ਦੇ ਦਰਿਮਆਨ ਕੋਈ ਤੀਜਾ ਆ ਗਿਆ ਹੈ । ਇਹ ਗੱਲ ਸੁਣ ਕੇ ਸ਼ਾਇਦ ਤੁਹਾਨੂੰ ਵੀ ਝਟਕਾ ਲੱਗੇਗਾ । ਪਰ ਇਹ ਹੈ ਬਿਲਕੁਲ ਸੱਚ ! ਸ਼ਾਹਿਦ ਇਸ ਵੀਡੀਓ ‘ਚ ਸ਼ਾਹਿਦ ਦੱਸ ਰਹੇ ਹਨ ਕਿ ਸਾਡੇ ਦੋਵਾਂ ਦਰਮਿਆਨ ਮੀਰਾ ਦਾ ਮੋਬਾਈਲ ਆ ਗਿਆ ਹੈ । ਜਿਸ ਤੋਂ ਬਾਅਦ ਦੋਵਾਂ ਦੇ ਫੈਨਸ ਨੇ ਰਾਹਤ ਦਾ ਸਾਹ ਲਿਆ ਹੈ । ਇਸ ਵੀਡੀਓ ‘ਚ ਤੁਸੀਂ ਵੇਖ ਸਕਦੇ ਹੋ ਕਿ ਸ਼ਾਹਿਦ ਪਾਰਕ ‘ਚ ਬੈਠੀ ਆਪਣੀ ਪਤਨੀ ਨੂੰ ਫਲਾਇੰਗ ਕਿੱਸ ਕਰਦੇ ਹੋਏ ਨਜ਼ਰ ਆ ਰਹੇ ਹਨ, ਪਰ ਮੀਰਾ ਆਪਣੇ ਫੋਨ ‘ਚ ਬਿਜ਼ੀ ਨਜ਼ਰ ਆ ਰਹੀ ਹੈ ।
ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਅਦਾਕਾਰ ਨੇ ਲਿਖਿਆ ਕਿ ‘ਉਸ ਦਾ ਪਹਿਲਾ ਪਿਆਰ ਉਹ ਹੈ, ਜਿਸ ਨੂੰ ਉਹ ਘੂਰ ਰਹੀ ਹੈ, ਪਰ ਕੀ ਕਰੇ, ਪਿਆਰ ਅਜਿਹਾ ਹੀ ਹੁੰਦਾ ਹੈ, ਸ਼ਾਹਿਦ ਦੇ ਕੈਪਸ਼ਨ ‘ਤੇ ਰਿਐਕਸ਼ਨ ਦਿੰਦੇ ਹੋਏ ਮੀਰਾ ਨੇ ਲਿਖਿਆ ‘ਨਾ ਤੂੰ ਮੇਰਾ ਪਹਿਲਾ ਪਿਆਰ ਹੈ’। ਸ਼ਾਹਿਦ ਅਤੇ ਮੀਰਾ ਦਾ ਬਲੈਕ ਐਂਡ ਵ੍ਹਾਈਟ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਦੇ ਨਾਲ ਵਾਇਰਲ ਹੋ ਰਿਹਾ ਹੈ । ਬੀ-ਟਾਊਨ ‘ਚ ਮੀਰਾ-ਸ਼ਾਹਿਦ ਨੂੰ ਪਰਫੈਕਟ ਜੋੜੀ ਮੰਨਿਆ ਜਾਂਦਾ ਹੈ। ਮੀਰਾ ਭਾਵੇਂ ਵੱਡੇ ਪਰਦੇ ਤੋਂ ਦੂਰ ਹੈ ਪਰ ਉਹ ਆਪਣੀ ਫਿਟਨੈੱਸ ਅਤੇ ਸਟਾਈਲ ਨਾਲ ਆਪਣੇ ਪ੍ਰਸ਼ੰਸਕਾਂ ਨੂੰ ਦੀਵਾਨਾ ਬਣਾ ਦਿੰਦੀ ਹੈ। ਮੀਰਾ ਦੀ ਸੋਸ਼ਲ ਮੀਡੀਆ ‘ਤੇ ਬਹੁਤ ਵੱਡੀ ਫੈਨ ਫਾਲੋਇੰਗ ਹੈ। ਸ਼ਾਹਿਦ ਅਕਸਰ ਪਤਨੀ ਮੀਰਾ ਨਾਲ ਆਪਣੀਆਂ ਤਸਵੀਰਾਂ ਸ਼ੇਅਰ ਕਰਦੇ ਰਹਿੰਦੇ ਹਨ।
