ਯਾਮੀ ਗੌਤਮ ਦੀ ਆਉਣ ਵਾਲੀ ਫਿਲਮ ‘ਆਰਟੀਕਲ 370’ ਦਾ ਟ੍ਰੇਲਰ ਅੱਜ ਇੱਕ ਇਵੈਂਟ ਦੌਰਾਨ ਲਾਂਚ ਕੀਤਾ ਗਿਆ ਹੈ। ਇਹ ਫਿਲਮ 23 ਫਰਵਰੀ ਨੂੰ ਰਿਲੀਜ਼ ਹੋਵੇਗੀ। ਆਦਿਤਿਆ ਧਰ ਨੇ ਟ੍ਰੇਲਰ ਲਾਂਚ ਮੌਕੇ ਖੁਸ਼ਖਬਰੀ ਸਾਂਝੀ ਕੀਤੀ। ਉਨ੍ਹਾਂ ਨੇ ਯਾਮੀ ਗੌਤਮ ਦੇ ਪ੍ਰੈਗਨੈਂਸੀ ਦੀ ਪੁਸ਼ਟੀ ਕੀਤੀ ਅਤੇ ਦੱਸਿਆ ਕਿ ਛੋਟਾ ਮਹਿਮਾਨ ਜਲਦੀ ਹੀ ਘਰ ਆਉਣ ਵਾਲਾ ਹੈ।
ਯਾਮੀ ਅਤੇ ਆਦਿਤਿਆ ਦੇ ਵਿਆਹ ਨੂੰ ਤਿੰਨ ਸਾਲ ਹੋ ਗਏ ਹਨ। ਇਸ ਜੋੜੇ ਦਾ ਜੂਨ 2021 ਵਿੱਚ ਵਿਆਹ ਹੋਇਆ ਸੀ। ਖਬਰਾਂ ਦੀ ਮੰਨੀਏ ਤਾਂ ਯਾਮੀ ਮਈ ‘ਚ ਬੱਚੇ ਨੂੰ ਜਨਮ ਦੇਵੇਗੀ। ਫਿਲਮ ਆਰਟੀਕਲ 370 ਦੀ ਗੱਲ ਕਰੀਏ ਤਾਂ ਜਿੱਥੇ ਯਾਮੀ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆ ਰਹੀ ਹੈ, ਇਸ ਫਿਲਮ ਨੂੰ ਆਦਿਤਿਆ ਨੇ ਪ੍ਰੋਡਿਊਸ ਕੀਤਾ ਹੈ। ਹੁਣ ਇਹ ਜੋੜੀ ਪ੍ਰਮੋਸ਼ਨ ਵਿੱਚ ਇਕੱਠੇ ਨਜ਼ਰ ਆਉਣ ਵਾਲੀ ਹੈ।
