ਆਧੁਨਿਕ ਸਮੇਂ ਵਿੱਚ, ਜਿੱਥੇ ਅਸੀਂ ਜ਼ਿਆਦਾਤਰ ਬੈਠ ਕੇ ਕੰਮ ਕਰਦੇ ਹਾਂ, ਉੱਥੇ ਲੰਬੇ ਸਮੇਂ ਤੱਕ ਬੈਠਣ ਦੇ ਨੁਕਸਾਨ ਬਹੁਤ ਵੱਧ ਗਏ ਹਨ। ਭਾਵੇਂ ਦਫ਼ਤਰ ਵਿੱਚ ਹੋਵੇ ਜਾਂ ਘਰ ਵਿੱਚ, ਇੱਕ ਸਕਰੀਨ ਦੇ ਸਾਹਮਣੇ ਲਗਾਤਾਰ ਇੱਕ ਸਥਿਤੀ ਵਿੱਚ ਰਹਿਣ ਦੇ ਖ਼ਤਰਨਾਕ ਨਤੀਜੇ ਹੋ ਸਕਦੇ ਹਨ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਲੰਬੇ ਸਮੇਂ ਤੱਕ ਬੈਠਣ ਨਾਲ ਹੱਡੀ ਪੇਸ਼ੀ ਸਿਸਟਮ ਪ੍ਰਭਾਵਿਤ ਹੁੰਦਾ ਹੈ, ਜਿਸ ਨਾਲ ਗਰਦਨ, ਮੋਢਿਆਂ ਅਤੇ ਪਿੱਠ ਦੇ ਹੇਠਲੇ ਹਿੱਸੇ ਦੀਆਂ ਮਾਸਪੇਸ਼ੀਆਂ ਵਿੱਚ ਅਕੜਾਅ ਆ ਸਕਦਾ ਹੈ। ਇਹ ਮਾੜੀ ਮੁਦਰਾ ਅਤੇ ਅਸੰਤੁਲਿਤ ਮਾਸਪੇਸ਼ੀਆਂ ਦੇ ਵਿਕਾਸ ਵਿੱਚ ਯੋਗਦਾਨ ਪਾ ਸਕਦਾ ਹੈ, ਨਾਲ ਹੀ ਖੂਨ ਸੰਚਾਰ ਨੂੰ ਘਟਾ ਸਕਦਾ ਹੈ।
ਇੰਨਾ ਹੀ ਨਹੀਂ, ਜ਼ਿਆਦਾ ਦੇਰ ਤੱਕ ਬੈਠਣ ਨਾਲ ਲੱਤਾਂ ਦੀਆਂ ਵੱਡੀਆਂ ਮਾਸਪੇਸ਼ੀਆਂ ਕਮਜ਼ੋਰ ਅਤੇ ਸੁੰਗੜ ਜਾਂਦੀਆਂ ਹਨ।ਇਹ ਵੱਡੀਆਂ ਮਾਸਪੇਸ਼ੀਆਂ ਤੁਰਨ ਅਤੇ ਤੁਹਾਡੇ ਸੰਤੁਲਨ ਲਈ ਮਹੱਤਵਪੂਰਨ ਹਨ। ਜੇਕਰ ਇਹ ਮਾਸਪੇਸ਼ੀਆਂ ਕਮਜ਼ੋਰ ਹਨ, ਤਾਂ ਕਸਰਤ ਦੌਰਾਨ ਡਿੱਗਣ ਜਾਂ ਖਿਚਾਅ ਕੇ ਤੁਹਾਡੇ ਆਪਣੇ ਆਪ ਨੂੰ ਸੱਟ ਲੱਗਣ ਦੀ ਜ਼ਿਆਦਾ ਸੰਭਾਵਨਾ ਹੁੰਦੀ ਹੈ। ਜੇਕਰ ਤੁਸੀਂ ਬਹੁਤ ਜ਼ਿਆਦਾ ਬੈਠਦੇ ਹੋ ਤਾਂ ਤੁਹਾਡੇ ਕੁੱਲ੍ਹੇ ਅਤੇ ਪਿੱਠ ਤੁਹਾਨੂੰ ਸਹੀ ਤਰ੍ਹਾਂ ਨਾਲ ਸਹਾਰਾ ਨਹੀਂ ਦੇ ਸਕਣਗੇ।
ਬੈਠਣ ਨਾਲ ਕਮਰ ਦੀਆਂ ਮਾਸਪੇਸ਼ੀਆਂ ਸੁੰਗੜ ਜਾਂਦੀਆਂ ਹਨ, ਜਿਸ ਨਾਲ ਜੋੜਾਂ ਦੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਨਾਲ ਹੀ, ਲਗਾਤਾਰ ਗਲਤ ਆਸਣ ਵਿੱਚ ਬੈਠਣ ਨਾਲ ਪਿੱਠ ਦੀ ਸਮੱਸਿਆ ਹੋ ਸਕਦੀ ਹੈ। ਖਰਾਬ ਆਸਣ ਰੀੜ੍ਹ ਦੀ ਹੱਡੀ ਲਈ ਵੀ ਹਾਨੀਕਾਰਕ ਹੈ, ਡਿਸਕਸ ‘ਤੇ ਦਬਾਅ ਪਾਉਣਾ, ਉਨ੍ਹਾਂ ਦਾ ਵਿਗਾੜ (ਡਿਜਨਰੇਸ਼ਨ) ਵਧਣਾ, ਅਤੇ ਇਸ ਨਾਲ ਬਹੁਤ ਜ਼ਿਆਦਾ ਦਰਦ ਹੋ ਸਕਦਾ ਹੈ।
ਜ਼ਿਆਦਾ ਬੈਠਣ ਨਾਲ ਪਾਚਨ ਕਿਰਿਆ ਠੀਕ ਨਹੀਂ ਹੁੰਦੀ, ਜਿਸ ਕਾਰਨ ਸਰੀਰ ‘ਚ ਚਰਬੀ ਜਮ੍ਹਾ ਹੋ ਜਾਂਦੀ ਹੈ। ਜਿਹੜੇ ਲੋਕ ਬਹੁਤ ਜ਼ਿਆਦਾ ਬੈਠਦੇ ਹਨ, ਉਹ ਚਿੰਤਾ ਅਤੇ ਤਣਾਅ ਦਾ ਸ਼ਿਕਾਰ ਹੁੰਦੇ ਹਨ। ਸ਼ਾਇਦ ਇਸ ਲਈ ਕਿ ਸਰੀਰਕ ਤੌਰ ‘ਤੇ ਸਰਗਰਮ ਨਾ ਰਹਿਣ ਕਾਰਨ ਉਨ੍ਹਾਂ ਨੂੰ ਫਿਟਨੈੱਸ ਦਾ ਲਾਭ ਨਹੀਂ ਮਿਲਦਾ। ਇਸ ਲਈ ਉੱਠਣਾ ਅਤੇ ਘੁੰਮਣਾ ਵੀ ਤੁਹਾਡੇ ਤਣਾਅ ਨੂੰ ਘਟਾ ਸਕਦਾ ਹੈ। ਬਹੁਤ ਜ਼ਿਆਦਾ ਬੈਠਣ ਨਾਲ ਸ਼ੂਗਰ ਦਾ ਖ਼ਤਰਾ 112% ਵੱਧ ਜਾਂਦਾ ਹੈ।
ਕੰਪਿਊਟਰ ਦੇ ਸਾਹਮਣੇ ਬਹੁਤ ਜ਼ਿਆਦਾ ਝੁਕ ਕੇ ਬੈਠਣ ਨਾਲ ਗਰਦਨ ਅਤੇ ਮੋਢਿਆਂ ਵਿੱਚ ਦਰਦ ਅਤੇ ਅਕੜਾਅ ਹੋ ਸਕਦਾ ਹੈ। ਸਰੀਰਕ ਅਕਿਰਿਆਸ਼ੀਲਤਾ ਹਰ ਸਾਲ ਦੁਨੀਆ ਭਰ ਵਿੱਚ 3 ਮਿਲੀਅਨ ਤੋਂ ਵੱਧ ਮੌਤਾਂ ਦਾ ਕਾਰਨ ਬਣਦੀ ਹੈ (ਸਾਰੀਆਂ ਮੌਤਾਂ ਦਾ ਛੇ ਪ੍ਰਤੀਸ਼ਤ)। ਇਹ ਗੈਰ-ਛੂਤ ਦੀਆਂ ਬਿਮਾਰੀਆਂ ਵਿੱਚ ਮੌਤ ਦੇ ਕਾਰਨਾਂ ਵਿੱਚ ਚੌਥੇ ਨੰਬਰ ‘ਤੇ ਹੈ।
ਹਰ ਘੰਟੇ ਵਿਚ ਛੋਟਾ ਬ੍ਰੇਕ ਲਓ, ਉੱਠੋ, ਤੁਰੋ ਜਾਂ ਸੈਰ ਕਰੋ। ਇਸ ਨਾਲ ਖੂਨ ਸੰਚਾਰ ਵਿੱਚ ਸੁਧਾਰ ਹੁੰਦਾ ਹੈ ਅਤੇ ਮਾਸਪੇਸ਼ੀਆਂ ਵਿੱਚ ਅਕੜਾਅ ਘੱਟ ਹੁੰਦਾ ਹੈ।
ਆਪਣੀ ਕੁਰਸੀ ਅਤੇ ਡੈਸਕ ਦੀ ਉਚਾਈ ਵੱਲ ਧਿਆਨ ਦਿਓ ਤਾਂ ਕਿ ਰੀੜ੍ਹ ਦੀ ਹੱਡੀ ਸਿੱਧੀ ਰਹੇ ਅਤੇ ਸਮੇਂ-ਸਮੇਂ ‘ਤੇ ਬੈਠਣ ਦੀ ਸਥਿਤੀ ਨੂੰ ਬਦਲਣ ਲਈ ਖੜ੍ਹੇ ਡੈਸਕ ਦੀ ਵਰਤੋਂ ਕਰੋ।
