ਸਨ ਟੈਨਿੰਗ ਇੱਕ ਅਜਿਹੀ ਸਮੱਸਿਆ ਹੈ ਜੋ ਹਰ ਕਿਸੇ ਨੂੰ ਕਿਸੇ ਨਾ ਕਿਸੇ ਸਮੇਂ ਹੁੰਦੀ ਹੈ। ਕਈ ਵਾਰ ਤਾਂ ਇਹ ਸਮੱਸਿਆ ਇੰਨੀ ਵੱਧ ਜਾਂਦੀ ਹੈ ਕਿ ਲੋਕਾਂ ਨੂੰ ਸਹੀ ਇਲਾਜ ਕਰਵਾਉਣਾ ਪੈਂਦਾ ਹੈ। ਜੇ ਇਸ ਨੂੰ ਸਮੇਂ ਸਿਰ ਨਾ ਰੋਕਿਆ ਜਾਵੇ ਤਾਂ ਇਹ ਪਿਗਮੈਂਟੇਸ਼ਨ ਅਤੇ ਚਮੜੀ ਦੀਆਂ ਹੋਰ ਸਮੱਸਿਆਵਾਂ ਵਿੱਚ ਤਬਦੀਲ ਹੋਣ ਲੱਗਦੀ ਹੈ। ਆਓ ਜਾਣਦੇ ਹਾਂ ਇਸ ਨੂੰ ਦੂਰ ਕਰਨ ਦੇ ਕੁੱਝ ਘਰੇਲੂ ਨੁਸਖੇ..

-ਇੱਕ ਟਮਾਟਰ ਲਓ ਅਤੇ ਇਸ ਨੂੰ ਵਿਚਕਾਰੋਂ ਅੱਧਾ ਕੱਟ ਲਓ। ਹੁਣ ਅੱਧੇ ਟਮਾਟਰ ’ਤੇ ਇੱਕ ਚਮਚ ਦਹੀਂ ਪਾਓ ਅਤੇ ਇਸ ਨੂੰ ਟੈਨਿੰਗ ਵਾਲੀ ਥਾਂ ’ਤੇ ਗੋਲ ਮੋਸ਼ਨ ਵਿੱਚ ਲਗਾਓ। ਵਾਰ-ਵਾਰ ਟਮਾਟਰ ‘ਤੇ ਥੋੜ੍ਹੀ ਮਾਤਰਾ ‘ਚ ਦਹੀਂ ਲੈ ਕੇ ਮਾਲਿਸ਼ ਕਰੋ। ਫਿਰ ਅੱਧੇ ਘੰਟੇ ਲਈ ਇਸ ਤਰ੍ਹਾਂ ਛੱਡ ਦਿਓ। ਕੁਝ ਹੀ ਦਿਨਾਂ ‘ਚ ਤੁਹਾਡੀ ਇਹ ਸਮੱਸਿਆ ਖਤਮ ਹੋ ਜਾਵੇਗੀ ਅਤੇ ਟੈਨਿੰਗ ਹਲਕਾ ਹੋਣ ਲੱਗੇਗੀ।
-ਚੌਲਾਂ ਦਾ ਆਟਾ ਲਓ ਅਤੇ ਇਸ ’ਚ ਅੱਧੀ ਮਾਤਰਾ ’ਚ ਕੌਫੀ ਮਿਲਾ ਲਓ। ਇਸ ਨੂੰ ਪੈਕ ਦੀ ਤਰ੍ਹਾਂ ਬਣਾ ਕੇ ਪ੍ਰਭਾਵਿਤ ਥਾਂ ’ਤੇ ਲਗਾਓ। ਇਹ ਪੈਕ ਸੂਰਜ ਦੀਆਂ ਕਿਰਨਾਂ ਨਾਲ ਖ਼ਰਾਬ ਹੋਈ ਚਮੜੀ ਲਈ ਵਧੀਆ ਹੈ।
-ਕੱਚੇ ਦੁੱਧ ਵਿੱਚ ਇੱਕ ਚੁਟਕੀ ਹਲਦੀ ਅਤੇ ਛੋਲੇ ਦਾ ਆਟਾ ਮਿਲਾ ਕੇ ਪੇਸਟ ਦੀ ਤਰ੍ਹਾਂ ਤਿਆਰ ਕਰੋ। ਇਸ ਪੇਸਟ ਨੂੰ ਪ੍ਰਭਾਵਿਤ ਥਾਂ ’ਚੇ ਲਗਾਓ ਅਤੇ ਘੱਟੋ-ਘੱਟ 20 ਤੋਂ 25 ਮਿੰਟ ਲਈ ਛੱਡ ਦਿਓ। ਇਸ ਨੂੰ ਸਾਫ ਕਰਨ ਲਈ ਸਾਬਣ ਦੀ ਵਰਤੋਂ ਨਾ ਕਰੋ।
-ਇਸ ਤੋਂ ਇਲਾਵਾ ਆਲੂ, ਖੀਰਾ ਅਤੇ ਨਿੰਬੂ ਦਾ ਮਿਸ਼ਰਣ ਸਨ ਟੈਨਿੰਗ ’ਤੇ ਵੀ ਵਧੀਆ ਕੰਮ ਕਰਦਾ ਹੈ। ਇਸ ਨੂੰ ਘਰੇਲੂ ਬਲੀਚ ਵੀ ਕਿਹਾ ਜਾ ਸਕਦਾ ਹੈ ਕਿਉਂਕਿ ਤਿੰਨੋਂ ਚੀਜ਼ਾਂ ਵਿੱਚ ਚਮੜੀ ਨੂੰ ਚਮਕਦਾਰ ਬਣਾਉਣ ਦੇ ਗੁਣ ਹੁੰਦੇ ਹਨ।