ਹਰੀਆਂ ਸਬਜ਼ੀਆਂ ਨੂੰ ਸਿਹਤ ਲਈ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਸਬਜ਼ੀਆਂ ‘ਚ ਕਈ ਤਰ੍ਹਾਂ ਦੇ ਪੋਸ਼ਕ ਤੱਤ ਪਾਏ ਜਾਂਦੇ ਹਨ, ਜੋ ਸਾਨੂੰ ਕਈ ਬੀਮਾਰੀਆਂ ਤੋਂ ਬਚਾਉਂਦੇ ਹਨ। ਕਈ ਲੋਕਾਂ ਦਾ ਮੰਣਨਾ ਹੈ ਕਿ ਸਿਰਫ ਹਰੀਆਂ ਸਬਜ਼ੀਆਂ ਖਾਣ ਨਾਲ ਦਿਲ ਦੇ ਰੋਗ ਜਾਂ ਸਟ੍ਰੋਕ ਤੋਂ ਬਚਿਆ ਜਾ ਸਕਦਾ ਹੈ ਜਦ ਕਿ ਮਾਹਿਰਾਂ ਦਾ ਮੰਨਣਾ ਹੈ ਕਿ ਅਜਿਹਾ ਨਹੀਂ ਹੈ। ਬ੍ਰਿਟੇਨ ‘ਚ ਕੀਤੇ ਗਏ ਇਕ ਅਧਿਐਨ ਤੋਂ ਪਤਾ ਲੱਗਾ ਹੈ ਕਿ ਇਕੱਲੀਆਂ ਜ਼ਿਆਦਾ ਸਬਜ਼ੀਆਂ ਦਾ ਸੇਵਨ ਕਰਨ ਨਾਲ ਦਿਲ ਦੇ ਦੌਰੇ ਜਾਂ ਸਟ੍ਰੋਕ ਦਾ ਖਤਰਾ ਘੱਟ ਨਹੀਂ ਹੁੰਦਾ।
ਇਕ ਅਧਿਐਨ ਅਨੁਸਾਰ ਕੱਚੀਆਂ ਸਬਜ਼ੀਆਂ ਖਾਣ ਨਾਲ ਕਾਰਡੀਓਵੈਸਕੁਲਰ ਰੋਗਾਂ ਤੋਂ ਕੁਝ ਸੁਰੱਖਿਆ ਮਿਲਦੀ ਹੈ ਪਰ ਪੱਕੀਆਂ ਹੋਈਆ ਹਰੀਆਂ ਸਬਜ਼ੀਆਂ ਖਾਣ ਨਾਲ ਅਜਿਹਾ ਨਹੀਂ ਹੁੰਦਾ। ਇਸ ਤੋਂ ਇਲਾਵਾ ਖੋਜਕਰਤਾਵਾਂ ਨੇ ਲੋਕਾਂ ਦੇ ਵਿਦਿਅਕ ਪੱਧਰ ਅਤੇ ਹੋਰ ਸਮਾਜਿਕ-ਆਰਥਿਕ ਕਾਰਕਾਂ ਦੇ ਨਾਲ-ਨਾਲ ਜੀਵਨਸ਼ੈਲੀ ਦੇ ਕਾਰਕਾਂ ਜਿਵੇਂ ਕਿ ਸਰੀਰਕ ਗਤੀਵਿਧੀ, ਸਿਗਰਟਨੋਸ਼ੀ, ਅਲਕੋਹਲ ਦੀ ਖਪਤ, ਲਾਲ ਮੀਟ ਦਾ ਸੇਵਨ, ਅਤੇ ਉਹਨਾਂ ਦੀ ਖੁਰਾਕ ਦੇ ਹੋਰ ਪਹਿਲੂਆਂ ਨੂੰ ਧਿਆਨ ਵਿੱਚ ਰੱਖਿਆ ਤਾਂ ਪਤਾ ਲੱਗਿਆ ਕਿ ਸਬਜ਼ੀਆਂ ਦੀ ਖਪਤ ਦਾ ਲਾਭ ਇਨਾਂ ਚੀਜ਼ਾਂ ਦੇ ਸੇਵਨ ਤੇ ਵੀ ਨਿਰਭਰ ਹੈ।
ਜਦੋਂ ਕੋਈ ਵਿਅਕਤੀ ਜ਼ਿਆਦਾ ਸਬਜ਼ੀਆਂ ਖਾਂਦਾ ਹੈ, ਤਾਂ ਉਹ ਕਿਸੇ ਹੋਰ ਚੀਜ਼ ਨੂੰ ਖਾਣਾ ਘੱਟ ਕਰ ਦਿੰਦਾ ਹੈ। ਉਹ ਜੋ ਘੱਟ ਖਾਂਦੇ ਹਨ ਉਸ ਦਾ ਉਹਨਾਂ ਦੀ ਸਿਹਤ ‘ਤੇ ਵੱਖੋ-ਵੱਖਰਾ ਪ੍ਰਭਾਵ ਹੋ ਸਕਦਾ ਹੈ ਇਸ ਤਰਾਂ ਸਿਰਫ ਹਰੀਆਂ ਸਬਜ਼ੀਆਂ ਖਾਣ ਦੀ ਬਜਾਏ ਸੰਤੁਲਿਤ ਬੈਲੰਸ ਡਾਈਟ ਦੀ ਪਾਲਣਾ ਕਰੋ ਤਾ ਜੋ ਸਰੀਰ ਨੂੰ ਹਰ ਇਕ ਭੋਜਨ ਦਾ ਪੋਸ਼ਟਿਕ ਤੱਤ ਮਿਲ ਸਕੇ।
