ਪਿਛਲੇ ਕੁਝ ਦਿਨਾਂ ਤੋਂ ਅਸੀਂ ਲਗਾਤਾਰ ਵੱਧ ਰਹੇ ਤਾਪਮਾਨ ਅਤੇ ਗਰਮੀ ਬਾਰੇ ਸੁਣ ਪੜ੍ਹ ਰਹੇ ਹਾਂ। ਵਧਦੀ ਗਰਮੀ ਨਾ ਸਿਰਫ਼ ਇੱਕ ਅਸੁਵਿਧਾਜਨਕ ਸਥਿਤੀ ਹੈ, ਸਗੋਂ ਇਹ ਸਾਡੀ ਸਿਹਤ ‘ਤੇ ਕਈ ਮਾੜੇ ਪ੍ਰਭਾਵ ਵੀ ਪਾ ਸਕਦੀ ਹੈ। ਧੁੱਪ ਅਤੇ ਗਰਮੀ ਕਾਰਨ ਲੋਕ ਅਕਸਰ ਡੀਹਾਈਡ੍ਰੇਸ਼ਨ ਦਾ ਸ਼ਿਕਾਰ ਹੋ ਜਾਂਦੇ ਹਨ। ਅਜਿਹੇ ਵਿੱਚ ਇਸ ਅੱਤ ਦੀ ਗਰਮੀ ਵਿੱਚ ਸਕੂਲ ਤੋਂ ਘਰ ਆਉਂਦੇ ਬੱਚਿਆਂ ਦਾ ਖ਼ਾਸ ਖਿਆਲ ਰੱਖਣਾ ਲਾਜ਼ਮੀ ਹੋ ਜਾਂਦਾ ਹਾਂ ਕਿਉਕਿ ਜਦੋਂ ਬੱਚੇ ਕੜਕਦੀ ਧੁੱਪ ਤੋਂ ਘਰ ਵਾਪਸ ਆਉਂਦੇ ਹਨ ਤਾਂ ਉਸ ਸਮੇਂ ਅਜਿਹੀਆਂ ਕਈ ਗ਼ਲਤੀਆਂ ਕਰ ਬੈਠਦੇ ਹਨ ਜੋ ਕਿ ਉਨ੍ਹਾਂ ਦੇ ਬਿਮਾਰ ਹੋਣ ਦਾ ਕਾਰਨ ਬਣ ਜਾਂਦੀਆਂ ਹਨ।
ਆਓਂ ਜਾਂਦੇ ਹਾਂ ਤੇਜ਼ ਧੁੱਪ ਤੋਂ ਘਰ ਪਰਤ ਕੇ ਕਿਹੜੀਆ ਗਲਤੀਆ ਨਹੀਂ ਕਰਨੀਆ ਚਾਹੀਦੀਆ:
ਕਈ ਵਾਰ ਬੱਚੇ ਧੁੱਪ ਤੋਂ ਘਰ ਆਉਂਦਿਆਂ ਹੀ ਕੂਲਰ ਅਤੇ ਏਸੀ ਚਾਲੂ ਕਰ ਦਿੰਦੇ ਹਨ। ਅਜਿਹਾ ਬਿਲਕੁਲ ਨਹੀਂ ਕਰਨਾ ਚਾਹੀਦਾ। ਯਾਦ ਰੱਖੋ ਕਿ ਸਾਡੇ ਸਰੀਰ ਨੂੰ ਵੱਖ-ਵੱਖ ਤਾਪਮਾਨਾਂ ਦੇ ਅਨੁਕੂਲ ਹੋਣ ਲਈ ਸਮਾਂ ਲੱਗਦਾ ਹੈ। ਇਸ ਦੇ ਨਾਲ ਹੀ ਕੂਲਰ ਅਤੇ ਏਸੀ ਸਾਹਮਣੇ ਲਗਾਤਾਰ ਬੈਠਣ ਬਾਅਦ ਇਕਦਮ ਧੁੱਪ ਵਿਚ ਵੀ ਨਾ ਨਿਕਲਣ ਦਿਓ।
ਬੱਚੇ ਤੇਜ਼ ਧੁੱਪ ਚੋ ਆਉਣ ਤੋਂ ਤੁਰੰਤ ਬਾਅਦ ਆਪਣਾ ਮੂੰਹ ਨਾ ਧੋਣ। ਇਸ ਕਾਰਨ ਚਿਹਰੇ ਦੀਆਂ ਖੂਨ ਦੀਆਂ ਨਾੜੀਆਂ ਪਤਲੀਆਂ ਹੋ ਜਾਂਦੀਆਂ ਹਨ, ਉਨ੍ਹਾਂ ਨੂੰ ਆਮ ਤਾਪਮਾਨ ਦੇ ਅਨੁਕੂਲ ਹੋਣ ਦਾ ਸਮਾਂ ਨਹੀਂ ਮਿਲਦਾ। ਬਾਹਰੋਂ ਆਉਣ ਤੋਂ ਬਾਅਦ, ਚਮੜੀ ਨੂੰ ਕੁਝ ਸਮੇਂ ਲਈ ਕਮਰੇ ਦੇ ਸਾਧਾਰਨ ਤਾਪਮਾਨ ‘ਤੇ ਆਉਣ ਦਿਓ।
ਜਦ ਵੀ ਬੱਚੇ ਗਰਮੀ ਵਿੱਚ ਬਾਹਰੋਂ ਆਏ ਹੋਣ ਤਾਂ ਆਉਣ ਤੋਂ ਤੁਰੰਤ ਬਾਅਦ ਇਸ਼ਨਾਨ ਨਾ ਕਰਨ। ਬਾਹਰੋਂ ਆਉਣ ਨਾਲ ਸਰੀਰ ਦਾ ਤਾਪਮਾਨ ਬਹੁਤ ਵੱਧ ਜਾਂਦਾ ਹੈ। ਅਜਿਹੇ ‘ਚ ਸਰੀਰ ‘ਤੇ ਪਾਣੀ ਡਿੱਗਣ ਨਾਲ ਸਾਡੇ ਸਰੀਰ ਦਾ ਤਾਪਮਾਨ ਵਿਗੜ ਜਾਂਦਾ ਹੈ। ਜ਼ੁਕਾਮ, ਅਤੇ ਸਿਰ ਦਰਦ ਦੀ ਸਮੱਸਿਆ ਹੋ ਸਕਦੀ ਹੈ।
ਅਕਸਰ ਬੱਚੇ ਤੇਜ਼ ਧੁੱਪ ਤੋਂ ਘਰ ਆਉਣ ਦੇ ਤੁਰੰਤ ਬਾਅਦ ਠੰਡਾ ਪਾਣੀ ਪੀ ਲੈਂਦੇ ਹਨ। ਧੁੱਪ ਚੋ ਆਉਣ ਤੋਂ ਤੁਰੰਤ ਬਾਅਦ ਠੰਡਾ ਪਾਣੀ ਪੀਣ ਨਾਲ ਸਰੀਰ ਦੇ ਤਾਪਮਾਨ ਵਿਚ ਅਚਾਨਕ ਬਦਲਾਅ ਆਉਂਦਾ ਹੈ। ਜਿਸ ਕਾਰਨ ਜ਼ੁਕਾਮ ਜਾਂ ਬੁਖਾਰ ਹੋਣ ਦੀ ਸੰਭਾਵਨਾ ਰਹਿੰਦੀ ਹੈ। ਬਾਹਰੋਂ ਆਉਣ ਤੋਂ ਬਾਅਦ ਪਹਿਲਾਂ ਆਪਣੇ ਸਰੀਰ ਦਾ ਤਾਪਮਾਨ ਕਮਰੇ ਦੇ ਤਾਪਮਾਨ ਦੇ ਬਰਾਬਰ ਰੱਖੋ, ਫਿਰ ਠੰਡਾ ਪਾਣੀ ਪੀਣ ਦੀ ਬਜਾਏ ਸਾਦਾ ਪਾਣੀ ਪੀਓ।
