ਚੰਡੀਗੜ੍ਹ 17 ਜਨਵਰੀ 2022: ਹਲਕਾ ਅਮਰਗੜ੍ਹ ਵਿੱਚ ਕਾਂਗਰਸ ਪਾਰਟੀ ਦਾ ਉਮੀਦਵਾਰ ਲੇਟ ਹੋਣ ਨਾਲ ਹਲਕੇ ਦਾ ਸਿਆਸੀ ਪਾਰਾ ਵੱਧਦਾ ਜਾ ਰਿਹਾ ਹੈ। ਹਲਕਾ ਅਮਰਗੜ੍ਹ ਤੋ ਕਾਂਗਰਸ ਟਿਕਟ ਦੇ ਪ੍ਰਮੁੱਖ ਦਾਅਵੇਦਾਰ ਪ੍ਰਿਤਪਾਲ ਕੌਰ ਬਡਲਾ ਕੋਆਰਡੀਨੇਟਰ ਪੰਜਾਬ ਮਹਿਲਾਂ ਕਾਂਗਰਸ ਨੇ ਪੱਤਰਕਾਰਾ ਨਾਲ ਗੱਲਬਾਤ ਕਰਦਿਆ ਕਿਹਾ ਕਿ ਕਾਂਗਰਸ ਪਾਰਟੀ ਨੇ ਹਮੇਸ਼ਾ ਵਰਕਰਾਂ ਦੀ ਬਾਂਹ ਫੜੀ ਹੈ। ਹੁਣ ਤੱਕ ਐਲਾਨੀਆ 86 ਸੀਟਾ ਵਿੱਚ ਬੇਸ਼ੱਕ ਮਹਿਲਾਂਵਾ ਨੂੰ ਨਾਮਾਤਰ ਸੀਟਾ ਦਿੱਤੀਆ ਗਈਆ ਹਨ। ਪ੍ਰੰਤੂ ਸਾਨੂੰ ਪਾਰਟੀ ਹਾਈਕਮਾਨ ਅਤੇ ਪ੍ਰਿਯੰਕਾ ਗਾਂਧੀ ਜੀ ਤੇ ਪੂਰਾ ਭਰੋਸਾ ਹੈ ਕਿ ਅਗਲੀ ਸੂਚੀ ਵਿੱਚ ਮਹਿਲਾਂਵਾ ਨੂੰ ਘੱਟੋ-ਘੱਟ 10 ਟਿਕਟਾ ਜਰੂਰ ਦਿੱਤੀਆ ਜਾਣਗੀਆ। ਬੀਬੀ ਬਡਲਾ ਨੇ ਕਿਹਾ ਕਿ ਮਹਿਲਾਂ ਕਾਂਗਰਸ ਨੂੰ ਹੁਣ ਤੱਕ ਇੱਕ ਵੀ ਟਿਕਟ ਨਹੀ ਮਿਲੀ ਜਿਸ ਕਾਰਨ ਪੰਜਾਬ ਮਹਿਲਾਂ ਕਾਂਗਰਸ ਵਰਕਰਾਂ ਵਿੱਚ ਮਾਯੂਸੀ ਹੈ ਜਿਸ ਸੰਬੰਧੀ ਉਹਨਾਂ ਹਾਈਕਮਾਨ ਨੂੰ ਜਾਣੂ ਕਰਵਾਇਆ ਹੈ ਅਤੇ ਹਾਈਕਮਾਨ ਨੇ ਉਹਨਾਂ ਨੂੰ ਭਰੋਸਾ ਦਿੱਤਾ ਹੈ ਕਿ ਬਾਕੀ ਬਚਦੀਆ ਟਿਕਟਾ ਵਿੱਚੋ ਮਹਿਲਾਂ ਕਾਂਗਰਸ ਦਾ ਬਣਦਾ ਹੱਕ ਉਹਨਾਂ ਨੂੰ ਜਰੂਰ ਦਿੱਤਾ ਜਾਵੇਗਾ। ਹਲਕਾ ਅਮਰਗੜ੍ਹ ਦੀ ਗੱਲਬਾਤ ਕਰਦਿਆ ਬੀਬੀ ਬਡਲਾ ਨੇ ਕਿਹਾ ਕਿ ਹਲਕਾ ਅਮਰਗੜ੍ਹ ਦੀ ਟਿਕਟ ਹਲਕੇ ਵਿੱਚ ਅਤੇ ਜਿੱਤਣ ਵਾਲੇ ਉਮੀਦਵਾਰ ਨੂੰ ਮਿਲੇਗੀ। ਉਹਨਾਂ ਪਿਛਲੇ ਚਾਰ ਸਾਲਾ ਤੋ ਹਲਕੇ ਵਿੱਚ ਕਾਂਗਰਸ ਪਾਰਟੀ ਲਈ ਮਿਹਨਤ ਕੀਤੀ ਹੈ । ਬੂਥ ਲੈਵਲ ਤੱਕ ਪਾਰਟੀ ਨੀਤੀਆ ਨੂੰ ਘਰ ਘਰ ਤੱਕ ਪਹੁੰਚਾਇਆ ਹੈ। ਕਰੋਨਾ ਕਾਲ ਸਮੇ ਉਹਨਾਂ ਹਲਕੇ ਦੇ ਪਿੰਡ ਪਿੰਡ ਲੋਕਾ ਦੀ ਮਦਦ ਹਲਕੇ ਵਿੱਚ ਰਹਿ ਕੇ ਕੀਤੀ ਜਦ ਬਾਕੀ ਲੀਡਰ ਚੰਡੀਗੜ੍ਹ ਆਪਣੀਆ ਕੋਠੀਆ ਵਿੱਚ ਲੁਕੇ ਬੈਠੇ ਸਨ। ਬੀਬੀ ਬਡਲਾ ਨੇ ਕਿਹਾ ਕਿ ਜਿਸ ਤਰਾਂ ਸ ਚਰਨਜੀਤ ਸਿੰਘ ਚੰਨੀ ਦੀ ਸਰਕਾਰ ਨੇ ਲੋਕਾ ਲਈ ਕੰਮ ਕੀਤੇ ਹਨ ਕਾਂਗਰਸ ਸਰਕਾਰ ਦਾ ਦੁਬਾਰਾ ਬਣਨਾ ਤੈਅ ਹੈ। ਇਸ ਮੌਕੇ ਬਿੰਦਰ ਬਿੰਜੋਕੀ, ਗੁਰਕੀਰਤ ਸਿੰਘ ਭੱਟੀਆ, ਗੁਰਕਮਲ ਸਿੰਘ, ਗੁਰਲੀਨ ਸਿੰਘ, ਹਰਵਿੰਦਰ ਸਿੰਘ ਆਦਿ ਵਰਕਰ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ।