ਇੰਦੌਰ ‘ਚ ਕ੍ਰਾਈਮ ਬ੍ਰਾਂਚ ਦੀ ਟੀਮ ਨੇ ਇਕ ਲੜਕੀ ਨੂੰ 100 ਗ੍ਰਾਮ ਨਸ਼ੀਲੇ ਪਦਾਰਥਾਂ ਸਮੇਤ ਫੜਿਆ ਹੈ। ਜਦੋਂ ਪੁਲਸ ਨੇ ਲੜਕੀ ਨੂੰ ਫੜਿਆ ਤਾਂ ਉਸ ਤੋਂ ਬੱਚਿਆਂ ਦੇ ਡਾਇਪਰ ਮਿਲੇ। ਜਿਸ ’ਚ ਉਸ ਨੇ ਨਸ਼ਾ ਛੁਪਾ ਕੇ ਰੱਖਿਆ ਸੀ। ਪੁੱਛਗਿੱਛ ਦੌਰਾਨ ਪਤਾ ਲੱਗਾ ਹੈ ਕਿ ਲੜਕੀ ਅੰਤਰਰਾਸ਼ਟਰੀ ਉਡਾਣ ‘ਚ ਏਅਰ ਹੋਸਟੈੱਸ ਰਹਿ ਚੁੱਕੀ ਹੈ।
ਲੜਕੀ ਕੋਲੋਂ ਅੰਤਰਰਾਸ਼ਟਰੀ ਕਰੰਸੀ ਵੀ ਬਰਾਮਦ ਹੋਈ।ਲੜਕੀ ਮੁੰਬਈ ਦੀ ਰਹਿਣ ਵਾਲੀ ਹੈ ਅਤੇ ਨਸ਼ੇ ਦਾ ਧੰਦਾ ਕਰਨ ਵਾਲਾ ਗਿਰੋਹ ਚਲਾ ਰਹੀ ਸੀ।ਪੁਲਿਸ ਨੇ ਦੱਸਿਆ ਕਿ ਲੜਕੀ ਕੋਲੋਂ ਬਰਾਮਦ ਕੀਤੇ ਗਏ ਨਸ਼ੀਲੇ ਪਦਾਰਥਾਂ ਦੀ ਕੀਮਤ ਕਰੀਬ 10 ਲੱਖ ਰੁਪਏ ਹੈ। ਫਿਲਹਾਲ ਉਸ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਕਿ ਉਹ ਇੰਦੌਰ ‘ਚ ਕਿਸ ਨੂੰ ਨਸ਼ਾ ਸਪਲਾਈ ਕਰਨ ਆਈ ਸੀ, ਹਾਲਾਂਕਿ ਪੁਲਸ ਨੂੰ ਇਹ ਵੀ ਸ਼ੱਕ ਹੈ ਕਿ 31 ਦਸੰਬਰ ਨੂੰ ਨਵੇਂ ਸਾਲ ਦੀ ਪਾਰਟੀ ਦੇਖ ਕੇ ਲੜਕੀ ਨਸ਼ੇ ਲੈ ਕੇ ਇੱਥੇ ਪਹੁੰਚੀ ਸੀ।
