ਫੀਫਾ ਵਿਸ਼ਵ ਕੱਪ 2022 ਦੇ ਫਾਈਨਲ ‘ਚ ਅਰਜਨਟੀਨਾ ਨੇ ਫਰਾਂਸ ਨੂੰ ਪੈਨਲਟੀ ਸ਼ੂਟਆਊਟ ‘ਚ ਹਰਾ ਕੇ ਖਿਤਾਬ ਜਿੱਤ ਲਿਆ ਹੈ। ਅਰਜਨਟੀਨਾ ਲਈ ਆਪਣਾ ਆਖਰੀ ਵਿਸ਼ਵ ਕੱਪ ਖੇਡ ਰਹੇ ਲਿਓਨਲ ਮੇਸੀ ਨੇ ਆਪਣੇ ਵਿਸ਼ਵ ਕੱਪ ਕਰੀਅਰ ਦਾ ਸ਼ਾਨਦਾਰ ਤਰੀਕੇ ਨਾਲ ਅੰਤ ਕੀਤਾ। ਨਿਯਮਤ ਸਮੇਂ ਵਿੱਚ ਸਕੋਰ 2-2 ਅਤੇ ਫਿਰ ਵਾਧੂ ਸਮੇਂ ਵਿੱਚ ਸਕੋਰ 3-3 ਨਾਲ ਬਰਾਬਰ ਰਿਹਾ। ਇਸ ਤੋਂ ਬਾਅਦ ਪੈਨਲਟੀ ਸ਼ੂਟ ਆਊਟ ਵਿੱਚ ਅਰਜਨਟੀਨਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਮੈਚ ਜਿੱਤ ਲਿਆ। ਵਿਸ਼ਵ ਕੱਪ ਟਰਾਫੀ ਜਿੱਤਣ ਵਾਲੀ ਟੀਮ ਖਿਤਾਬ ਦੇ ਨਾਲ-ਨਾਲ ਕਰੋੜਾਂ ਰੁਪਏ ਲੈ ਰਹੀ ਹੈ। ਫੀਫਾ ਵਿਸ਼ਵ ਕੱਪ ਦੀ ਇਨਾਮੀ ਰਾਸ਼ੀ ਬਹੁਤ ਵੱਡੀ ਹੈ।ਅਤੇ ਜੇਤੂ ਟੀਮ ਹੀ ਨਹੀਂ ਸਗੋਂ ਉਪ ਜੇਤੂ ਟੀਮ ਵੀ ਆਪਣੇ ਨਾਲ ਇਹ ਇਨਾਮ ਲੈ ਕੇ ਜਾਵੇਗੀ।
ਇੰਨਾ ਪੈਸਾ ਇਨ੍ਹਾਂ ਟੀਮਾਂ ਦੇ ਖਾਤੇ ਵਿੱਚ ਆਇਆ
- ਵਿਜੇਤਾ ਅਰਜਨਟੀਨਾ – 347 ਕਰੋੜ ਰੁਪਏ
- ਉਪ ਜੇਤੂ ਫਰਾਂਸ – 248 ਕਰੋੜ ਰੁਪਏ
- ਟੀਮ ਨੰਬਰ ਤਿੰਨ – 223 ਕਰੋੜ ਰੁਪਏ (ਕ੍ਰੋਏਸ਼ੀਆ)
- ਚੌਥੀ ਟੀਮ – 206 ਕਰੋੜ ਰੁਪਏ (ਮੋਰੋਕੋ)
ਇਹ ਤੀਜੀ ਵਾਰ ਹੈ ਜਦੋਂ ਅਰਜਨਟੀਨਾ ਨੇ ਵਿਸ਼ਵ ਕੱਪ ਜਿੱਤਿਆ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਸਾਲ 1978 ਅਤੇ 1986 ‘ਚ ਵਿਸ਼ਵ ਕੱਪ ਦਾ ਖਿਤਾਬ ਜਿੱਤਿਆ ਸੀ। ਮੇਸੀ ਬਤੌਰ ਕਪਤਾਨ ਅਰਜਨਟੀਨਾ ਲਈ ਖਿਤਾਬ ਜਿੱਤਣ ਵਾਲੇ ਦੂਜੇ ਖਿਡਾਰੀ ਬਣ ਗਏ ਹਨ। ਇਸ ਤੋਂ ਪਹਿਲਾਂ 1986 ਵਿੱਚ ਡਿਏਗੋ ਮਾਰਾਡੋਨਾ ਨੇ ਆਪਣੇ ਦੇਸ਼ ਨੂੰ ਚੈਂਪੀਅਨ ਬਣਾਇਆ ਸੀ।
