ਚੀਨੀ ਸਮਾਰਟਫੋਨ ਬ੍ਰਾਂਡ Honor ਨੂੰ ਭਾਰਤ ‘ਚ ਦੁਬਾਰਾ ਲਾਂਚ ਕੀਤਾ ਜਾ ਰਿਹਾ ਹੈ। ਇਸ ਦੇ ਲਈ ਸਥਾਨਕ ਕੰਪਨੀ ਨਾਲ ਲਾਈਸੈਂਸ ਸੌਦਾ ਕੀਤਾ ਗਿਆ ਹੈ। ਆਨਰ ਦਾ ਅਗਲੇ ਸਾਲ ਦੇਸ਼ ‘ਚ ਨਿਰਮਾਣ ਸ਼ੁਰੂ ਕਰਨ ਦਾ ਟੀਚਾ ਹੈ। ਪਿਛਲੇ ਸਾਲ ਆਨਰ ਨੇ ਦੇਸ਼ ‘ਚ ਆਪਣੇ ਸਮਾਰਟਫੋਨ ਦੀ ਵਿਕਰੀ ਬੰਦ ਕਰ ਦਿੱਤੀ ਸੀ।
ਕਾਊਂਟਰਪੁਆਇੰਟ ਰਿਸਰਚ ਦੇ ਵਾਈਸ ਪ੍ਰੈਜ਼ੀਡੈਂਟ ਨੀਲ ਸ਼ਾਹ ਨੇ ਕਿਹਾ, “ਲਗਭਗ ਤਿੰਨ ਸਾਲ ਪਹਿਲਾਂ ਤੱਕ Honor ਦੇ ਮਾਲਕ Huawei Technologies ਲਈ ਭਾਰਤ ਕਦੇ ਵੀ ਫੋਕਸ ਬਾਜ਼ਾਰ ਨਹੀਂ ਸੀ, ਜਦੋਂ Honor ਨੇ ਬ੍ਰਾਂਡ ਨੂੰ ਵੱਖ ਕਰਕੇ ਆਪਣੀ ਰਣਨੀਤੀ ਦਾ ਮੁੜ ਮੁਲਾਂਕਣ ਕੀਤਾ।” ਆਨਰ ਨੇ ਗੁਰੂਗ੍ਰਾਮ ਸਥਿਤ ਕੰਪਨੀ ਆਨਰ ਟੇਕ ਨਾਲ ਲਾਇਸੈਂਸ ਸੌਦਾ ਕੀਤਾ ਹੈ। ਇਹ ਭਾਰਤ ‘ਚ Honor ਸਮਾਰਟਫੋਨ ਦੇ ਤਿੰਨ ਵੇਰੀਐਂਟ ਲਾਂਚ ਕਰੇਗਾ। ਇਸ ਦੀ ਮਿਡ-ਰੇਂਜ ਸੀਰੀਜ਼ ਅਗਲੇ ਮਹੀਨੇ ਲਾਂਚ ਹੋ ਸਕਦੀ ਹੈ। ਆਨਰ ਦੇ ਸੀਈਓ ਮਾਧਵ ਸ਼ੇਠ ਨੇ ਕਿਹਾ, “ਸਾਰੇ ਫੋਨ ਬਾਅਦ ਵਿੱਚ ਭਾਰਤ ਵਿੱਚ ਬਣਾਏ ਜਾਣਗੇ। ਪਹਿਲਾਂ ਕੇਂਦਰ ਸਰਕਾਰ ਦੇ ਸਾਹਮਣੇ ਇਹ ਚੁਣੌਤੀ ਸੀ ਕਿ ਭਾਰਤ ਵਿੱਚ ਇੱਕ ਬ੍ਰਾਂਡ (ਚੀਨੀ) ਨੂੰ ਜਵਾਬਦੇਹ ਕਿਵੇਂ ਬਣਾਇਆ ਜਾ ਸਕਦਾ ਹੈ।” ਇਸ ਤੋਂ ਪਹਿਲਾਂ ਸ਼ੇਠ ਚੀਨੀ ਸਮਾਰਟਫੋਨ ਨਿਰਮਾਤਾ ਕੰਪਨੀ Realme ‘ਚ ਸੀਨੀਅਰ ਅਹੁਦੇ ‘ਤੇ ਸਨ।
ਉਸਨੇ ਦੇਸ਼ ਵਿੱਚ Realme ਦੇ ਕਾਰੋਬਾਰ ਨੂੰ ਵਧਾਉਣ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਸੀ। ਪਿਛਲੇ ਕੁਝ ਸਾਲਾਂ ‘ਚ ਭਾਰਤ ‘ਚ ਚੀਨੀ ਕੰਪਨੀਆਂ ਲਈ ਮੁਸ਼ਕਿਲਾਂ ਵਧ ਗਈਆਂ ਹਨ। ਕੇਂਦਰ ਸਰਕਾਰ ਨੇ ਚੀਨ ਦੀਆਂ ਕਈ ਐਪਾਂ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਸ ਤੋਂ ਇਲਾਵਾ ਇਨ੍ਹਾਂ ਕੰਪਨੀਆਂ ਦੇ ਨਿਵੇਸ਼ ‘ਤੇ ਵੀ ਪੜਤਾਲ ਵਧਾ ਦਿੱਤੀ ਗਈ ਹੈ। Honor ਦੇਸ਼ ‘ਚ ਸੈਮਸੰਗ, Xiaomi, Vivo ਅਤੇ Realme ਵਰਗੀਆਂ ਸਮਾਰਟਫੋਨ ਨਿਰਮਾਤਾ ਕੰਪਨੀਆਂ ਨਾਲ ਮੁਕਾਬਲਾ ਕਰੇਗਾ।
