ਪ੍ਰਿਯੰਕਾ ਚੋਪੜਾ ਅਤੇ ਨਿਕ ਜੋਨਸ ਨੇ ਆਪਣਾ LA ਵਾਲਾ ਘਰ ਛੱਡ ਦਿੱਤਾ ਹੈ। ਇਸ ਜੋੜੇ ਨੇ ਇਹ ਬੰਗਲਾ ਸਾਲ 2019 ਵਿੱਚ ਲਗਭਗ 20 ਮਿਲੀਅਨ ਡਾਲਰ ਯਾਨੀ 166 ਕਰੋੜ ਰੁਪਏ ਵਿੱਚ ਖਰੀਦਿਆ ਸੀ।
ਖਬਰਾਂ ਦੀ ਮੰਨੀਏ ਤਾਂ ਪ੍ਰਿਯੰਕਾ ਅਤੇ ਨਿਕ ਨੂੰ ਇਸ ਪ੍ਰਾਪਰਟੀ ‘ਚ ਸਲ੍ਹਾਬ ਆਉਣ ਕਾਰਨ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ। ਪਾਈਪ ਲੀਕੇਜ ਹੋਣ ਕਾਰਨ ਉਨ੍ਹਾਂ ਦੇ ਘਰ ਦੀਆਂ ਕੰਧਾਂ ‘ਤੇ ਸਲ੍ਹਾਬ ਨਜ਼ਰ ਆਉਣ ਲੱਗ ਗਈ ਸੀ। ਇਸ ਲਈ ਜੋੜੇ ਨੂੰ ਇਹ ਘਰ ਛੱਡਣਾ ਪਿਆ। ਉਨ੍ਹਾਂ ਨੇ ਇਸ ਮਾਮਲੇ ਵਿੱਚ ਪ੍ਰਾਪਰਟੀ ਡੀਲਰ ਖ਼ਿਲਾਫ਼ ਕੇਸ ਵੀ ਦਰਜ ਕਰਵਾਇਆ ਹੈ।
ਦੱਸ ਦਈਏ ਕਿ ਪ੍ਰਿਅੰਕਾ ਚੋਪੜਾ ਆਪਣੇ ਪਤੀ ਨਿਕ ਜੋਨਸ ਅਤੇ ਬੇਟੀ ਮਾਲਤੀ ਨਾਲ ਇਸ ਘਰ ‘ਚ ਰਹਿ ਰਹੀ ਸੀ। ਇਸ ਲਗਜ਼ਰੀ ਪ੍ਰਾਪਰਟੀ ਵਿੱਚ 7 ​​ਬੈੱਡਰੂਮ, 9 ਬਾਥਰੂਮ, ਤਾਪਮਾਨ ਨਿਯੰਤਰਿਤ ਵਾਈਨ ਸੈਲਰ, ਸ਼ੈੱਫ ਰਸੋਈ, ਹੋਮ ਥੀਏਟਰ, ਬੌਲਿੰਗ ਐਲੀ, ਸਪਾ, ਸਟੀਮ ਸ਼ਾਵਰ, ਜਿਮ ਅਤੇ ਬਿਲੀਅਰਡ ਰੂਮ ਹਨ।
ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਲੀਕੇਜ ਦੀ ਸਮੱਸਿਆ ਲੋਕਾਂ ਦੀ ਸਿਹਤ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ ਅਤੇ ਉਨ੍ਹਾਂ ਦੀ ਸਿਹਤ ਵਿਗੜ ਸਕਦੀ ਹੈ। ਫਿਲਹਾਲ ਪ੍ਰਿਯੰਕਾ ਅਤੇ ਨਿਕ ਆਪਣੀ ਬੇਟੀ ਨਾਲ ਦੂਜੇ ਘਰ ‘ਚ ਸ਼ਿਫਟ ਹੋ ਗਏ ਹਨ। ਜਦੋਂ ਤੱਕ ਉਨ੍ਹਾਂ ਦੇ ਘਰ ਵਿੱਚ ਲੀਕੇਜ ਦੀ ਸਮੱਸਿਆ ਹੱਲ ਨਹੀਂ ਹੋ ਜਾਂਦੀ, ਉਹ ਕਿਸੇ ਹੋਰ ਘਰ ਵਿੱਚ ਰਹਿਣਗੇ।