ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਈਡੇਨ ਨੇ ਸੋਮਵਾਰ ਨੂੰ ਐਲਾਨ ਕੀਤਾ ਕਿ ਉਨ੍ਹਾਂ ਦੇ ਸਲਾਹਕਾਰ ਕਮਿਸ਼ਨ ‘ਚ ਕੁੱਲ 23 ਆਗੂ ਹਨ ਜਿਨ੍ਹਾਂ ਵਿੱਚੋ ਚਾਰ ਭਾਰਤੀ-ਅਮਰੀਕੀ ਮੂਲ ਨਾਗਰਿਕਾਂ ਨੂੰ ਸ਼ਾਮਿਲ ਕੀਤਾ ਜਾਵੇਗਾ। ਉਹਨਾਂ ਨੇ ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਦਸਿਆ ਕਿ ਇਹ ਚਾਰ ਭਾਰਤੀ-ਅਮਰੀਕੀ ਅਜੈ ਜੈਨ ਭੂਟੋਰੀਆ, ਕਮਲ ਕਲਸੀ, ਸੋਨਲ ਸ਼ਾਹ ਅਤੇ ਸਮਿਤਾ ਸ਼ਾਹ ਹੋਣਗੇ ਜਿਨ੍ਹਾਂ ਨੂੰ ਸ਼ਾਮਲ ਕੀਤਾ ਜਾਵੇਗਾ ਅਤੇ ਇਹ ਕਮਿਸ਼ਨ ਏਸ਼ੀਆਈ ਅਮਰੀਕੀ, ਹਵਾਈ ਨਿਵਾਸ, ਅਤੇ ਪੈਸੀਫਿਕ ਟਾਪੂਆਂ (AANHPI ਕਮਿਊਨਿਟੀ) ਦੇ ਲੋਕਾਂ ਲਈ ਕੰਮ ਕਰੇਗਾ।
ਜ਼ਿਕਰਯੋਗ ਹੈ ਕਿ ਸਪੀਕਰ ਅਜੈ ਜੈਨ ਭੁਟੋਰੀਆ ਸਿਲੀਕਾਨ ਵੈਲੀ ਦੇ ਤਕਨਾਲੋਜੀ ਕਾਰਜਕਾਰੀ, ਕਮਿਊਨਿਟੀ ਲੀਡਰ, ਹੋਣ ਦੇ ਨਾਲ ਨਾਲ ਛੋਟੇ ਉਦਯੋਗਾਂ, ਸਿੱਖਿਆ ਖੇਤਰ ਵਿਚ ਮੌਕੇ, ਇਮੀਗ੍ਰੇਸ਼ਨ ਮਾਮਲਿਆਂ, ਤਕਨੀਕੀ ਤਰੱਕੀ ਆਦਿ ਵਰਗੇ ਖੇਤਰਾਂ ਵਿੱਚ AAPI ਅਤੇ ਦੱਖਣੀ ਏਸ਼ੀਆਈ ਭਾਈਚਾਰਿਆਂ ਲਈ ਇੱਕ ਵਕੀਲ ਵੀ ਹਨ ਦਸ ਦਇਏ ਕਿ ਕਮਲ ਕਲਸੀ ਇੱਕ ਐਮਰਜੈਂਸੀ ਮੈਡੀਸਨ ਫਿਜ਼ੀਸ਼ੀਅਨ ਹਨ ਜਿਨ੍ਹਾਂ ਨੇ ਸਾਲਾਂ ਤੱਕ ਫ਼ੌਜ ਲਈ ਕੰਮ ਕੀਤਾ। ਇਸ ਲਈ ਉਹਨਾਂ ਨੂੰ ਕਾਂਸੀ ਸਟਾਰ ਮੈਡਲ ਦਾ ਸਨਮਾਨ ਵੀ ਮਿਲ ਚੁੱਕਾ ਹੈ।
ਸੋਨਲ ਸ਼ਾਹ ਏਸ਼ੀਆਈ ਅਮਰੀਕੀ ਫਾਊਂਡੇਸ਼ਨ (TAAF) ਦੀ ਪ੍ਰਧਾਨ ਹਨ। ਸਮਿਤਾ ਐਨ ਸ਼ਾਹ ਇੱਕ ਇੰਜੀਨੀਅਰ, ਉਦਯੋਗਪਤੀ ਅਤੇ ਸ਼ਿਕਾਗੋ ਦੇ SPAAN ਟੈਕ ਦੀ ਸੀ.ਈ.ਓ. ਹਨ।
