ਅਹਿਮਦਾਬਾਦ : – ਕੀਰੋਨ ਪੋਲਾਰਡ ਦੀ ਅਗਵਾਈ ਵਾਲੀ ਵੈਸਟਇੰਡੀਜ਼ ਦੀ ਟੀਮ ਟੀਮ ਇੰਡੀਆ ਖਿਲਾਫ ਵਨਡੇ ਅਤੇ ਟੀ-20 ਸੀਰੀਜ਼ ਦੇ ਦੌਰੇ ‘ਤੇ ਅਹਿਮਦਾਬਾਦ ਪਹੁੰਚ ਗਈ ਹੈ। ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ 6 ਫਰਵਰੀ ਤੋਂ ਤਿੰਨ ਵਨਡੇ ਅਤੇ ਤਿੰਨ ਟੀ-20 ਮੈਚ ਖੇਡੇ ਜਾਣੇ ਹਨ। ਸਾਰੇ ਵਨਡੇ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ‘ਚ ਖੇਡੇ ਜਾਣਗੇ। ਕੋਲਕਾਤਾ ਦੇ ਈਡਨ ਗਾਰਡਨ ‘ਚ ਟੀ-20 ਮੈਚ ਖੇਡੇ ਜਾਣਗੇ।
ਵਿੰਡੀਜ਼ ਕ੍ਰਿਕਟ ਨੇ ਟਵੀਟ ਕੀਤਾ, “ਬਾਰਬਾਡੋਸ ਤੋਂ ਦੋ ਦਿਨ ਦੀ ਲੰਬੀ ਯਾਤਰਾ ਤੋਂ ਬਾਅਦ, ਮੈਨ ਇਨ ਮਾਰੂਨ ਭਾਰਤ ਆ ਗਿਆ ਹੈ।” ਗੁਜਰਾਤ ਕ੍ਰਿਕਟ ਸੰਘ (ਜੀਸੀਏ) ਨੇ ਮੰਗਲਵਾਰ ਨੂੰ ਕਿਹਾ ਕਿ ਭਾਰਤ ਅਤੇ ਵੈਸਟਇੰਡੀਜ਼ ਵਿਚਾਲੇ 6 ਤੋਂ 11 ਫਰਵਰੀ ਤੱਕ ਹੋਣ ਵਾਲੀ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਕੋਰੋਨਾ ਮਹਾਮਾਰੀ ਕਾਰਨ ਦਰਸ਼ਕਾਂ ਤੋਂ ਬਿਨਾਂ ਖਾਲੀ ਸਟੇਡੀਅਮ ‘ਚ ਖੇਡੀ ਜਾਵੇਗੀ। GCA ਨੇ ਟਵੀਟ ਕੀਤਾ, ”ਅਸੀਂ ਵੈਸਟਇੰਡੀਜ਼ ਦੇ ਭਾਰਤ ਦੌਰੇ ‘ਤੇ ਵਨਡੇ ਸੀਰੀਜ਼ ਦੀ ਮੇਜ਼ਬਾਨੀ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹਾਂ।
6 ਫਰਵਰੀ ਨੂੰ ਹੋਣ ਵਾਲਾ ਪਹਿਲਾ ਵਨਡੇ ਬਹੁਤ ਖਾਸ ਅਤੇ ਇਤਿਹਾਸਕ ਮੈਚ ਹੋਵੇਗਾ ਕਿਉਂਕਿ ਭਾਰਤ ਇਸ ਫਾਰਮੈਟ ਵਿੱਚ ਆਪਣਾ 1000ਵਾਂ ਮੈਚ ਖੇਡੇਗਾ।