18ਵੀਆਂ ਲੋਕ ਸਭਾ ਚੋਣਾਂ ਦੇ ਨਤੀਜਿਆਂ ਅਨੁਸਾਰ 542 ਸੀਟਾਂ ਵਿੱਚੋਂ ਭਾਜਪਾ ਦੀ ਅਗਵਾਈ ਵਾਲੀ ਐਨਡੀਏ ਨੂੰ 292 ਅਤੇ ਕਾਂਗਰਸ ਦੀ ਅਗਵਾਈ ਵਾਲੀ ਆਈਐਨਡੀਆਈਏ ਨੂੰ 233 ਸੀਟਾਂ ਮਿਲ ਰਹੀਆਂ ਹਨ। ਇਸ ‘ਚ ਇਕੱਲੀ ਭਾਜਪਾ ਨੂੰ 240 ਸੀਟਾਂ ਮਿਲੀਆਂ ਹਨ। ਭਾਵ ਇਹ ਬਹੁਮਤ ਅੰਕ (272) ਤੋਂ 32 ਸੀਟਾਂ ਘੱਟ ਗਈ। ਭਾਜਪਾ ਨੂੰ 2014 ਵਿੱਚ 278 ਅਤੇ 2019 ਵਿੱਚ 303 ਸੀਟਾਂ ਮਿਲੀਆਂ ਸਨ।
ਇਸ ਵਿਚਾਲੇ ਹੀ ਖਬਰ ਆ ਰਹੀ ਹੈ ਕਿ NDA ਬੁੱਧਵਾਰ ਨੂੰ ਸਰਕਾਰ ਬਣਾਉਣ ਦਾ ਦਾਅਵਾ ਪੇਸ਼ ਕਰ ਸਕਦੀ ਹੈ। ਉਨ੍ਹਾਂ ਨੇ ਬੁੱਧਵਾਰ ਨੂੰ ਆਪਣੇ ਹਲਕਿਆਂ ਦੀ ਮੀਟਿੰਗ ਬੁਲਾਈ ਹੈ। ਪ੍ਰਧਾਨ ਮੰਤਰੀ ਨੇ ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਅਤੇ ਟੀਡੀਪੀ ਨੇਤਾ ਚੰਦਰਬਾਬੂ ਨਾਇਡੂ ਨੂੰ ਮੀਟਿੰਗ ਲਈ ਬੁਲਾਇਆ ਹੈ।
ਚੋਣ ਕਮਿਸ਼ਨ ਦੀ ਵੈੱਬਸਾਈਟ ਮੁਤਾਬਕ ਸਵੇਰੇ 2 ਵਜੇ ਤੱਕ ਭਾਜਪਾ ਨੂੰ 240, ਕਾਂਗਰਸ ਨੂੰ 99, ਸਪਾ ਨੂੰ 37, ਟੀਐਮਸੀ ਨੂੰ 29, ਡੀਐਮਕੇ ਨੂੰ 22, ਟੀਡੀਪੀ ਨੂੰ 16, ਜੇਡੀਯੂ ਨੂੰ 12, ਸ਼ਿਵ ਸੈਨਾ ਯੂਟੀਬੀ ਨੂੰ 9, ਐਨਸੀਪੀ ਸ਼ਰਦ ਪਵਾਰ ਨੂੰ 7, ਆਰਜੇਡੀ ਨੂੰ 4 ਸੀਟਾਂ,ਲੋਕ ਜਨਸ਼ਕਤੀ ਪਾਰਟੀ ਰਾਮ ਵਿਲਾਸ ਨੇ 5 ਸੀਟਾਂ ਅਤੇ ਸ਼ਿਵ ਸੈਨਾ ਸ਼ਿੰਦੇ ਨੇ 7 ਸੀਟਾਂ ਜਿੱਤੀਆਂ ਸਨ।