ਫਗਵਾੜਾ, 2 ਜਨਵਰੀ 2022 – ਫਗਵਾੜਾ ਦੇ ਮੌਜੂਦਾ ਵਿਧਾਇਕ ਬਲਵਿੰਦਰ ਸਿੰਘ ਧਾਲੀਵਾਲ ਵੱਲੋਂ ਫਗਵਾੜਾ ਵਿਖੇ ਭਰੋਸੇ ਦਾ ਪ੍ਰਤੀਕ ਰੈਲੀ ਦਾ ਆਯੋਜਨ ਕੀਤਾ ਗਿਆ। ਪੰਜਾਬ ਦੇ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਵੀ ਪੁੱਜੇ, ਇਹ ਰੈਲੀ ਭਰੋਸੇ ਦਾ ਨਹੀਂ ਸਗੋਂ ਧੋਖੇ ਦਾ ਪ੍ਰਤੀਕ ਜਾਪ ਰਹੀ ਸੀ ਜਿਸ ਵਿਚ ਮਨਰੇਗਾ ਕਾਮਿਆਂ ਨੂੰ ਇਕੱਠੇ ਕਰਕੇ ਭੀੜ ਇਕੱਠੀ ਦਿਖਾਈ ਗਈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦੇ ਹੋਏ ਬਸਪਾ ਅਕਾਲੀ ਗੱਠਜੋੜ ਦੇ ਉਮੀਦਵਾਰ ਤੇ ਬਸਪਾ ਸੂਬਾ ਪ੍ਰਧਾਨ ਸ ਜਸਵੀਰ ਸਿੰਘ ਗੜ੍ਹੀ ਨੇ ਕਿਹਾ ਕਿ ਇਹ ਰੈਲੀ ਧੋਖੇ ਦਾ ਪ੍ਰਤੀਕ ਰੈਲੀ ਸੀ ਜਿਸ ਵਿੱਚ ਪਿੰਡਾਂ ਤੋਂ ਮਨਰੇਗਾ ਕਾਮਿਆਂ ਨੂੰ ਇਕੱਠੇ ਕਰਕੇ ਬੁਲਾਇਆ ਗਿਆ ਜਦਕਿ ਮਗਨਰੇਗਾ ਕਾਮਿਆਂ ਦੀ ਹਾਜਰੀ ਵੀ ਲਗਵਾਈ ਗਈ ਤੇ ਭਿਰਿਸ਼ਟਾਚਰ ਦਾ ਖੁੱਲਾ ਮੁਜਾਹਰਾ ਹੋਇਆ।
ਗੜ੍ਹੀ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਇਕ ਫੁੱਸ਼ ਹੋਇਆ ਗੁਬਾਰਾ ਹੈ ਜਿਸ ਵਿੱਚ ਧੋਖੇ ਦੇ ਪੰਪ ਨਾਲ ਹਵਾ ਭਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਜਿਸ ਵਿਚ ਫਗਵਾੜਾ ਦੇ ਮੌਜੂਦਾ ਵਿਧਾਇਕ ਦੀ ਪੋਲ ਖੁੱਲ੍ਹਦੀ ਹੋਈ ਨਜ਼ਰ ਆ ਰਹੀ ਹੈ । ਉਨ੍ਹਾਂ ਨੇ ਭੀੜ ਇਕੱਠੀ ਕਰਨ ਲਈ ਮਨਰੇਗਾ ਕਾਮਿਆਂ ਨੂੰ ਬੁਲਾਇਆ ਅਤੇ ਉਨ੍ਹਾਂ ਨੂੰ ਦਿਹਾੜੀ ਦਾ ਮਿਹਨਤਾਨਾ ਵੀ ਅਦਾ ਕੀਤਾ ਗਿਆ। ਸ. ਜਸਵੀਰ ਗੜ੍ਹੀ ਨੇ ਕਿਹਾ ਕਿ ਨਵਾ ਨਰੋਆ ਪੰਜਾਬ ਬਣਾਉਣ ਵਾਲੇ ਨਵਜੋਤ ਸਿੰਘ ਸਿੱਧੂ ਨੇ ਪਤਾ ਨਹੀ ਕਦੋ ਪੰਜਾਬ ਦੇ ਲੋਕਾਂ ਨੂੰ ਮੰਝਧਾਰ ਵਿਚ ਛੱਡਕੇ ਅਸਤੀਫਾ ਦੇ ਦੇਣਾ ਹੈ। ਉਹ ਕਾਮੇਡੀ ਸੀਰੀਅਲਾਂ ਵਿਚ ਹੀ ਵਧੀਆ ਭੁਮਿਕਾ ਅਦਾ ਕਰਦੇ ਹਨ।
ਹਮੇਸ਼ਾ ਗਲਤ ਸ਼ਬਦਾਵਲੀ ਬੋਲਣ ਵਾਲੇ ਨਵਜੋਤ ਸਿੰਘ ਸਿੱਧੂ ਪਹਿਲਾਂ ਤਾਂ ਕਾਂਗਰਸ ਪਾਰਟੀ ਨੂੰ ਮੁੰਨੀ ਤੋਂ ਵੀ ਬਦਨਾਮ ਪਾਰਟੀ ਦਸਦੇ ਸਨ। ਗੜ੍ਹੀ ਨੇ ਕਿਹਾ ਕਿ ਨਵਜੋਤ ਸਿਧੂ ਦੀ ਗਲ ਤੇ ਉਨ੍ਹਾਂ ਦੀ ਪਾਰਟੀ ਸੰਜੀਦਗੀ ਨਾਲ ਨਹੀ ਲੈਂਦੀ ਫਿਰ ਫਗਵਾੜਾ ਦੇ ਲੋਕ ਇਸ ਮਿਕੀ ਮਾਊਸ ਨੂੰ ਕੀ ਸੰਜਦਗੀ ਨਾਲ ਲੈਣਗੇ। ਨਵਜੋਤ ਸਿੱਧੂ ਨੇ ਪਿਛਲੇ ਦੋ ਸਾਲ ਪਹਿਲਾਂ ਫਗਵਾੜਾ ਨੂੰ 25ਕਰੋੜ ਦੇਣ ਦਾ ਵਾਅਦਾ ਕੀਤਾ ਸੀ, ਅੱਜ ਤੱਕ ਪੂਰਾ ਨਹੀਂ ਕੀਤਾ। ਉਨ੍ਹਾ ਨੇ ਕਾਂਗਰਸ ਦੀ ਰੈਲੀ ਨੂੰ ਫਲਾਪ ਰੈਲੀ ਦਸਿਆ।
