ਹਰਿਆਣਾ ਦੇ ਕੁਰੂਕਸ਼ੇਤਰ ‘ਚ 73ਵਾਂ ਵਣ ਮਹਾਉਤਸਵ 19 ਜੁਲਾਈ ਨੂੰ ਸਰਸਵਤੀ ਵਣ, ਕੁਰੂਕਸ਼ੇਤਰ ਵਿਖੇ ਮਨਾਇਆ ਜਾਵੇਗਾ। ਇਸ ਦੀ ਅਗਵਾਈ ਜੰਗਲਾਤ ਮੰਤਰੀ ਕੰਵਰ ਪਾਲ ਕਰਨਗੇ। ਇਸ ਪ੍ਰੋਗਰਾਮ ਵਿੱਚ ਖੇਡ ਮੰਤਰੀ ਸੰਦੀਪ ਸਿੰਘ ਅਤੇ ਹੋਰ ਮਹਿਮਾਨ ਵੀ ਸ਼ਿਰਕਤ ਕਰਨਗੇ। ਜੰਗਲਾਤ ਵਿਭਾਗ ਨੇ ਇਸ ਵਾਰ ਦੋ ਕਰੋੜ ਬੂਟੇ ਲਗਾਉਣ ਦਾ ਟੀਚਾ ਰੱਖਿਆ ਹੈ। ਇਨ੍ਹਾਂ ਵਿੱਚੋਂ 30 ਲੱਖ ਬੂਟੇ ਹਰਿਆਣਾ ਦੇ ਲੋਕਾਂ ਨੂੰ ਮੁਫ਼ਤ ਵੰਡੇ ਜਾਣਗੇ।
ਜੰਗਲਾਤ ਮੰਤਰੀ ਕੰਵਰ ਪਾਲ ਨੇ ਦੱਸਿਆ ਕਿ ਦੋ ਕਰੋੜ ਬੂਟਿਆਂ ਵਿੱਚੋਂ 40 ਲੱਖ ਬੂਟੇ ਐਗਰੋ-ਫੋਰੈਸਟਰੀ ਤਹਿਤ, 29 ਲੱਖ ਬੂਟੇ ਜਲ ਸ਼ਕਤੀ ਅਭਿਆਨ ਤਹਿਤ, 19 ਲੱਖ ਬੂਟੇ ਪੌਧਿਗਿਰੀ ਸਕੀਮ ਤਹਿਤ ਲਗਾਏ ਜਾਣਗੇ। ਇਸ ਦੇ ਨਾਲ ਹੀ ਹਰਿਆਣਾ ਦੇ ਲੋਕਾਂ ਨੂੰ 30 ਲੱਖ ਬੂਟੇ ਵੀ ਮੁਫਤ ਦਿੱਤੇ ਜਾਣਗੇ। ਬਾਕੀ ਰਹਿੰਦੇ 82 ਲੱਖ ਬੂਟੇ ਹੋਰ ਸਕੀਮਾਂ ਤਹਿਤ ਸੂਬੇ ਭਰ ਵਿੱਚ ਲਗਾਏ ਜਾਣਗੇ।