ਅਮਰਨਾਥ ਯਾਤਰਾ 2024 ਦੀਆਂ ਤਿਆਰੀਆਂ ਕਰ ਰਹੇ ਸ਼ਰਧਾਲੂਆਂ ਦਾ ਇੰਤਜ਼ਾਰ ਖਤਮ ਹੋਣ ਵਾਲਾ ਹੈ। ਸ਼੍ਰੀ ਅਮਰਨਾਥ ਸ਼ਰਾਈਨ ਬੋਰਡ ਨੇ ਯਾਤਰਾ ਦੀਆਂ ਤਰੀਕਾਂ ਦਾ ਐਲਾਨ ਕਰ ਦਿੱਤਾ ਹੈ। ਅਮਰਨਾਥ ਯਾਤਰਾ 2024 ਇਸ ਵਾਰ 29 ਜੂਨ ਤੋਂ ਸ਼ੁਰੂ ਹੋਈ ਹੈ। ਇਸ ਵਾਰ ਯਾਤਰਾ ਸਿਰਫ 40 ਦਿਨਾਂ ਲਈ ਹੋਵੇਗੀ ਅਤੇ ਇਹ 19 ਅਗਸਤ 2024 ਨੂੰ ਖਤਮ ਹੋਵੇਗੀ।

ਦੱਸ ਦਈਏ ਕਿ 15 ਅਪ੍ਰੈਲ, 2024 ਤੋਂ ਸ਼ੁਰੂ ਹੋਣ ਵਾਲੀ ਯਾਤਰਾ ‘ਤੇ ਜਾਣ ਤੋਂ ਪਹਿਲਾਂ ਸ਼ਰਧਾਲੂਆਂ ਦੀ ਅਗਾਊਂ ਰਜਿਸਟ੍ਰੇਸ਼ਨ ਜ਼ਰੂਰੀ ਹੈ। ਯਾਤਰਾ ‘ਤੇ ਜਾਣ ਦੇ ਚਾਹਵਾਨ ਸ਼ਰਧਾਲੂ ਅਧਿਕਾਰਤ ਵੈੱਬਸਾਈਟ https://jksasb.nic.in ‘ਤੇ ਰਜਿਸਟਰ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਮੋਬਾਈਲ ਐਪਲੀਕੇਸ਼ਨ ਸ਼੍ਰੀ ਅਮਰਨਾਥ ਜੀ ਯਾਤਰਾ ਰਾਹੀਂ ਵੀ ਰਜਿਸਟ੍ਰੇਸ਼ਨ ਕਰਵਾਈ ਜਾ ਸਕਦੀ ਹੈ।

ਇਸਤੋਂ ਇਲਾਵਾ ਅਮਰਨਾਥ ਯਾਤਰਾ ਦੀ ਸ਼ੁਰੂਆਤ ਤੋਂ ਬਾਅਦ ਪਵਿੱਤਰ ਗੁਫਾ ਤੋਂ ਸਵੇਰ ਅਤੇ ਸ਼ਾਮ ਦੀ ਆਰਤੀ ਦਾ ਸਿੱਧਾ ਪ੍ਰਸਾਰਣ ਵੀ ਕੀਤਾ ਜਾਵੇਗਾ। ਲੋਕ ਵੈੱਬਸਾਈਟ ਅਤੇ ਐਪ ਰਾਹੀਂ ਆਰਤੀ ਵਿੱਚ ਹਿੱਸਾ ਲੈ ਸਕਦੇ ਹਨ।

ਅਮਰਨਾਥ ਯਾਤਰਾ ‘ਤੇ ਜਾਣ ਵਾਲਿਆਂ ਲਈ ਦਿਸ਼ਾ-ਨਿਰਦੇਸ਼ –

1. ਯਾਤਰੀਆਂ ਦੀ ਅਗਾਊਂ ਰਜਿਸਟ੍ਰੇਸ਼ਨ 15 ਅਪ੍ਰੈਲ 2024 ਤੋਂ ਮਨੋਨੀਤ ਬੈਂਕ ਸ਼ਾਖਾਵਾਂ ਰਾਹੀਂ ਸ਼ੁਰੂ ਹੋਵੇਗੀ।

2. ਯਾਤਰਾ ਲਈ 13 ਸਾਲ ਤੋਂ ਘੱਟ ਜਾਂ 70 ਸਾਲ ਤੋਂ ਵੱਧ ਉਮਰ ਦੇ ਸ਼ਰਧਾਲੂ ਅਤੇ 6 ਹਫ਼ਤਿਆਂ ਤੋਂ ਵੱਧ ਦੀ ਗਰਭਵਤੀ ਔਰਤ ਨੂੰ ਰਜਿਸਟਰ ਨਹੀਂ ਕੀਤਾ ਜਾਵੇਗਾ।

3. ਯਾਤਰਾ 2024 ਲਈ, ਮਨੋਨੀਤ ਬੈਂਕ ਸ਼ਾਖਾਵਾਂ ਰਾਹੀਂ ਅਗਾਊਂ ਰਜਿਸਟ੍ਰੇਸ਼ਨ ਰੀਅਲ-ਟਾਈਮ ਆਧਾਰ ‘ਤੇ ਬਾਇਓਮੀਟ੍ਰਿਕ eKYC ਪ੍ਰਮਾਣੀਕਰਨ ਰਾਹੀਂ ਕੀਤੀ ਜਾਵੇਗੀ।

4. ਰਜਿਸਟ੍ਰੇਸ਼ਨ ਪਹਿਲਾਂ ਆਓ ਪਹਿਲਾਂ ਪਾਓ ਦੇ ਆਧਾਰ ‘ਤੇ ਕੀਤੀ ਜਾਵੇਗੀ।

5. ਦਿਲਚਸਪੀ ਰੱਖਣ ਵਾਲੇ ਯਾਤਰੀ 8 ਅਪ੍ਰੈਲ 2024 ਨੂੰ ਜਾਂ ਇਸ ਤੋਂ ਬਾਅਦ ਕਿਸੇ ਅਧਿਕਾਰਤ ਡਾਕਟਰ ਤੋਂ ਜਾਰੀ ਵੈਧ ਲਾਜ਼ਮੀ ਸਿਹਤ ਸਰਟੀਫਿਕੇਟ (CHC), ਆਧਾਰ ਕਾਰਡ, ਸਰਕਾਰ ਦੁਆਰਾ ਮਾਨਤਾ ਪ੍ਰਾਪਤ ਵੈਧ ਪਛਾਣ ਪੱਤਰ ਨਾਲ ਯਾਤਰਾ 2024 ਲਈ ਰਜਿਸਟਰ ਕਰ ਸਕਦੇ ਹਨ।

6. ਯਾਤਰਾ 2024 ਲਈ ਮਨੋਨੀਤ ਬੈਂਕਾਂ ਰਾਹੀਂ ਰਜਿਸਟ੍ਰੇਸ਼ਨ ਦੀ ਫੀਸ 150 ਰੁਪਏ ਹਰੇਕ ਵਿਅਕਤੀ ਹੈ।

7. ਰਜਿਸਟਰਡ ਯਾਤਰੀ ਨੂੰ ਯਾਤਰਾ ਸ਼ੁਰੂ ਕਰਨ ਤੋਂ ਪਹਿਲਾਂ ਜੰਮੂ ਅਤੇ ਕਸ਼ਮੀਰ ਡਿਵੀਜ਼ਨ ਦੇ ਵੱਖ-ਵੱਖ ਸਥਾਨਾਂ ‘ਤੇ ਸਥਾਪਿਤ ਕਿਸੇ ਵੀ ਕੇਂਦਰ ਤੋਂ RFID ਕਾਰਡ ਲੈਣਾ ਹੋਵੇਗਾ।

8. ਕਿਸੇ ਵੀ ਯਾਤਰੀ ਨੂੰ ਬਿਨਾਂ ਵੈਧ RF ਆਈਡੀ ਕਾਰਡ ਦੇ ਡੋਮੇਲ/ਚੰਦਨਵਾੜੀ ਵਿਖੇ ਐਂਟਰੀ ਕੰਟਰੋਲ ਗੇਟ ਨੂੰ ਪਾਰ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।

9. CHC ਦੇ ਫਾਰਮੈਟ ਦੇ ਨਾਲ ਮਨੋਨੀਤ ਬੈਂਕ ਸ਼ਾਖਾਵਾਂ ਦੀ ਸੂਚੀ ਅਤੇ CHC ਜਾਰੀ ਕਰਨ ਲਈ ਅਧਿਕਾਰਤ ਡਾਕਟਰਾਂ/ਮੈਡੀਕਲ ਸੰਸਥਾਵਾਂ ਦੀ ਸੂਚੀ SASB ਦੀ ਵੈੱਬਸਾਈਟ ‘ਤੇ ਉਪਲਬਧ ਹੈ।