ਅਮਰੀਕੀ ਰਾਸ਼ਟਰਪਤੀ ਜੋਅ ਬਿਡੇਨ ਦੀ ਪੋਤੀ ਨਾਓਮੀ ਬਿਡੇਨ ਨੇ ਵ੍ਹਾਈਟ ਹਾਊਸ ‘ਚ ਆਯੋਜਿਤ ਇਕ ਸਮਾਰੋਹ ‘ਚ ਪੀਟਰ ਨੀਲ ਨਾਲ ਵਿਆਹ ਕਰਵਾਇਆ। ਪੀਪਲ ਮੈਗਜ਼ੀਨ ਦੀ ਰਿਪੋਰਟ ਮੁਤਾਬਕ ਇਹ ਸਮਾਰੋਹ ਸਾਊਥ ਲਾਅਨ ‘ਚ ਹੋਇਆ। ਇਹ ਇੱਕ ਨਿੱਜੀ ਸਮਾਗਮ ਸੀ।ਇਸ ਵਿੱਚ ਪਰਿਵਾਰ ਦੇ ਕਰੀਬੀ ਮੈਂਬਰਾਂ ਨੇ ਸ਼ਮੂਲੀਅਤ ਕੀਤੀ। ਸ਼ਾਮ ਦੀ ਰਿਸੈਪਸ਼ਨ ਐਗਜ਼ੈਕਟਿਵ ਮੈਨਸ਼ਨ ਵਿਖੇ ਹੋਈ। ਵ੍ਹਾਈਟ ਹਾਊਸ ਦੇ ਇਤਿਹਾਸ ਵਿਚ ਇਹ 19ਵਾਂ ਵਿਆਹ ਸਮਾਰੋਹ ਸੀ।
ਜ਼ਿਕਰਯੋਗ ਹੈ ਕਿ ਨਾਓਮੀ ਅਤੇ ਪੀਟਰ ਨੇ ਇੰਸਟਾਗ੍ਰਾਮ ‘ਤੇ ਇੱਕ ਪੋਸਟ ਰਾਹੀਂ 2021 ਵਿੱਚ ਆਪਣੀ ਰਿਸ਼ਤੇ ਦਾ ਐਲਾਨ ਕੀਤਾ। ਰਿਪੋਰਟਸ ਅਨੁਸਾਰ, ਉਨ੍ਹਾਂ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਆਪਣੇ ਵਿਆਹ ਸਥਾਨ ਦਾ ਐਲਾਨ ਕੀਤਾ ਸੀ। 28 ਸਾਲਾਂ ਨਾਓਮੀ, ਕੋਲੰਬੀਆ ਦੀ ਲਾਅ ਗ੍ਰੈਜੂਏਟ ਹੈ, ਜਦੋਂ ਕਿ ਪੀਟਰ ਨੇ ਵੀ ਕਾਨੂੰਨ ਦੀ ਪੜ੍ਹਾਈ ਕੀਤੀ ਹੈ ਅਤੇ ਪਹਿਲਾਂ ਵ੍ਹਾਈਟ ਹਾਊਸ ਵਿੱਚ ਇੰਟਰਨਿੰਗ ਕੀਤੀ ਸੀ।
