ਕਈ ਵਾਰ ਸਾਨੂੰ ਸੋਸ਼ਲ ਮੀਡੀਆ ‘ਤੇ ਕੋਈ ਚੀਜ਼ ਪਸੰਦ ਨਹੀਂ ਆਉਂਦੀ, ਪਰ ਪੋਸਟ ਨੂੰ ਨਾਪਸੰਦ (Dislike) ਕਰਨ ਦਾ ਕੋਈ ਵਿਕਲਪ ਨਹੀਂ ਹੁੰਦਾ, ਇਸ ਲਈ ਅਸੀਂ ਪਛਤਾਉਂਦੇ ਹਾਂ ਅਤੇ ਅੱਗੇ ਵਧ ਜਾਂਦੇ ਹਾਂ, ਪਰ ਹੁਣ ਤੁਹਾਡੇ ਲਈ X ‘ਤੇ ਇੱਕ ਉਪਯੋਗੀ ਫੀਚਰ ਆ ਰਿਹਾ ਹੈ। ਐਲਨ ਮਸਕ ਦੀ ਸੋਸ਼ਲ ਮੀਡੀਆ ਕੰਪਨੀ ਜਲਦ ਹੀ ਯੂਜ਼ਰਸ ਨੂੰ ‘ਡਿਸਲਾਈਕ’ ਬਟਨ ਦੇਣ ਜਾ ਰਹੀ ਹੈ। ਇਸਦਾ ਮਤਲਬ ਹੈ ਕਿ ਜੇਕਰ ਤੁਸੀਂ ਪੋਸਟ ਨੂੰ ਪਸੰਦ ਨਹੀਂ ਕਰਦੇ ਤਾਂ ਤੁਸੀਂ ਉਸ ਨੂੰ Dislike ਕਰ ਸਕਦੇ ਹੋ।
ਹਾਲਾਂਕਿ ਕੰਪਨੀ ਨੇ ਅਧਿਕਾਰਤ ਤੌਰ ‘ਤੇ ਆਪਣੇ ਇਸ ਪਲਾਨ ਦਾ ਐਲਾਨ ਨਹੀਂ ਕੀਤਾ ਹੈ। ਐਕਸ ‘ਤੇ Dislike ਬਟਨ ਬਾਰੇ ਲੰਬੇ ਸਮੇਂ ਤੋਂ ਚਰਚਾ ਹੋ ਰਹੀ ਹੈ ਪਰ ਹੁਣ ਅਜਿਹਾ ਲਗਦਾ ਹੈ ਕਿ ਇਸ ਨੂੰ ਜਲਦੀ ਹੀ ਲਾਈਵ ਕੀਤਾ ਜਾਵੇਗਾ। X ਦਾ Dislike ਬਟਨ ਅਸਲ ਵਿੱਚ Dislike ਵਜੋਂ ਜਾਣਿਆ ਜਾਵੇਗਾ। ਦੱਸ ਦੇਈਏ ਕਿ Reddit ਦਾ ਡਿਸਲਾਈਕ ਬਟਨ ਡਾਊਨਵੋਟ ਆਈਕਨ ਦੇ ਨਾਲ ਹੈ। ਰਿਪੋਰਟ ਮੁਤਾਬਕ ਡਿਸਲਾਈਕ ਬਟਨ ਦਾ ਕੋਡ X ਦੇ iOS ਐਪ ਦੇ ਬੀਟਾ ਵਰਜ਼ਨ ‘ਤੇ ਦੇਖਿਆ ਗਿਆ ਹੈ। 2021 ਤੋਂ ਹੋ ਹੀ ਇਸਦੀ ਚਰਚਾ ਹੋ ਰਹੀ ਹੈ ਜਦੋਂ ਤੋਂ ਐਲਨ ਮਸਕ ਐਕਸ ਦੇ ਮਾਲਕ ਬਣੇ ਹਨ।