ਡਾਕਟਰਾਂ ਦੀ ਟੀਮ ਉਦੋਂ ਹੈਰਾਨ ਰਹਿ ਗਈ ਜਦੋਂ ਉਨ੍ਹਾਂ ਨੇ ਸਾਹ ਲੈਣ ਵਿੱਚ ਤਕਲੀਫ਼ ਦੀ ਸ਼ਿਕਾਇਤ ਕਰਕੇ ਹਸਪਤਾਲ ਵਿੱਚ ਆਏ ਇੱਕ ਮਰੀਜ਼ ਦੀ ਜਾਂਚ ਕੀਤੀ। ਡਾਕਟਰਾਂ ਨੇ ਮਰੀਜ਼ ਦੇ ਫੇਫੜਿਆਂ ਤੋਂ ਚਾਰ ਸੈਂਟੀਮੀਟਰ ਲੰਬਾ ਕਾਕਰੋਚ ਕੱਢਿਆ ਹੈ। ਇਹ ਹੈਰਾਨ ਕਰਨ ਵਾਲੀ ਘਟਨਾ ਕੇਰਲ ਦੇ ਕੋਚੀ ਵਿੱਚ ਵਾਪਰੀ ਹੈ। ਮਰੀਜ਼ ਹੁਣ ਬਿਲਕੁਲ ਠੀਕ ਹੈ। ਉਸ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਹੈ।
55 ਸਾਲਾ ਮਰੀਜ਼ ਸਾਹ ਲੈਣ ਵਿੱਚ ਗੰਭੀਰ ਦਿੱਕਤ ਤੋਂ ਬਾਅਦ ਕੋਚੀ ਦੇ ਅੰਮ੍ਰਿਤਾ ਹਸਪਤਾਲ ਪਹੁੰਚਿਆ। ਜਦੋਂ ਡਾਕਟਰਾਂ ਨੇ ਉਸ ਦੇ ਫੇਫੜਿਆਂ ਦੀ ਜਾਂਚ ਕੀਤੀ ਤਾਂ ਉਹ ਅੰਦਰ ਦੇਖ ਕੇ ਹੈਰਾਨ ਰਹਿ ਗਏ। ਕਿਉਂਕਿ, ਚਾਰ ਸੈਂਟੀਮੀਟਰ ਲੰਬਾ ਕਾਕਰੋਚ ਫੇਫੜਿਆਂ ਵਿੱਚ ਫਸਿਆ ਹੋਇਆ ਸੀ। ਇਸ ਕਾਰਨ ਵਿਅਕਤੀ ਨੂੰ ਸਾਹ ਲੈਣ ਵਿੱਚ ਤਕਲੀਫ਼ ਹੋ ਰਹੀ ਸੀ। ਡਾਕਟਰਾਂ ਦੀ ਟੀਮ ਨੇ ਉਸ ਦਾ ਸਫਲ ਆਪ੍ਰੇਸ਼ਨ ਕੀਤਾ।
ਰਿਪੋਰਟ ਮੁਤਾਬਕ ਇਹ ਸਰਜਰੀ 22 ਫਰਵਰੀ ਨੂੰ ਡਾਕਟਰ ਟਿੰਕੂ ਜੋਸਫ ਦੀ ਅਗਵਾਈ ‘ਚ ਕੀਤੀ ਗਈ ਸੀ। ਕਾਕਰੋਚ ਅੰਦਰੋਂ ਸੜ ਗਿਆ ਸੀ। ਇਸ ਕਾਰਨ ਸ਼ਾਇਦ ਮਰੀਜ਼ ਦੀ ਸਾਹ ਦੀ ਤਕਲੀਫ ਵਧ ਗਈ ਸੀ। ਡਾਕਟਰਾਂ ਨੂੰ ਮਰੀਜ਼ ਦੇ ਫੇਫੜਿਆਂ ਤੋਂ ਕਾਕਰੋਚ ਨੂੰ ਸਫਲਤਾਪੂਰਵਕ ਕੱਢਣ ਵਿੱਚ ਅੱਠ ਘੰਟੇ ਲੱਗੇ। ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇੰਨਾ ਵੱਡਾ ਕਾਕਰੋਚ ਵਿਅਕਤੀ ਦੇ ਫੇਫੜਿਆਂ ਤੱਕ ਕਿਵੇਂ ਪਹੁੰਚ ਗਿਆ। ਇਹ ਵੀ ਖੁਲਾਸਾ ਹੋਇਆ ਹੈ। ਰਿਪੋਰਟ ਮੁਤਾਬਕ ਕਾਕਰੋਚ ਪਿਛਲੇ ਇਲਾਜ ਲਈ ਮਰੀਜ਼ ਦੀ ਗਰਦਨ ‘ਚ ਰੱਖੀ ਟਿਊਬ ਰਾਹੀਂ ਫੇਫੜਿਆਂ ਤੱਕ ਪਹੁੰਚ ਗਿਆ ਸੀ। ਡਾਕਟਰ ਜੋਸੇਫ ਨੇ ਦੱਸਿਆ ਕਿ ਮਰੀਜ਼ ਹੁਣ ਪੂਰੀ ਤਰ੍ਹਾਂ ਠੀਕ ਹੈ ਅਤੇ ਉਸ ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਹੈ।
