ਅਮੇਠੀ ਜਿਲ੍ਹੇ ਵਿਚ ਅੱਜ ਇੱਕ ਵੱਡਾ ਹਾਦਸਾ ਹੋਣ ਤੋਂ ਟਲ ਗਿਆ ਦਰਅਸਲ ਅਮੇਠੀ ਜ਼ਿਲੇ ਦੇ ਫੁਰਸਤਗੰਜ ਸਥਿਤ ਇੰਦਰਾ ਗਾਂਧੀ ਉਡਾਨ ਅਕੈਡਮੀ ਤੋਂ ਉਡਾਣ ਭਰਨ ਵਾਲੇ ਜਹਾਜ਼ ਨੂੰ ਖੈਰਨਾ ਪਿੰਡ ਵਿੱਚ ਐਮਰਜੈਂਸੀ ਲੈਂਡਿੰਗ ਕਰਵਾਉਣੀ ਪਈ। ਘਟਨਾ ‘ਚ ਟਰੇਨੀ ਪਾਇਲਟ ਵਾਲ-ਵਾਲ ਬਚ ਗਿਆ। ਹਾਲਾਂਕਿ, ਜਹਾਜ਼ ਦੇ ਅਗਲੇ ਹਿੱਸੇ ਨੂੰ ਕਾਫੀ ਨੁਕਸਾਨ ਪਹੁੰਚਿਆ। ਇਸ ਨੂੰ ਟਰੇਨੀ ਪਾਇਲਟ ਅਜੈ ਕੁਮਾਰ ਉਡਾ ਰਿਹਾ ਸੀ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਇੰਦਰਾ ਗਾਂਧੀ ਉਡਾਨ ਅਕੈਡਮੀ ਦੇ ਟਰੇਨੀ ਪਾਇਲਟ ਅਜੈ ਕੁਮਾਰ ਈਸ਼ਵਰ ਭਾਈ ਪਟੇਲ ਨੇ ਸੋਮਵਾਰ ਸਵੇਰੇ ਡਾਇਮੰਡ ਡੀਏ 40 ਟਰੇਨੀ ਏਅਰਕ੍ਰਾਫਟ ਨਾਲ ਉਡਾਣ ਭਰੀ। ਕੁਝ ਦੂਰੀ ‘ਤੇ ਪਹੁੰਚਦਿਆਂ ਹੀ ਫੁਰਸਤਗੰਜ ਥਾਣਾ ਖੇਤਰ ਦੇ ਕਾਲੇ ਮਾਜਰੇ ਤੇਂਦੂਆ ਪਿੰਡ ‘ਚ ਅਚਾਨਕ ਜਹਾਜ਼ ਦਾ ਇੰਜਣ ਕੰਮ ਕਰਨਾ ਬੰਦ ਕਰ ਦਿੱਤਾ। ਜਿਸ ਕਾਰਨ ਜਹਾਜ਼ ਕੰਟਰੋਲ ਤੋਂ ਬਾਹਰ ਹੋ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਟਰੇਨੀ ਪਾਇਲਟ ਦੀ ਸੂਝ ਬੁਝ ਨਾਲ ਹੀ ਜਹਾਜ਼ ਨੂੰ ਇੱਕ ਖੇਤ ਵਿੱਚ ਲੈਂਡ ਕਰਵਾਇਆ ਗਿਆ। ਹਾਲਾਂਕਿ ਇਸ ਦੌਰਾਨ ਜਹਾਜ਼ ਨੁਕਸਾਨਿਆ ਗਿਆ। ਜਹਾਜ਼ ਦੀ ਐਮਰਜੈਂਸੀ ਲੈਂਡਿੰਗ ਤੋਂ ਬਾਅਦ ਪਿੰਡ ਦੇ ਲੋਕ ਮੌਕੇ ‘ਤੇ ਇਕੱਠੇ ਹੋ ਗਏ। ਪਾਇਲਟ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ।