ਵਿੱਤੀ ਸੰਕਟ ਦਾ ਸਾਹਮਣਾ ਕਰ ਰਹੀ GoFirst ਏਅਰਲਾਈਨ ਨੇ 18 ਅਗਸਤ ਤੱਕ ਆਪਣੀਆਂ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਉਡਾਣਾਂ ਨੂੰ ਰੱਦ ਕਰਨ ਦਾ ਕਾਰਨ ਆਪਰੇਸ਼ਨਲ ਮੁੱਦਿਆਂ ਨੂੰ ਦੱਸਿਆ ਗਿਆ ਹੈ। ਕੰਪਨੀ ਵੱਲੋਂ ਇੱਕ ਨੋਟਿਸ ਜਾਰੀ ਕਰਕੇ ਕਿਹਾ ਗਿਆ ਹੈ ਕਿ ਸੰਚਾਲਨ ਸੰਬੰਧੀ ਸਮੱਸਿਆਵਾਂ ਕਾਰਨ ਅਸੀਂ 18 ਅਗਸਤ ਤੱਕ ਆਪਣੀਆਂ ਉਡਾਣਾਂ ਨੂੰ ਰੱਦ ਕਰਨ ਦਾ ਫੈਸਲਾ ਕੀਤਾ ਹੈ। ਫਲਾਈਟਾਂ ਦੇ ਰੱਦ ਹੋਣ ਕਾਰਨ ਹੋਈ ਅਸੁਵਿਧਾ ਲਈ ਅਸੀਂ ਮੁਆਫੀ ਚਾਹੁੰਦੇ ਹਾਂ।
ਦੱਸ ਦਈਏ ਕਿ ਜੁਲਾਈ ਦੇ ਅਖੀਰ ਵਿੱਚ, ਡੀਜੀਸੀਏ ਨੇ ਬੰਦ ਪਈ ਏਅਰਲਾਈਨ GoFirst ਨੂੰ 15 ਜਹਾਜ਼ ਅਤੇ 114 ਰੋਜ਼ਾਨਾ ਉਡਾਣਾਂ ਚਲਾਉਣ ਦੀ ਇਜਾਜ਼ਤ ਦਿੱਤੀ ਸੀ। ਏਅਰਲਾਈਨ ਨੂੰ ਇਹ ਵੀ ਕਿਹਾ ਕਿ ਉਹ ਅੰਤਰਿਮ ਫੰਡਿੰਗ ਦੀ ਉਪਲਬਧਤਾ ਅਤੇ ਰੈਗੂਲੇਟਰ ਦੁਆਰਾ ਫਲਾਈਟ ਸ਼ਡਿਊਲ ਦੀ ਮਨਜ਼ੂਰੀ ਦੇ ਨਾਲ ਸੰਚਾਲਨ ਸ਼ੁਰੂ ਕਰ ਸਕਦੀ ਹੈ। GoFirst ਏਅਰਲਾਈਨ ਵੱਲੋਂ ਵਿੱਤੀ ਸੰਕਟ ਕਾਰਨ 3 ਮਈ ਨੂੰ ਉਡਾਣਾਂ ਬੰਦ ਕਰ ਦਿੱਤੀਆਂ ਗਈਆਂ ਸਨ। ਉਦੋਂ ਤੋਂ ਕੰਪਨੀ ਲਗਾਤਾਰ ਕੰਮਕਾਜ ਬੰਦ ਰੱਖਣ ਦੀ ਤਰੀਕ ਨੂੰ ਵਧਾ ਰਹੀ ਹੈ।
