ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ 10 ਮਹੀਨਿਆਂ ਬਾਅਦ ਹੋਏ ਮੈਚ ਦਾ ਰੋਮਾਂਚ ਅੰਤ ਤੱਕ ਬਣਿਆ ਰਿਹਾ। ਦੋਵੇਂ ਟੀਮਾਂ ਇੱਕ ਦੂਜੇ ਨੂੰ ਮੁਕਾਬਲਾ ਦਿੰਦੀਆਂ ਨਜ਼ਰ ਆਈਆਂ ਪਰ ਜਿੱਤ ਭਾਰਤ ਦੇ ਖਾਤੇ ਵਿੱਚ ਗਈ। ਹਾਰਦਿਕ ਪੰਡਯਾ ਨੇ ਆਖਰੀ 6 ਗੇਂਦਾਂ ‘ਤੇ ਪਲਟਵਾਰ ਕੀਤਾ। ਮੈਚ ਨੂੰ ਛੱਕੇ ਨਾਲ ਖਤਮ ਕੀਤਾ। ਭਾਰਤ ਨੇ ਐਤਵਾਰ ਨੂੰ ਦੁਬਈ ‘ਚ ਏਸ਼ੀਆ ਕੱਪ ਟੀ-20 ਦੇ ਰੋਮਾਂਚਕ ਮੈਚ ‘ਚ ਪਾਕਿਸਤਾਨ ਨੂੰ 5 ਵਿਕਟਾਂ ਨਾਲ ਹਰਾ ਦਿੱਤਾ। ਪਾਕਿਸਤਾਨ ‘ਤੇ ਜਿੱਤ ਨਾਲ ਦੇਸ਼ ‘ਚ ਖੁਸ਼ੀ ਦੀ ਲਹਿਰ ਦੌੜ ਗਈ ਅਤੇ ਹਰ ਕੋਈ ਆਪਣੇ-ਆਪਣੇ ਅੰਦਾਜ਼ ‘ਚ ਜਸ਼ਨ ਮਨਾਉਣ ਲੱਗਾ।