ਸਿੰਗਾਪੁਰ ‘ਚ ਭਾਰਤੀ ਮੂਲ ਦਾ ਵਿਅਕਤੀ ਰਾਤੋ-ਰਾਤ ਲੱਖਪਤੀ ਬਣ ਗਿਆ। ਦਰਅਸਲ, ਜਿਸ ਕੰਪਨੀ ਵਿੱਚ ਭਾਰਤੀ ਵਿਅਕਤੀ ਕੰਮ ਕਰਦਾ ਹੈ, ਉਸ ਨੇ ਆਪਣੇ ਕਰਮਚਾਰੀਆਂ ਲਈ ਸਕੁਇਡ ਗੇਮਾਂ ਦਾ ਆਯੋਜਨ ਕੀਤਾ ਅਤੇ ਈਵੈਂਟ ਦੇ ਜੇਤੂ ਨੂੰ 11.5 ਲੱਖ ਰੁਪਏ ਇਨਾਮ ਵਜੋਂ ਮਿਲੇ। ਦੱਸ ਦੇਈਏ ਕਿ ਸਕੁਇਡ ਗੇਮਸ ਇੱਕ ਮਸ਼ਹੂਰ ਕੋਰੀਆਈ ਡਰਾਮਾ ਹੈ, ਜਿਸ ਦੀ ਤਰਜ਼ ‘ਤੇ ਕੰਪਨੀ ਨੇ ਆਪਣੀ ਸਕੁਇਡ ਗੇਮਜ਼ ਦਾ ਆਯੋਜਨ ਕੀਤਾ ਸੀ।
ਜਾਣਕਾਰੀ ਮੁਤਾਬਿਕ ਭਾਰਤੀ ਮੂਲ ਦਾ ਸੇਲਵਮ ਅਰੁਮੁਗਮ (42 ਸਾਲ) ਸਿੰਗਾਪੁਰ ਸਥਿਤ ਕੰਪਨੀ ਪੋਲਿਸਮ ਇੰਜੀਨੀਅਰਿੰਗ ਵਿੱਚ ਕੰਮ ਕਰਦਾ ਹੈ। ਕੰਪਨੀ ਨੇ ਆਪਣੇ ਕਰਮਚਾਰੀਆਂ ਲਈ ਡਿਨਰ ਅਤੇ ਡਾਂਸ ਈਵੈਂਟ ਦਾ ਆਯੋਜਨ ਕੀਤਾ। ਇਸ ਈਵੈਂਟ ਵਿੱਚ, ਕੰਪਨੀ ਨੇ ਸਕੁਇਡ ਗੇਮਜ਼ ਦੀ ਤਰਜ਼ ‘ਤੇ ਆਪਣਾ ਈਵੈਂਟ ਆਯੋਜਿਤ ਕੀਤਾ, ਜਿਸ ਵਿੱਚ ਕਰਮਚਾਰੀਆਂ ਨੂੰ ਸਕੁਇਡ ਗੇਮਜ਼ ਦੇ ਕਿਰਦਾਰਾਂ ਦੀ ਤਰ੍ਹਾਂ ਲਾਲ ਰੰਗ ਦੇ ਟਰੈਕ ਸੂਟ ਪਹਿਨਾਏ ਗਏ ਅਤੇ ਉਨ੍ਹਾਂ ਨੂੰ ਕੁਝ ਮੁਸ਼ਕਲ ਕੰਮ ਦਿੱਤੇ ਗਏ ਸਨ।
ਹਾਲਾਂਕਿ ਡਰਾਮੇ ਵਿਚ ਜਾਨ ਨੂੰ ਕੋਈ ਖ਼ਤਰਾ ਨਹੀਂ ਸੀ। ਸੇਲਵਮ ਨੇ ਇਨ੍ਹਾਂ ਕੰਮਾਂ ਨੂੰ ਸਫਲਤਾਪੂਰਵਕ ਪੂਰਾ ਕੀਤਾ ਅਤੇ ਪਹਿਲਾ ਇਨਾਮ ਜਿੱਤਿਆ। ਇਨਾਮ ਵਜੋਂ, ਸੇਲਵਮ ਨੂੰ 18,888 ਸਿੰਗਾਪੁਰ ਡਾਲਰ ਦਾ ਇਨਾਮ ਮਿਲਿਆ, ਜਿਸ ਦੀ ਭਾਰਤੀ ਮੁਦਰਾ ਵਿੱਚ ਕੀਮਤ ਲਗਭਗ 11.5 ਲੱਖ ਰੁਪਏ ਬਣਦੀ ਹੈ। ਸੇਲਵਮ ਨੇ ਇਨਾਮ ਵਜੋਂ ਜੋ ਰਕਮ ਜਿੱਤੀ ਹੈ, ਉਹ ਉਸ ਦੀ ਡੇਢ ਸਾਲ ਦੀ ਤਨਖਾਹ ਦੇ ਬਰਾਬਰ ਹੈ।