26 ਸਤੰਬਰ ਤੋਂ ਸ਼ੁਰੂ ਹੋ ਰਹੀ ਨਵਰਾਤਰੀ ‘ਚ ਵਰਤ ਦੌਰਾਨ ਰੇਲਗੱਡੀ ‘ਚ ਸਫਰ ਕਰਨ ਵਾਲੇ ਯਾਤਰੀਆਂ ਨੂੰ ਬਿਨਾਂ ਪਿਆਜ਼-ਲਸਣ ਅਤੇ ਨਮਕ ਦੇ ਭੋਜਨ ਮਿਲੇਗਾ। ਰੇਲਵੇ ਨੇ ਇਹ ਕਦਮ ਇਸ ਲਈ ਚੁੱਕਿਆ ਹੈ ਕਿਉਂਕਿ ਕਈ ਵਾਰ ਵਰਤ ਦੌਰਾਨ ਯਾਤਰੀਆਂ ਨੂੰ ਸਫਰ ਕਰਨਾ ਪੈਂਦਾ ਹੈ। ਅਜਿਹੇ ਵਿੱਚ ਉਹ ਮੁਸੀਬਤ ਵਿੱਚ ਫਸ ਜਾਂਦੇ ਹਨ। ਇਹ ਸਹੂਲਤ IRCTC ਵੱਲੋਂ ਲਗਭਗ 400 ਸਟੇਸ਼ਨਾਂ ‘ਤੇ ਉਪਲਬਧ ਕਰਵਾਈ ਜਾਵੇਗੀ। ਥਾਲੀ ਦੀ ਸਹੂਲਤ ਲਈ ਯਾਤਰੀ 1323 ‘ਤੇ ਕਾਲ ਕਰ ਸਕਦੇ ਹਨ ਅਤੇ ਬੁਕ ਕਰ ਸਕਦੇ ਹਨ। ਤੁਸੀਂ ਇਸ ਨੰਬਰ ‘ਤੇ ਕਾਲ ਕਰਕੇ ਆਪਣੀ ਡਿਨਰ ਪਲੇਟ ਬੁੱਕ ਕਰ ਸਕਦੇ ਹੋ। ਬੁਕਿੰਗ ਤੋਂ ਬਾਅਦ ਯਾਤਰੀ ਨੂੰ ਆਪਣੀ ਸੀਟ ‘ਤੇ ਹੀ ਫਾਸਟਿੰਗ ਪਲੇਟ ਮਿਲ ਜਾਵੇਗੀ।
ਰੇਲਵੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਨਵਰਾਤਰੀ ‘ਤੇ ਯਾਤਰੀਆਂ ਦੀ ਸਹੂਲਤ ਲਈ ਆਈਆਰਸੀਟੀਸੀ ਦੁਆਰਾ ਵ੍ਰਤ ਥਾਲੀ ਦੀ ਸਹੂਲਤ ਦਿਤੀ ਜਾਵੇਗੀ। ਯਾਤਰੀਆਂ ਦੇ ਮੇਨੂ ਅਨੁਸਾਰ ਵਰਤ ਦੀ ਥਾਲੀ ਪਠਾਨਕੋਟ ਕੈਂਟ ਅਤੇ ਸਿਟੀ ਸਟੇਸ਼ਨ ‘ਤੇ ਵੀ ਉਪਲਬਧ ਕਰਵਾਈ ਜਾਵੇਗੀ।
ਨਵਰਾਤਰੀ ਵਰਤ ਦੀ ਥਾਲੀ ਦਾ ਮੇਨੂ:
99 ਰੁਪਏ: ਫਲ, ਪਕੌੜੀ, ਦਹੀ
99 ਰੁਪਏ: 2 ਪਰਾਠੇ, ਆਲੂ ਸਬਜ਼ੀ, ਸਾਬੂਦਾਨਾ ਦਾ ਹਲਵਾ
199 ਰੁਪਏ: 4 ਪਰਾਠੇ, 3 ਸਬਜ਼ੀਆਂ, ਸਾਬੂਦਾਣਾ ਖਿਚੜੀ
250 ਰੁਪਏ: ਪਨੀਰ ਪਰਾਠਾ, ਵ੍ਰਤ ਮਸਾਲਾ, ਸਿੰਗਾੜਾ ਅਤੇ ਆਲੂ ਪਰਾਠਾ