ਮਹਾਰਾਸ਼ਟਰ ਦੇ ਸੁਲਤਾਨਪੁਰ ਪਿੰਡ ਨੂੰ ਹੁਣ ‘ਰਾਹੁਲ ਨਗਰ’ ਵਜੋਂ ਜਾਣਿਆ ਜਾਵੇਗਾ। ਸਥਾਨਕ ਨਿਵਾਸੀਆਂ ਨੇ ਆਪਣੇ ਪਿੰਡ ਦੇ ਨਿਵਾਸੀ ਦੀ ਯਾਦ ਵਿੱਚ ਇਸਦਾ ਨਾਮ ਬਦਲਿਆ ਹੈ ਜਿਸਨੇ 26/11 ਦੇ ਮੁੰਬਈ ਹਮਲਿਆਂ ਦੌਰਾਨ ਅੱਤਵਾਦੀਆਂ ਨਾਲ ਲੜਦੇ ਹੋਏ ਆਪਣੀ ਜਾਨ ਕੁਰਬਾਨ ਕਰ ਦਿੱਤੀ ਸੀ। ਇਸ ਪਿੰਡ ਦੀ ਆਬਾਦੀ 1000 ਦੇ ਕਰੀਬ ਹੈ। ਰਾਹੁਲ ਸ਼ਿੰਦੇ ਦਾ ਜਨਮ ਅਤੇ ਪਾਲਣ ਪੋਸ਼ਣ ਇਸੇ ਪਿੰਡ ਵਿੱਚ ਹੋਇਆ। ਹਾਲਾਂਕਿ, ਨਾਮ ਬਦਲਣ ਦੀ ਅਧਿਕਾਰਤ ਰਸਮ ਹੋਣੀ ਅਜੇ ਬਾਕੀ ਹੈ।
ਸਟੇਟ ਰਿਜ਼ਰਵ ਪੁਲਿਸ ਫੋਰਸ (SRPF) ਦੇ ਕਾਂਸਟੇਬਲ ਰਾਹੁਲ ਸ਼ਿੰਦੇ 14 ਸਾਲ ਪਹਿਲਾਂ ਮੁੰਬਈ ਅੱਤਵਾਦੀ ਹਮਲੇ ਦੌਰਾਨ ਸ਼ਹੀਦ ਹੋ ਗਏ ਸਨ। ਸੋਲਾਪੁਰ ਜ਼ਿਲੇ ਦੀ ਮਧਾ ਤਹਿਸੀਲ ਦੇ ਸੁਲਤਾਨਪੁਰ ਦੇ ਰਹਿਣ ਵਾਲੇ ਸ਼ਿੰਦੇ ਨੂੰ ਗੋਲੀਬਾਰੀ ਦੀ ਸੂਚਨਾ ਮਿਲਦੇ ਹੀ ਦੱਖਣੀ ਮੁੰਬਈ ਦੇ ਤਾਜ ਮਹਿਲ ਪੈਲੇਸ ਹੋਟਲ ‘ਚ ਦਾਖਲ ਹੋ ਗਿਆ। ਉਹ ਹੋਟਲ ਦੇ ਅੰਦਰ ਦਾਖ਼ਲ ਹੋਣ ਵਾਲਾ ਪਹਿਲਾ ਪੁਲਿਸ ਮੁਲਾਜ਼ਮ ਸੀ। ਅੱਤਵਾਦੀਆਂ ਵੱਲੋ ਚਲਾਈ ਗਈ ਗੋਲੀ ਸ਼ਿੰਦੇ ਦੇ ਪੇਟ ‘ਚ ਲੱਗੀ ਸੀ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ ਸੀ। ਉਨ੍ਹਾਂ ਨੂੰ ਮਰਨ ਉਪਰੰਤ ਰਾਸ਼ਟਰਪਤੀ ਪੁਲਿਸ ਮੈਡਲ ਨਾਲ ਵੀ ਸਨਮਾਨਿਤ ਕੀਤਾ ਗਿਆ। ਅਤੇ ਹੁਣ ਸੁਲਤਾਨਪੁਰ ਵਾਸੀਆਂ ਨੇ ਆਪਣੇ ਪਿੰਡ ਦਾ ਨਾਂ ਬਦਲਣ ਦਾ ਫੈਸਲਾ ਕੀਤਾ।