ਸੈਂਟਰਲ ਬੋਰਡ ਆਫ ਡਾਇਰੈਕਟ ਟੈਕਸਸ ਯਾਨੀ ਸੀਬੀਡੀਟੀ, ਜੋ ਟੈਕਸ ਮਾਮਲਿਆਂ ਨੂੰ ਦੇਖਦਾ ਹੈ, ਦੀ ਜ਼ਿੰਮੇਵਾਰੀ ਹੁਣ ਇਕ ਔਰਤ ਦੇ ਹੱਥ ਆ ਗਈ ਹੈ। ਇਨਕਮ ਟੈਕਸ ਕੇਡਰ ਦੀ 1986 ਬੈਚ ਦੀ ਆਈਆਰਐਸ ਅਧਿਕਾਰੀ ਸੰਗੀਤਾ ਸਿੰਘ ਨੂੰ 1 ਮਈ ਨੂੰ ਸੀਬੀਡੀਟੀ ਦੀ ਚੇਅਰਪਰਸਨ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ। ਇਸ ਤੋਂ ਇਲਾਵਾ ਉਸ ਕੋਲ ਸੀਬੀਡੀਟੀ ਵਿੱਚ ਮੈਂਬਰ (ਕਰਦਾਤਾ ਸੇਵਾਵਾਂ) ਦਾ ਵਾਧੂ ਚਾਰਜ ਵੀ ਹੈ।
CBDT ਯਾਨੀ ਕੇਂਦਰੀ ਪ੍ਰਤੱਖ ਟੈਕਸ ਬੋਰਡ ਵਿੱਤ ਮੰਤਰਾਲੇ ਦੇ ਮਾਲ ਵਿਭਾਗ ਦਾ ਇੱਕ ਹਿੱਸਾ ਹੈ। ਭਾਰਤ ਵਿੱਚ ਡਾਇਰੈਕਟ ਟੈਕਸਾਂ ਨਾਲ ਸਬੰਧਤ ਸਾਰੇ ਮਾਮਲੇ 1 ਜਨਵਰੀ 1964 ਤੋਂ ਕੇਂਦਰੀ ਡਾਇਰੈਕਟ ਟੈਕਸ ਬੋਰਡ ਨੂੰ ਸੌਂਪ ਦਿੱਤੇ ਗਏ ਸਨ। ਸੀਬੀਡੀਟੀ ਨੂੰ ਬੋਰਡ ਆਫ਼ ਰੈਵੇਨਿਊ ਐਕਟ 1963 ਦੁਆਰਾ ਇਹ ਅਧਿਕਾਰ ਪ੍ਰਾਪਤ ਹੈ। CBDT ਭਾਰਤ ਵਿੱਚ ਪ੍ਰਤੱਖ ਟੈਕਸ ਦੀਆਂ ਨੀਤੀਆਂ ਅਤੇ ਯੋਜਨਾਵਾਂ ਲਈ ਜ਼ਰੂਰੀ ਜਾਣਕਾਰੀ ਪ੍ਰਦਾਨ ਕਰਦਾ ਹੈ। ਵਾਧੂ ਚਾਰਜ ਵਜੋਂ ਸੰਗੀਤਾ ਸਿੰਘ ਨੂੰ ਰੈਗੂਲਰ ਚੇਅਰਮੈਨ ਵਾਂਗ ਹੀ ਜ਼ਿੰਮੇਵਾਰੀ ਨਿਭਾਉਣੀ ਪਵੇਗੀ। ਜਿਸ ਵਿਚ ਕਿ, ਆਮਦਨ ਕਰ ਵਿਭਾਗ ਦੀ ਪ੍ਰਬੰਧਕੀ ਯੋਜਨਾ ‘ਤੇ ਕੰਮ ਕਰਨਾ। ਮਾਲ ਸੇਵਾ ਵਿੱਚ ਨਿਗਰਾਨੀ ਕਰਨਾ ਅਤੇ ਵਿੱਤ ਮੰਤਰਾਲੇ ਨੂੰ ਸਲਾਹ ਦੇਣਾ। ਸੰਯੁਕਤ ਰਾਸ਼ਟਰ ਅਤੇ ਓਈਸੀਡੀ ਵਰਗੀਆਂ ਅੰਤਰਰਾਸ਼ਟਰੀ ਸੰਸਥਾਵਾਂ ਵਿੱਚ ਭਾਰਤ ਦੀ ਪ੍ਰਤੀਨਿਧਤਾ ਕਰਨਾ। ਇਨਕਮ ਟੈਕਸ ਕਮਿਸ਼ਨਰ ਅਤੇ ਚੀਫ਼ ਕਮਿਸ਼ਨਰ ਦੇ ਕਾਡਰ ਵਿੱਚ ਅਧਿਕਾਰੀਆਂ ਦੇ ਤਬਾਦਲੇ ਅਤੇ ਨਿਯੁਕਤੀਆਂ।ਮੰਤਰੀ ਮੰਡਲ ਦੇ ਫੈਸਲਿਆਂ ਨੂੰ ਲਾਗੂ ਕਰਨਾ, ਆਮਦਨ ਕਰ ਵਿਭਾਗ ਐਕਟ ਅਧੀਨ ਆਉਂਦੇ ਕੇਸਾਂ ਨੂੰ ਨਿਯਮਾਂ ਅਨੁਸਾਰ ਨਜਿੱਠਣਾ।ਕੇਂਦਰੀ ਵਿੱਤ ਮੰਤਰੀ ਨੂੰ ਸਲਾਹ ਦੇਣਾ, ਸ਼ਾਮਿਲ ਹਨ।
