ਭਾਰਤੀ ਸਟੇਟ ਬੈਂਕ ਦੇ ਕਰੋੜਾਂ ਗਾਹਕਾਂ ਲਈ ਇੱਕ ਵੱਡੀ ਅਪਡੇਟ ਹੈ। SBI ਨੇ ਕਰਜ਼ਿਆਂ ‘ਤੇ ਵਿਆਜ ਦਰਾਂ ਵਧਾ ਦਿੱਤੀਆਂ ਹਨ। ਭਾਰਤੀ ਸਟੇਟ ਬੈਂਕ ਨੇ ਨਿਸ਼ਚਿਤ ਸਮੇਂ ਦੀ ਮਿਆਦ ਲਈ ਆਪਣੀ ਸੀਮਾਂਤ ਲਾਗਤ ਦੀ ਫੰਡ-ਅਧਾਰਿਤ ਉਧਾਰ ਦਰ (MCLR) ਵਿੱਚ 10 ਅਧਾਰ ਅੰਕ (bps) ਤੱਕ ਦਾ ਵਾਧਾ ਕੀਤਾ ਹੈ, ਜਿਸ ਤੋਂ ਬਾਅਦ ਕਰੋੜਾਂ ਗਾਹਕਾਂ ਨੂੰ ਵੱਡਾ ਝਟਕਾ ਲੱਗਾ ਹੈ।
ਭਾਰਤੀ ਸਟੇਟ ਬੈਂਕ ਦੀ ਵੈੱਬਸਾਈਟ ਮੁਤਾਬਕ ਕਰਜ਼ਿਆਂ ‘ਤੇ ਨਵੀਆਂ ਵਿਆਜ ਦਰਾਂ ਸੋਮਵਾਰ ਯਾਨੀ 15 ਜੁਲਾਈ ਤੋਂ ਲਾਗੂ ਹੋ ਗਈਆਂ ਹਨ। ਇਸ ਵਾਧੇ ਨਾਲ ਹੋਮ ਲੋਨ, ਆਟੋ ਵਰਗੇ ਲੋਨ ਮਹਿੰਗੇ ਹੋ ਜਾਣਗੇ। ਦੇਈਏ ਕਿ ਇਸ ਤੋਂ ਪਹਿਲਾਂ ਜੂਨ ਮਹੀਨੇ ਵਿੱਚ ਵੀ SBI ਨੇ MCLR ਵਿੱਚ 10 bps ਦਾ ਵਾਧਾ ਕੀਤਾ ਸੀ।
SBI ਨੇ ਇੱਕ ਮਹੀਨੇ ਦੀ MCLR ਬੈਂਚਮਾਰਕ ਦਰ ਨੂੰ 5 bps ਵਧਾ ਕੇ 8.35% ਕਰ ਦਿੱਤਾ ਹੈ। ਤਿੰਨ ਮਹੀਨਿਆਂ ਦੀ MCLR ਬੈਂਚਮਾਰਕ ਦਰ ਨੂੰ 10 bps ਵਧਾ ਕੇ 8.40% ਕਰ ਦਿੱਤਾ ਗਿਆ ਹੈ। ਬੈਂਕ ਨੇ ਛੇ ਮਹੀਨਿਆਂ, ਇੱਕ ਸਾਲ ਅਤੇ ਦੋ ਸਾਲਾਂ ਦੇ ਕਾਰਜਕਾਲ ਲਈ MCLR ਦਰਾਂ ਵਿੱਚ 10 bps ਦਾ ਵਾਧਾ ਕੀਤਾ ਹੈ, ਜਿਸ ਨਾਲ ਇਹ ਕ੍ਰਮਵਾਰ 8.75%, 8.85% ਅਤੇ 8.95% ਹੋ ਗਈਆਂ ਹਨ। ਤਿੰਨ ਸਾਲਾਂ ਦੇ MCLR ਨੂੰ 5 bps ਵਧਾ ਕੇ 9% ਕਰ ਦਿੱਤਾ ਗਿਆ ਹੈ।