ਭਾਰਤੀ ਸਟੇਟ ਬੈਂਕ ਦੇ ਗਾਹਕਾਂ ਲਈ ਰਾਹਤ ਦੀ ਖਬਰ ਹੈ। ਦਰਅਸਲ, ਬੈਂਕ ਨੇ ਮੋਬਾਈਲ ਫੰਡ ਟ੍ਰਾਂਸਫਰ ‘ਤੇ SMS ਚਾਰਜ ਨੂੰ ਮੁਆਫ ਕਰ ਦਿੱਤਾ ਹੈ। SBI ਨੇ ਸੂਚਿਤ ਕੀਤਾ ਹੈ ਕਿ USSD ਸੇਵਾਵਾਂ ਦੀ ਵਰਤੋਂ ਕਰਕੇ, ਗਾਹਕ ਹੁਣ ਬਿਨਾਂ ਕਿਸੇ ਵਾਧੂ ਚਾਰਜ ਦੇ ਆਸਾਨੀ ਨਾਲ ਲੈਣ-ਦੇਣ ਕਰ ਸਕਦੇ ਹਨ।
SBI ਨੇ ਸੋਸ਼ਲ ਮੀਡੀਆ ‘ਤੇ ਇਹ ਜਾਣਕਾਰੀ ਸਾਂਝੀ ਕੀਤੀ ਹੈ। SBI ਨੇ ਪੋਸਟ ‘ਚ ਲਿਖਿਆ, ‘ਮੋਬਾਈਲ ਫੰਡ ਟ੍ਰਾਂਸਫਰ ‘ਤੇ SMS ਚਾਰਜ ਹੁਣ ਮੁਆਫ! ਉਪਭੋਗਤਾ ਹੁਣ ਬਿਨਾਂ ਕਿਸੇ ਵਾਧੂ ਚਾਰਜ ਦੇ ਆਸਾਨੀ ਨਾਲ ਟ੍ਰਾਂਜੈਕਸ਼ਨ ਕਰ ਸਕਦੇ ਹਨ।”ਪੋਸਟ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਉਪਭੋਗਤਾ ਬਿਨਾਂ ਕਿਸੇ ਵਾਧੂ ਚਾਰਜ ਦੇ ਸੇਵਾਵਾਂ ਦਾ ਲਾਭ ਲੈ ਸਕਦੇ ਹਨ। ਜਿਸ ਵਿੱਚ ਪੈਸੇ ਭੇਜਣਾ, ਪੈਸੇ ਦੀ ਬੇਨਤੀ, ਖਾਤੇ ਦਾ ਬਕਾਇਆ, ਮਿੰਨੀ ਸਟੇਟਮੈਂਟ ਅਤੇ UPI ਪਿੰਨ ਬਦਲਣਾ ਸ਼ਾਮਲ ਹੈ। ਦੱਸ ਦਈਏ ਕਿ USSD ਦਾ ਇਸਤੇਮਾਲ ਆਮ ਤੌਰ ‘ਤੇ ਟਾਕ ਟਾਈਮ ਬੈਲੇਂਸ ਜਾਂ ਖਾਤੇ ਦੀ ਜਾਣਕਾਰੀ ਦੀ ਜਾਂਚ ਕਰਨ ਅਤੇ ਮੋਬਾਈਲ ਬੈਂਕਿੰਗ ਲੈਣ-ਦੇਣ ਲਈ ਕੀਤਾ ਜਾਂਦਾ ਹੈ।