ਕਾਨਪੁਰ ਸਥਿਤ ਗਲੋਬਲ ਡਿਫੈਂਸ ਐਂਡ ਹੋਮਲੈਂਡ ਸਕਿਓਰਿਟੀ ਕੰਪਨੀ MKU ਨੇ ਅਜਿਹਾ ਹੈਲਮੇਟ ਬਣਾਇਆ ਹੈ ਜਿਸ ਨੂੰ ਸਿੱਖ ਸੈਨਿਕ ਵੀ ਪਾ ਸਕਦੇ ਹਨ। ਇਸ ਖਾਸ ਹੈਲਮੇਟ ਨੂੰ ਪਟਕੇ ਦੇ ਉੱਪਰ ਪਹਿਨਿਆ ਜਾ ਸਕਦਾ ਹੈ। ਇਹ ਹੈਲਮੇਟ ਨਾ ਸਿਰਫ ਹਲਕਾ ਹੈ, ਸਗੋਂ ਫੰਗਲ ਅਤੇ ਐਂਟੀ ਐਲਰਜੀ ਵੀ ਹੈ। ਕੰਪਨੀ ਵੱਲੋ ਇਸ ਨੂੰ ‘ਵੀਰ ਹੈਲਮੇਟ’ ਦਾ ਨਾਂ ਦਿੱਤਾ ਗਿਆ ਹੈ।
ਕੰਪਨੀ ਦਾ ਕਹਿਣਾ ਹੈ ਕਿ ਭਾਰਤੀ ਫੌਜ ਵਿੱਚ ਭਰਤੀ ਸਿੱਖਾਂ ਲਈ ਇਹ ਆਪਣੀ ਕਿਸਮ ਦਾ ਪਹਿਲਾ ਹੈਲਮੇਟ ਹੈ। ਕੰਪਨੀ ਨੇ ਕਿਹਾ ਕਿ ‘ਵੀਰ ਹੈਲਮੇਟ’ ਦਾ ਡਿਜ਼ਾਈਨ ਇਸ ਤਰ੍ਹਾਂ ਬਣਾਇਆ ਗਿਆ ਹੈ ਕਿ ਸਿੱਖ ਫੌਜੀ ਇਸ ਨੂੰ ਪਟਕੇ ਦੇ ਉੱਪਰ ਆਰਾਮ ਨਾਲ ਪਹਿਨ ਸਕਦੇ ਹਨ। ਹੈਲਮੇਟ ਦਾ ਡਿਜ਼ਾਇਨ ਬੋਲਟ-ਫ੍ਰੀ ਹੈ, ਸੈਕੰਡਰੀ ਫਰੈਗਮੈਂਟੇਸ਼ਨ ਨੂੰ ਰੋਕਣ ਲਈ ਇਹ ਬੇਹੱਦ ਆਰਾਮਦਾਇਕ ਹੈ। ਇਹ ਹੈਲਮੇਟ ਸ਼ੌਕ ਪਰੂਫ ਅਤੇ ਕੈਮੀਕਲ ਸੁਰੱਖਿਅਤ ਹੈ।
MKU ਦੇ ਐਮਡੀ ਨੀਰਜ ਗੁਪਤਾ ਅਨੁਸਾਰ, ‘ਇੱਕ ਸਿੱਖ ਲਈ ਦਸਤਾਰ ਉਸ ਦਾ ਮਾਣ ਹੈ। ਸਾਡੀ ਕੰਪਨੀ ਦਾ ‘ਵੀਰ’ ਹੈਲਮੇਟ ਬਹਾਦਰ ਸਿੱਖ ਸੈਨਿਕਾਂ ਦੀ ਜਾਨ ਦੀ ਰਾਖੀ ਲਈ ਬਣਾਇਆ ਗਿਆ ਹੈ। ਇਸ ਨਾਲ ਉਨ੍ਹਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਵੀ ਠੇਸ ਨਹੀਂ ਪਹੁੰਚੇਗੀ।