ਵਿਸ਼ਵ ਦੀ ਪ੍ਰਮੁੱਖ ਕੌਫੀ ਕੰਪਨੀ ਸਟਾਰਬਕਸ ਨੇ ਭਾਰਤੀ ਮੂਲ ਦੇ ਲਕਸ਼ਮਣ ਨਰਸਿਮਹਨ ਨੂੰ ਨਵਾਂ ਮੁੱਖ ਕਾਰਜਕਾਰੀ ਅਧਿਕਾਰੀ ਨਿਯੁਕਤ ਕੀਤਾ ਹੈ। ਸਟਾਰਬਕਸ ਨੇ ਵੀਰਵਾਰ ਨੂੰ ਘੋਸ਼ਣਾ ਕੀਤੀ ਕਿ ਨਰਸਿਮਹਨ ਕੰਪਨੀ ਦੇ ਅਗਲੇ ਮੁੱਖ ਕਾਰਜਕਾਰੀ ਅਧਿਕਾਰੀ ਅਤੇ ਸਟਾਰਬਕਸ ਦੇ ਨਿਰਦੇਸ਼ਕ ਬੋਰਡ ਦੇ ਮੈਂਬਰ ਹੋਣਗੇ ਨਰਸਿਮਹਨ 1 ਅਕਤੂਬਰ, 2022 ਨੂੰ ਲੰਡਨ ਤੋਂ ਸਿਆਟਲ, ਯੂਐਸਏ ਜਾਣ ਤੋਂ ਬਾਅਦ ਅਗਲੇ ਸੀਈਓ ਬਣ ਜਾਣਗੇ। ਉਹ ਅਗਲੇ ਸਾਲ ਸੀਈਓ ਦਾ ਅਹੁਦਾ ਸੰਭਾਲਣਗੇ। ਉਦੋਂ ਤੱਕ ਉਹ ਅੰਤਰਿਮ ਸੀਈਓ ਹਾਵਰਡ ਸ਼ੁਲਟਜ਼ ਨਾਲ ਮਿਲ ਕੇ ਕੰਮ ਕਰਨਗੇ।
ਇਸ ਤੋਂ ਪਹਿਲਾਂ ਨਰਸਿਮਹਨ ਰੇਕਿਟ, ਲਾਇਸੋਲ ਅਤੇ ਬੇਬੀ ਫਾਰਮੂਲਾ ਨਿਰਮਾਤਾ ਐਨਫਾਮਿਲ ਨਾਲ ਕੰਮ ਕਰ ਚੁੱਕੇ ਹਨ। ਨਰਸਿਮਹਨ ਇੱਕ ਬਹੁ-ਰਾਸ਼ਟਰੀ ਖਪਤਕਾਰ ਸਿਹਤ, ਸਫਾਈ ਅਤੇ ਪੋਸ਼ਣ ਕੰਪਨੀ ਰੇਕਟ ਦੇ ਸੀਈਓ ਸਨ। ਉਨ੍ਹਾਂ ਨੇ ਵੀਰਵਾਰ ਨੂੰ ਬ੍ਰਿਟੇਨ ਦੇ ਰੇਕਟ ਬੈਨਕਿਜ਼ਰ ਗਰੁੱਪ ਦੇ ਮੁੱਖ ਕਾਰਜਕਾਰੀ ਦੇ ਅਹੁਦੇ ਤੋਂ ਅਸਤੀਫਾ ਦੇਣ ਦਾ ਐਲਾਨ ਕੀਤਾ। ਰੇਕਟ ਛੱਡਣ ਤੋਂ ਬਾਅਦ ਕੰਪਨੀ ਦੇ ਸ਼ੇਅਰਾਂ ਦੀ ਕੀਮਤ ‘ਚ ਚਾਰ ਫੀਸਦੀ ਦੀ ਗਿਰਾਵਟ ਦੇਖਣ ਨੂੰ ਮਿਲੀ।