ਨਵੀਂ ਦਿੱਲੀ, 1 ਫਰਵਰੀ 2022 – ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਵੱਲੋਂ ਅੱਜ ਮੰਗਲਵਾਰ ਨੂੰ ਬਜਟ 2022 ਪੇਸ਼ ਕੀਤਾ ਗਿਆ। ਇਸ ਬਜਟ ’ਚ ਕਿਸਾਨਾਂ ਲਈ ਸੀਤਾਰਮਨ ਵੱਲੋਂ ਦੋ ਵੱਡੇ ਐਲਾਨ ਕੀਤੇ ਗਏ। ਸੀਤਾਰਮਨ ਨੇ ਐਲਾਨ ਕਰਦੇ ਹੋਏ ਕਿਹਾ ਕਿ ਐੱਮ. ਐੱਸ. ਪੀ. ’ਤੇ ਰਿਕਾਰਡ ਖਰੀਦਦਾਰੀ ਕੀਤੀ ਜਾਵੇਗੀ। ਕਿਸਾਨਾਂ ਨੂੰ ਐੱਮ. ਐੱਸ. ਪੀ. ਦੇ ਤਹਿਤ 2.70 ਲੱਖ ਕਰੋੜ ਰੁਪਏ ਦਿੱਤੇ ਜਾਣਗੇ। ਇਸ ਤੋਂ ਬਿਨਾਂ ਕੈਮੀਕਲ ਮੁਕਤ ਕੁਦਰਤੀ ਖੇਤੀ ਨੂੰ ਉਤਸ਼ਾਹਿਤ ਕੀਤਾ ਜਾਵੇਗਾ। ਛੋਟੇ ਕਿਸਾਨਾਂ ਲਈ ਰੇਲਵੇ ਦਾ ਢਾਂਚਾ ਸੁਧਾਰਿਆ ਜਾਵੇਗਾ।
ਭਾਸ਼ਣ ਦੀ ਸ਼ੁਰੂਆਤ ਕਰਦੇ ਹੋਏ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਭਾਰਤ ਦੀ ਵਿਕਾਸ ਦਰ 9.27 ਫੀਸਦੀ ਰਹਿਣ ਦੀ ਉਮੀਦ ਹੈ।
- ਕਿਸਾਨਾਂ ਨੂੰ ਦਿੱਤੀਆਂ ਜਾਣਗੀਆਂ ਡਿਜੀਟਲ ਸੇਵਾਵਾਂ- ਵਿੱਤ ਮੰਤਰੀ
- ਆਰਥਿਕ ਵਿਕਾਸ ਦਰ 9 ਫੀਸਦੀ ਤੋਂ ਵੱਧ ਰਹੇਗੀ- ਵਿੱਤ ਮੰਤਰੀ
- ‘ਘੱਟੋ-ਘੱਟ ਸਮਰਥਨ ਮੁੱਲ ‘ਤੇ ਕਿਸਾਨਾਂ ਤੋਂ ਰਿਕਾਰਡ ਖਰੀਦ ਕਰਾਂਗੇ’
- ‘ਸਾਲ ‘ਚ 25 ਹਜ਼ਾਰ ਕਿਲੋਮੀਟਰ ਹਾਈਵੇ ਬਣਾਵਾਂਗੇ’
- LIC ਦਾ IPO ਜਲਦ ਆਉਣ ਦੀ ਉਮੀਦ
- 60 ਲੱਖ ਨਵੀਆਂ ਨੌਕਰੀਆਂ ਦੇਣਗੇ
- ਕੇਨ-ਬੇਤਵਾ ਪ੍ਰੋਜੈਕਟ ਲਈ 14,00 ਕਰੋੜ ਰੁਪਏ ਦਿੱਤੇ ਜਾਣਗੇ।
- ਅਗਲੇ 3 ਸਾਲਾਂ ਵਿੱਚ 400 ਵੰਦੇ ਭਾਰਤ ਟਰੇਨਾਂ ਦਾ ਨਿਰਮਾਣ ਕੀਤਾ ਜਾਵੇਗਾ।
- PPP ਮਾਡਲ ਰਾਹੀਂ ਰੇਲਵੇ ਦੇ ਮਾਲ ਖੇਤਰ ਦਾ ਵਿਸਤਾਰ ਕੀਤਾ ਜਾਵੇਗਾ।
- 750 ਨਵੀਆਂ ਈ-ਲੈਬਾਂ ਬਣਾਈਆਂ ਜਾਣਗੀਆਂ ਅਤੇ ਇਨ੍ਹਾਂ ਰਾਹੀਂ ਟੈਸਟਿੰਗ ‘ਤੇ ਜ਼ੋਰ ਦਿੱਤਾ ਜਾਵੇਗਾ।
- ਚਿੱਪ ਪਾਸਪੋਰਟ ਇਸ ਸਾਲ ਤੋਂ ਆਉਣਗੇ।
- 75 ਜ਼ਿਲ੍ਹਿਆਂ ‘ਚ 75 ਡਿਜੀਟਲ ਬੈਂਕਿੰਗ ਸ਼ੁਰੂ ਕਰੇਗੀ: ਵਿੱਤ ਮੰਤਰੀ
- ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਤਹਿਤ 80 ਲੱਖ ਨਵੇਂ ਘਰ: ਵਿੱਤ ਮੰਤਰੀ
