ਚੰਡੀਗੜ੍ਹ: ਪੰਜਾਬ ਵਿਧਾਨ ਸਭਾ ਚੋਣਾਂ ਦੇ ਐਲਾਨ ਤੋਂ ਬਾਅਦ ਸੂਬੇ ਵਿੱਚ ਸਿਆਸੀ ਸਰਗਰਮੀਆਂ ਤੇਜ ਹੋ ਗਈਆਂ ਹਨ। ਇਸ ਵਿਚਾਲੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ‘ਤੇ ਹਮਲਾ ਬੋਲਿਆ ਹੈ। ਨਵਜੋਤ ਸਿੱਧੂ ਨੇ ਕੇਜਰੀਵਾਲ ਨੂੰ ਸਿਆਸੀ ਸੈਲਾਨੀ ਕਰਾਰ ਦਿੰਦਿਆਂ ਕਿਹਾ ਹੈ ਕਿ ਉਹ ਪਿਛਲੇ 4.5 ਤੋਂ ਪੰਜਾਬ ਵਿੱਚ ਗੈਰਹਾਜ਼ਰ ਸੀ ਤੇ ਹੁਣ ਪੰਜਾਬ ਮਾਡਲ ਹੋਣ ਦਾ ਦਾਅਵਾ ਕਰਦਾ ਹੈ।
ਨਵਜੋਤ ਸਿੱਧੂ ਨੇ ਟਵੀਟ ਕਰ ਲਿਖਿਆ, ‘ਆਮ ਆਦਮੀ ਪਾਰਟੀ ਦਾ ਏਜੰਡਾ ਪੰਜਾਬ ਦੇ ਲੋਕਾਂ ਨਾਲ ਮਜ਼ਾਕ ਹੈ। ਪੰਜਾਬ ਬਾਰੇ ਜ਼ੀਰੋ ਜਾਣਕਾਰੀ ਰੱਖਣ ਵਾਲੇ ਦਿੱਲੀ ਵਿੱਚ ਬੈਠੇ ਲੋਕਾਂ ਵੱਲੋਂ ਲਿਖੀ ਗਈ 10 ਪੁਆਇੰਟਰਾਂ ਦੀ ਸੂਚੀ ਕਦੇ ਵੀ ਪੰਜਾਬ ਮਾਡਲ ਨਹੀਂ ਹੋ ਸਕਦੀ।’
ਸਿੱਧੂ ਨੇ ਇੱਕ ਹੋਰ ਟਵੀਟ ‘ਚ ਲਿਖਿਆ, ‘ਸੱਚ ਤਾਂ ਇਹ ਹੈ ਕਿ ਕੇਜਰੀਵਾਲ ਦੀ ਕਾਰਜਸ਼ੈਲੀ ਦਾ ਮਾਡਲ “ਕਾਪੀ-ਕੈਟ ਮਾਡਲ”, ਉਨ੍ਹਾਂ ਕਿਹਾ ਕਿ ਅਸਲ ਵਿੱਚ ਇਹ ਮਾਡਲ ਇਸ ਤਰ੍ਹਾਂ ਹੈ ਕਿ 1.“ਮੈਂ ਬਹੁਤ ਹੀ ਅਸੁਰੱਖਿਅਤ ਮਾਡਲ ਹਾਂ”, 2. “ਸ਼ਰਾਬ ਮਾਫੀਆ ਮਾਡਲ”, 3.“ਟਿਕਟ ਫਾਰ ਮਨੀ ਮਾਡਲ”, 4. “ਮੈਨੂੰ ਬਹੁਤ ਅਫ਼ਸੋਸ ਹੈ ਮਜੀਠੀਆ ਜੀ: ਕਾਇਰਤਾ ਵਾਲਾ ਮਾਡਲ”, “ਲਿਖਣਾ ਅਤੇ 5. ਮੁਫ਼ਤ ਚੈੱਕ ਮਾਡਲ”, “ਅੰਬਾਨੀ ਦੇ ਮਾਡਲ ਲਈ ਬਿਜਲੀ”, “। ਨਵਜੋਤ ਸਿੱਧੂ ਨੇ ਕਿਹਾ ਕਿ ਪੰਜ ਸਾਲਾਂ ਦੇ ਮਾਡਲ ਵਿੱਚ ਸਿਰਫ 450 ਨੌਕਰੀਆਂ” ਹਨ।’
ਕਾਂਗਰਸ ਪ੍ਰਧਾਨ ਨੇ ਲਿਖਿਆ, ‘3 ਕਰੋੜ ਪੰਜਾਬੀਆਂ ਦੀ ਜ਼ਿੰਦਗੀ ਇਸ ‘ਤੇ ਨਿਰਭਰ ਹੈ.. ਪੰਜਾਬ ਦੇ ਲੋਕ ਇਨ੍ਹਾਂ ਖੋਖਲੇ ਅਤੇ ਗੈਰ-ਸੰਜੀਦਾ ਏਜੰਡਿਆਂ ‘ਤੇ ਨਹੀਂ ਫਸਣਗੇ। ਇੱਕ ਅਸਲੀ ਰੋਡਮੈਪ ਜੋ ਲੋਕਾਂ ਦੇ ਸਰੋਤਾਂ ਨੂੰ “ਮਾਫੀਆ ਜੇਬਾਂ” ਤੋਂ “ਪੰਜਾਬ ਦੇ ਲੋਕਾਂ” ਤੱਕ ਵਾਪਸ ਲਿਆਵੇਗਾ।’
