ਭਾਈ ਹਰਨੇਕ ਸਿੰਘ ਭੱਪ ਨੂੰ 26 ਨਵੰਬਰ 2021 ਨੂੰ ਜੈਪੁਰ ਹਾਈ ਕੋਰਟ ਵੱਲੋਂ ਸਥਾਈ ਪੈਰੋਲ ਦਿੱਤੀ ਗਈ ਹੈ । ਜ਼ਿਕਰਯੋਗ ਹੈ ਕਿ ਭਾਈ ਹਰਨੇਕ ਸਿੰਘ ਭੱਪ ਨੂੰ 2004 ਵਿੱਚ ਕਾਂਗਰਸੀ ਆਗੂ ਮਿਰਧਾ ਨੂੰ ਅਗਵਾ ਕਰਨ ਦੇ ਕੇਸ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਜਸਟਿਸ ਪ੍ਰਕਾਸ਼ ਗੁਪਤਾ ਤੇ ਜਸਟਿਸ ਓਮਾਂ ਸ਼ੰਕਰ ਵਿਆਸ ਦੇ ਡਬਲ ਬੈਂਚ ਵੱਲੋਂ ਭਾਈ ਹਰਨੇਕ ਸਿੰਘ ਭੱਪ ਨੂੰ ਸਥਾਈ ਪੈਰੋਲ ਦੇਣ ਦਾ ਹੁਕਮ ਸੁਣਾਇਆ ਗਿਆ। ਹਰਨੇਕ ਸਿੰਘ ਭੱਪ ਵੱਲੋਂ ਐਡਵੋਕੇਟ ਵਿਸ਼ਰਾਮ ਪਰਜਾਪਤੀ ਨੇ ਜੈਪੁਰ ਹਾਈ ਕੋਰਟ ਵਿੱਚ ਕਾਨੂੰਨੀ ਪੈਰਵਾਈ ਕੀਤੀ।
ਭਾਈ ਹਰਨੇਕ ਸਿੰਘ ਭੱਪ ਇਸ ਸਮੇਂ ਕੋਰੋਨਾ ਕਾਰਨ ਮਿਲੀ ਪੈਰੋਲ ਉਤੇ ਸਨ ਅਤੇ ਕੱਲ ਮਿਤੀ 2 ਦਸੰਬਰ 2021 ਨੂੰ ਉਨ੍ਹਾਂ ਨੇ ਜੇਲ੍ਹ ਵਿੱਚ ਸਰੰਡਰ ਕੀਤਾ ਅਤੇ ਇੱਕ ਲੱਖ ਦਾ ਨਿੱਜੀ ਮੁਚੱਲਕਾ ਅਤੇ ਪੰਜਾਹ ਪੰਜਾਹ ਹਜ਼ਾਰ ਦੇ ਦੋ ਜ਼ਮਾਨਤੀ ਮੁਚੱਲਕੇ ਭਰਨ ਤੋਂ ਬਾਅਦ ਕੱਲ੍ਹ ਦੇਰ ਸ਼ਾਮ ਰਿਹਾਈ ਹੋ ਗਈ ਸੀ ਅਤੇ ਅੱਜ 3 ਦਸੰਬਰ 2021 ਨੂੰ ਉਹ ਆਪਣੇ ਪਿੰਡ ਬੁਟਾਹਰੀ ਥਾਣਾ ਡੇਹਲੋਂ ਜ਼ਿਲ੍ਹਾ ਲੁਧਿਆਣਾ ਵਿਖੇ ਪਹੁੰਚੇ
