ਅੱਜ ਭਾਜਪਾ ਦੇ ਅਨੂਪ ਗੁਪਤਾ ਚੰਡੀਗੜ੍ਹ ਨਗਰ ਨਿਗਮ ਦੇ ਨਵੇਂ ਮੇਅਰ ਬਣ ਗਏ ਹਨ। ਉਨ੍ਹਾਂ ਨੇ ਆਮ ਆਦਮੀ ਪਾਰਟੀ ਦੇ ਜਸਬੀਰ ਲਾਡੀ ਨੂੰ ਸਿਰਫ਼ 1 ਵੋਟ ਨਾਲ ਹਰਾਇਆ। ਕੁੱਲ 29 ਵੋਟਾਂ ਪਈਆਂ। ਇਸ ਵਿੱਚ ਭਾਜਪਾ ਨੂੰ 15 ਅਤੇ ‘ਆਪ’ ਨੂੰ 14 ਵੋਟਾਂ ਮਿਲੀਆਂ। ਸੀਨੀਅਰ ਡਿਪਟੀ ਮੇਅਰ ਦਾ ਅਹੁਦਾ ਵੀ ਭਾਜਪਾ ਨੇ ਜਿੱਤਿਆ। ਇਸ ਦੀਆਂ ਚੋਣਾਂ ਵਿੱਚ ਵੀ ਕੁੱਲ 29 ਵੋਟਾਂ ਪਈਆਂ। ਭਾਜਪਾ ਦੇ ਕੰਵਰਜੀਤ ਰਾਣਾ ਨੂੰ 15 ਵੋਟਾਂ ਮਿਲੀਆਂ। ‘ਆਪ’ ਦੀ ਤਰੁਣਾ ਮਹਿਤਾ ਨੂੰ 14 ਵੋਟਾਂ ਮਿਲੀਆਂ। ਇਸ ਦੇ ਨਾਲ ਹੀ ਡਿਪਟੀ ਮੇਅਰ ਦੇ ਅਹੁਦੇ ਲਈ ਭਾਜਪਾ ਦੇ ਹਰਜੀਤ ਸਿੰਘ ਸੰਧੂ ਨੇ ‘ਆਪ’ ਦੀ ਸੁਮਨ ਸ਼ਰਮਾ ਨੂੰ ਹਰਾ ਦਿੱਤਾ।