ਐਪਲ ਦੇ ਸਾਲਾਨਾ ਸਮਾਗਮ ਦਾ ਇੰਤਜ਼ਾਰ ਖਤਮ ਹੋ ਗਿਆ ਹੈ। ਕੰਪਨੀ ਦੇ ਸੀਈਓ ਟਿਮ ਕੁੱਕ ਨੇ ਇਸ ਦੀ ਰਸਮੀ ਸ਼ੁਰੂਆਤ ਕਰ ਦਿੱਤੀ ਹੈ। 5 ਜੂਨ ਨੂੰ ਸ਼ੁਰੂ ਹੋਇਆ ਇਹ ਈਵੈਂਟ 9 ਜੂਨ ਤੱਕ ਕੈਲੀਫੋਰਨੀਆ ਦੇ ਕਪਰਟੀਨੋ ਦੇ ਐਪਲ ਪਾਰਕ ਵਿੱਚ ਚੱਲੇਗਾ। ਇਸ ਈਵੈਂਟ ਨੂੰ ਵਰਲਡਵਾਈਡ ਡਿਵੈਲਪਰਜ਼ ਕਾਨਫਰੰਸ ਭਾਵ WWDC (WWDC 2023) ਵਜੋਂ ਜਾਣਿਆ ਜਾਂਦਾ ਹੈ। ਐਪਲ ਦੀ ਵਰਲਡਵਾਈਡ ਡਿਵੈਲਪਰਸ ਕਾਨਫਰੰਸ 5 ਜੂਨ ਨੂੰ ਭਾਰਤੀ ਸਮੇਂ ਅਨੁਸਾਰ ਰਾਤ 10:30 ਵਜੇ ਸ਼ੁਰੂ ਹੋਈ।
ਦੱਸ ਦਈਏ ਕਿ ਤਕਨੀਕੀ ਕੰਪਨੀ ਐਪਲ ਨੇ ਸੋਮਵਾਰ ਦੇਰ ਰਾਤ ਆਪਣੀ ਸਲਾਨਾ ਡਿਵੈਲਪਰਸ ਕਾਨਫਰੰਸ-WWDC23 ਵਿੱਚ 15 ਇੰਚ ਡਿਸਪਲੇ ਵਾਲਾ ਦੁਨੀਆ ਦਾ ਸਭ ਤੋਂ ਪਤਲਾ (11.5 mm) ਲੈਪਟਾਪ ਮੈਕਬੁੱਕ ਏਅਰ ਲਾਂਚ ਕੀਤਾ ਹੈ। ਭਾਰਤ ‘ਚ ਇਸ ਦੀ ਸ਼ੁਰੂਆਤੀ ਕੀਮਤ 1.54 ਲੱਖ ਰੁਪਏ ਹੈ। ਵਿਦਿਆਰਥੀਆਂ ਨੂੰ 10 ਹਜ਼ਾਰ ਦੀ ਛੋਟ ਵੀ ਮਿਲੇਗੀ।
ਦੁਨੀਆ ਦਾ ਸਭ ਤੋਂ ਪਤਲਾ 15 ਇੰਚ ਦੇ ਲੈਪਟਾਪ ਵਿੱਚ 18 ਘੰਟੇ ਦੀ ਬੈਕਅਪ ਬੈਟਰੀ ਹੈ। ਇਹ ਚਾਰ ਰੰਗਾਂ ਮਿਡਨਾਈਟ, ਸਟਾਰਲਾਈਟ, ਸਿਲਵਰ ਅਤੇ ਸਪੇਸ ਗ੍ਰੇ ਵਿੱਚ ਉਪਲਬਧ ਹੈ। ਨਵੀਂ ਮੈਕਬੁੱਕ ਦੀਆਂ ਵਿਸ਼ੇਸ਼ਤਾਵਾਂ 13-ਇੰਚ ਮੈਕਬੁੱਕ ਏਅਰ M2 ਦੇ ਸਮਾਨ ਹਨ। ਜਿਵੇਂ ਕਿ ਮੈਗਸੇਫ ਚਾਰਜਿੰਗ ਦੇ ਨਾਲ 3.5mm ਹੈੱਡਫੋਨ ਜੈਕ, ਦੋ ਥੰਡਰਬੋਲਟ ਪੋਰਟ ਆਦਿ।
ਲੈਪਟਾਪ ਤੋਂ ਇਲਾਵਾ ਐਪਲ ਨੇ 9 ਜੂਨ ਤੱਕ ਚੱਲਣ ਵਾਲੀ ਆਪਣੀ ਕਾਨਫਰੰਸ ‘ਚ 3 ਹੋਰ ਉਤਪਾਦ ਲਾਂਚ ਕੀਤੇ ਹਨ। ਇਸ ਵਿੱਚ ਮਿਕਸਡ ਰਿਐਲਿਟੀ ਹੈੱਡਸੈੱਟ ਵਿਜ਼ਨ ਪ੍ਰੋ, ਡੈਸਕਟੌਪ ਮੈਕ ਪ੍ਰੋ ਅਤੇ ਸਟੂਡੀਓ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਐਪਲ ਨੇ ਆਪਣੇ ਆਪਰੇਟਿੰਗ ਸਿਸਟਮ iOS 17 ਦੇ ਫੀਚਰਸ ਦਾ ਵੀ ਖੁਲਾਸਾ ਕੀਤਾ ਹੈ।