ਲੁਧਿਆਣਾ ਦੇ ਭਾਮੀਆਂ ਰੋਡ ਤੇ ਸਥਿਤ ਸੁਖਦੇਵ ਨਗਰ ਵਿੱਚ ਦੇਰ ਰਾਤ ਆਈ ਤੇਜ ਹਨ੍ਹੇਰੀ ਕਾਰਣ ਇੱਕ ਖਾਲੀ ਪਲਾਟ ਦੀ 8 ਫੁੱਟ ਉੱਚੀ ਕੰਧ ਡਿੱਗ ਗਈ, ਜਿਸ ਕਾਰਣ ਕੰਧ ਦੇ ਨਾਲ ਖੜੀਆਂ ਦੋ ਕਾਰਾਂ ਪੂਰੀ ਤਰ੍ਹਾਂ ਨਾਲ ਨੁਕਸਾਨੀਆਂ ਗਈਆਂ। ਇਹ ਸਾਰੀ ਘਟਨਾ ਸਾਹਮਣੇ ਘਰ ਵਿੱਚ ਲੱਗੇ CCTV ਕੈਮਰਿਆਂ ਵਿੱਚ ਕੈਦ ਹੋ ਗਈ।
ਦੱਸ ਦੇਈਏ ਕਿ ਜਦੋਂ ਕੰਧ ਡਿੱਗੀ ਤਾਂ ਉਸ ਤੋਂ ਕੁਝ ਸੈਕਿੰਡ ਪਹਿਲਾਂ ਹੀ ਸਾਹਮਣੇ ਘਰ ਦਾ ਮਾਲਿਕ ਆਪਣੇ ਮੋਟਸਾਈਕਲ ਤੇ ਆਪਣੇ ਘਰ ਆਇਆ ਸੀ, ਜਿਵੇਂ ਹੀ ਉਹ ਮੋਟਰਸਾਈਕਲ ਘਰ ਦੇ ਬਾਹਰ ਖੜ੍ਹਾ ਕਰਕੇ ਅੰਦਰ ਜਾਂਦਾ ਹੈ ਉਸ ਤੋਂ ਕੁਝ ਸੈਕਿੰਡ ਬਾਅਦ ਹੀ ਕੰਧ ਕਾਰਾਂ ਉਪਰ ਡਿੱਗ ਜਾਂਦੀ ਹੈ ਅਤੇ ਘਰ ਦੇ ਬਾਹਰ ਮੋਟਸਾਈਕਲ ਵੀ ਨੁਕਸਾਨਿਆ ਜਾਂਦਾ ਹੈ।
ਇਸ ਤੋਂ ਇਲਾਵਾ ਇੱਕ ਮਹਿਲਾ ਵੀ ਗਲੀ ਵਿਚੋਂ ਲੰਘ ਰਹੀ ਸੀ ਜਿਸਦੇ ਕੰਧ ਦੇ ਕੋਲ ਪਹੁੰਚਣ ਤੋਂ ਠੀਕ ਇੱਕ ਸੈਕਿੰਡ ਪਹਿਲਾਂ ਤੇਜ ਹਨ੍ਹੇਰੀ ਕਾਰਣ ਕੰਧ ਡਿੱਗ ਗਈ, ਅਤੇ ਮਹਿਲਾ ਨੇ ਭੱਜਕੇ ਆਪਣੀ ਜਾਨ ਬਚਾਈ।