ਸ਼ਾਹਕੋਟ- ਸਾਉਣ ਦਾ ਮਹੀਨਾ ਸ਼ਿਵ ਭਗਤਾਂ ਲਈ ਬਹੁਤ ਖਾਸ ਹੁੰਦਾ ਹੈ। ਸਾਉਣ ਮਹੀਨੇ ਵਿੱਚ ਸ਼ਰਧਾਲੂ ਸਾਉਣ ਮਹੀਨੇ ਦੇ ਸਾਰੇ ਸੋਮਵਾਰ ਨੂੰ ਵਰਤ ਰੱਖਦੇ ਹਨ ਅਤੇ ਭਗਵਾਨ ਸ਼ਿਵ ਨੂੰ ਪ੍ਰਸੰਨ ਕਰਨ ਦੀ ਹਰ ਕੋਸ਼ਿਸ਼ ਕਰਦੇ ਹਨ। ਇਸੇ ਤਹਿਤ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਸਲੈਚਾ ਰੋਡ ਸ਼ਾਹਕੋਟ ਦੇ ਦੁਕਾਨਦਾਰਾਂ ਵੱਲੋਂ ਸਾਉਣ ਮਹੀਨੇ ਦੀ ਆਮਦ ਦੀ ਖੁਸ਼ੀ ਵਿੱਚ ਸਲੈਚਾ ਰੋਡ ਤੇ ਕੜਾਹ-ਛੋਲਿਆ ਦਾ ਲੰਗਰ ਲਗਾਇਆ ਗਿਆ।
ਇਸ ਮੌਕੇ ਸਭ ਤੋਂ ਪਹਿਲਾ ਮਾਸਟਰ ਸੋਮ ਨਾਥ ਨੇ ਮਾਤਾ ਰਾਣੀ ਦੀ ਪੂਜਾ ਕੀਤੀ, ਉਪਰੰਤ ਕੰਜਕ ਪੂਜਨ ਕੀਤਾ ਗਿਆ। ਇਸ ਮੌਕੇ ਲਗਾਏ ਗਏ ਲੰਗਰ ਦੌਰਾਨ ਸੇਵਾਦਾਰਾਂ ਨੇ ਬੜੀ ਹੀ ਸ਼ਰਧਾ-ਭਾਵਨਾ ਨਾਲ ਰਾਹਗੀਰਾਂ ਨੂੰ ਰੋਕ-ਰੋਕ ਲੰਗਰ ਵਰਤਾਇਆ।
ਇਸ ਮੌਕੇ ਹਰੀਸ਼ ਚੰਦਰ ਅਰੋੜਾ, ਵਿਸ਼ਾਲ ਸ਼ੈਲੀ ਆਦਿ ਦੁਕਾਨਦਾਰਾਂ ਨੇ ਸਮੂਹ ਸ਼ਹਿਰ ਵਾਸੀਆਂ ਨੂੰ ਸਾੳੇੁਣ ਦੇ ਮਹੀਨੇ ਦੀ ਆਮਦ ਦੀ ਵਧਾਈ ਦਿੱਤੀ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਨਰਿੰਦਰ ਗੁਪਤਾ, ਯਸ਼ਪਾਲ ਗੁਪਤਾ, ਹਰੀਸ਼ ਅਰੋੜਾ, ਸਤਨਾਮ ਸਿੰਘ, ਵਿਸ਼ਾਲ ਸ਼ੈਲੀ, ਮੰਗਾ ਲਹੋਰੀਆ, ਰਕੇਸ਼ ਚੰਦ ਬੀ.ਪੀ.ਈ.ਓ., ਹੈਪੀ, ਸੌਰਵ ਅਰੋੜਾ, ਸਨੀ ਅਰੋੜਾ, ਸੁਰਿੰਦਰ ਸਿੰਘ ਸਾਬਕਾ ਐੱਮ.ਸੀ., ਰਾਜੂ ਕੰਨਵ, ਵੀ.ਕੇ., ਸੋਮ ਨਾਥ, ਰਾਮ ਅਰੋੜਾ, ਅੰਸ਼ ਸੂਰੀ, ਜੋਤ ਗਿੱਲ, ਸਨੀ ਗੁਪਤਾ, ਕਾਲਾ ਗੁਪਤਾ, ਸਤਪਾਲ, ਬਾਬਾ ਆਦਿ ਹਾਜ਼ਰ ਸਨ।