ਚੰਡੀਗੜ੍ਹ: ਪੰਜਾਬ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ‘ਤੇ ਭੈਣ ਸੁਮਨ ਤੂਰ ਵੱਲੋਂ ਗੰਭੀਰ ਇਲਜ਼ਾਮ ਲਾਏ ਗਏ ਹਨ। ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਪਤਨੀ ਤੇ ਧੀ ਉਨ੍ਹਾਂ ਦੇ ਹੱਕ ‘ਚ ਆ ਗਏ ਹਨ। ਧੀ ਰਾਬੀਆ ਸਿੱਧੂ ਨੇ ਸੋਸ਼ਲ ਮੀਡਿਆ ‘ਤੇ ਆਪਣੇ ਪਿਤਾ ਦੇ ਹੱਕ ‘ਚ ਇਕ ਪੋਸਟ ਪਾਈ ਹੈ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਕ ਸਟੋਰੀ ਸ਼ੇਅਰ ਕੀਤੀ ਹੈ ਜਿਸ ‘ਚ ਉਨ੍ਹਾਂ ਦੇ ਦਾਦਾ ਜੀ ਤੇ ਪਿਤਾ ਨਵਜੋਤ ਇੰਘ ਸਿੱਧੂ ਨਜ਼ਰ ਆ ਰਹੇ ਹਨ। ਸਿੱਧੂ ਤਸਵੀਰ ‘ਚ ਕਾਫੀ ਛੋਟੇ ਦਿਖ ਰਹੇ ਹਨ। ਫੋਟੋ ਵਿਚ ਰਾਬੀਆ ਨੇ ਲਿਖਿਆ ਹੈ ਕਿ ਦਾਦਾ ਅਤੇ ਉਨ੍ਹਾਂ ਦਾ ਇਕਲੌਤਾ ਬੱਚਾ, ਡੈਡ! ਰਾਬੀਆ ਨੇ ਇਹ ਕੋਟ ਲਿਖਣ ਨਾਲ ਹੀ ਇਕਲੌਤੇ ਬੱਚੇ ਨੂੰ ਅੰਡਰਲਾਈਨ ਕਰਕੇ ਹਾਈਲਾਈਟ ਵੀ ਕੀਤਾ ਹੈ।