ਡੇਰਾ ਸਾਧ ਰਾਮ ਰਹੀਮ ਦੀ ਪੈਰੋਲ ਦਾ ਮਾਮਲਾ ਭਖਦਾ ਜਾ ਰਿਹਾ ਹੈ। ਸਾਰੀ ਵਿਰੋਧੀ ਪਾਰਟੀਆਂ ਪੈਰੋਲ ਦਾ ਵਿਰੋਧ ਕਰ ਰਹੀਆਂ ਹਨ। ਹਾਲਾਂਕਿ ਇਸ ਮਾਮਲੇ ‘ਚ ਨਵਾਂ ਮੋੜ ਆਇਆ ਹੈ। ਰਾਮ ਰਹੀਮ ਨੂੰਚੰਗੇ ਚਾਲ ਚਲਣ ਕਰਕੇ ਇਹ ਪੈਰੋਲ ਮਿਲੀ ਹੈ। ਰੋਹਤਕ ਦੇ ਡਿਵੀਜ਼ਨਲ ਕਮਿਸ਼ਨਰ ਦਾ ਪੱਤਰ ਨਿੱਜੀ ਚੈਨਲ ਨੂੰ ਮਿਲਿਆ ਹੈ, ਜਿਸ ਦੇ ਆਧਾਰ ‘ਤੇ ਰਾਮ ਰਹੀਮ ਦੀ ਪੈਰੋਲ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਮੀਡਿਆ ਰਿਪੋਰਟਾਂ ਦੇ ਹਵਾਲੇ ਤੋਂ ਇਹ ਖ਼ਬਰ ਸਾਹਮਣੇ ਆਈ ਹੈ।
ਰਿਪੋਰਟ ਅਤੇ ਹਾਲਾਤਾਂ ਦੇ ਆਧਾਰ ‘ਤੇ ਸਬੰਧਤ ਵਿਭਾਗ ਅਤੇ ਅਧਿਕਾਰੀਆਂ ਨੇ ਕੈਦੀ ਨੂੰ 40 ਦਿਨਾਂ ਦੀ ਸ਼ਰਤ ਦੀ ਪੈਰੋਲ ‘ਤੇ ਰਿਹਾਅ ਕਰਨਾ ਉਚਿਤ ਸਮਝਿਆ। ਜਿਸ ਲਈ ਕੁਝ ਸ਼ਰਤਾਂ ਰੱਖੀਆਂ ਗਈਆਂ ਹਨ-
ਕੈਦੀ ਆਪਣੀ ਆਰਜ਼ੀ ਰਿਹਾਈ ਦੌਰਾਨ ਸਤਨਾਮ ਜੀ ਆਸ਼ਰਮ ਡੇਰਾ ਸੱਚਾ ਸੌਦਾ, ਬਰਨਾਵਾ, ਜ਼ਿਲ੍ਹਾ ਬਾਗਪਤ (ਯੂ.ਪੀ.) ਵਿਖੇ ਰਹੇਗਾ। ਉਹ ਜ਼ਿਲ੍ਹਾ ਮੈਜਿਸਟ੍ਰੇਟ ਦੀ ਇਜਾਜ਼ਤ ਤੋਂ ਬਿਨਾਂ ਕਿਤੇ ਵੀ ਨਹੀਂ ਜਾ ਸਕਦਾ ।
ਆਰਜ਼ੀ ਰਿਹਾਈ ਦੇ ਸਮੇਂ ਦੌਰਾਨ, ਕੈਦੀ ਪੂਰੀ ਤਰ੍ਹਾਂ ਸ਼ਾਂਤ ਰਹੇਗਾ ਅਤੇ ਆਪਣਾ ਚੰਗਾ ਵਿਵਹਾਰ ਬਰਕਰਾਰ ਰੱਖੇਗਾ।
ਨਿਯਮਤ ਪੈਰੋਲ ਦੀ 40 ਦਿਨਾਂ ਦੀ ਮਿਆਦ ਪੂਰੀ ਹੋਣ ਤੋਂ ਬਾਅਦ, ਕੈਦੀ ਖੁਦ ਜੇਲ੍ਹ ਦੇ ਸੁਪਰਡੈਂਟ ਅੱਗੇ ਆਤਮ ਸਮਰਪਣ ਕਰੇਗਾ
ਨਿਯਮਤ ਪੈਰੋਲ ‘ਤੇ ਆਪਣੀ ਰਿਹਾਈ ਤੋਂ ਪਹਿਲਾਂ, ਕੈਦੀ, ਸਬੰਧਤ ਡੀਐਮ ਦੀ ਸੰਤੁਸ਼ਟੀ ਲਈ, ਰਿਹਾਈ ਵਾਰੰਟ ਵਿੱਚ ਦਰਸਾਏ ਸ਼ਰਤਾਂ ਨੂੰ ਪੂਰਾ ਕਰਦੇ ਹੋਏ, ਇੱਕ ਨਿੱਜੀ ਬਾਂਡ ਅਤੇ 3 ਲੱਖ ਰੁਪਏ ਦੀ ਰਕਮ ਲਈ ਦੋ ਜ਼ਮਾਨਤ ਪੇਸ਼ ਕਰੇਗਾ।
ਜ਼ਿਲ੍ਹਾ ਮੈਜਿਸਟ੍ਰੇਟ, ਬਾਗਪਤ (ਯੂ.ਪੀ.) ਵੱਲੋਂ ਤਿਆਰ ਕੀਤੀ ਗਈ ਰਿਪੋਰਟ ਵਿੱਚ ਦੱਸੀਆਂ ਗਈਆਂ ਸ਼ਰਤਾਂ ਦੇ ਸਬੰਧ ਵਿੱਚ ਕੈਦੀ ਪੁਲਿਸ ਅਤੇ ਸਥਾਨਕ ਪ੍ਰਸ਼ਾਸਨ ਨਾਲ ਸਹਿਯੋਗ ਕਰੇਗਾ।
