ਅਜ਼ਾਦੀ ਦਾ ਅੰਮ੍ਰਿਤ ਮਹੋਤਸਵ ਦੀ ਲੜੀ ਹੇਠ ਤਿਆਰ ਕੀਤਾ ਗਿਆ AzadiSat ਅਗਸਤ 2022 ਵਿੱਚ ISRO ਦੇ SSLV ਤੋਂ ਆਪਣੀ ਔਰਬਿਟ ਤੱਕ ਪਹੁੰਚਣ ਲਈ ਤਿਆਰ ਹੈ ਇਸ ਸੈਟੇਲਾਈਟ ਨੂੰ ਦੇਸ਼ ਭਰ ਦੇ 75 ਸਕੂਲਾਂ ਦੀਆਂ 750 ਵਿਦਿਆਰਥਣਾਂ ਨੇ ਬਣਾਇਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਆਜ਼ਾਦੀਸੈਟ ਨੂੰ 7 ਅਗਸਤ ਨੂੰ ਸਵੇਰੇ 9.15 ਵਜੇ ਸ੍ਰੀਹਰੀਕੋਟਾ ਪੁਲਾੜ ਕੇਂਦਰ ਤੋਂ ਇਸਰੋ ਦੇ ਸਮਾਲ ਸੈਟੇਲਾਈਟ ਲਾਂਚ ਵਹੀਕਲ (ਐਸਐਸਐਲਵੀ) ਦੁਆਰਾ ਪਹਿਲੀ ਉਡਾਣ ਲਈ ਲਾਂਚ ਕੀਤਾ ਜਾਵੇਗਾ।
ਦੱਸ ਦਈਏ ਕਿ ਅੱਠ ਕਿਲੋਗ੍ਰਾਮ ਦੇ ਸੈਟੇਲਾਈਟ ਵਿੱਚ 75 ਫੇਮਟੋ ਪ੍ਰਯੋਗ, ਸੈਲਫੀ ਕੈਮਰੇ ਹਨ ਜੋ ਆਪਣੇ ਸੋਲਰ ਪੈਨਲਾਂ ਅਤੇ ਲੰਬੀ ਦੂਰੀ ਦੇ ਸੰਚਾਰ ਟ੍ਰਾਂਸਪੌਂਡਰ ਦੀਆਂ ਤਸਵੀਰਾਂ ਨੂੰ ਕਲਿੱਕ ਕਰਨਗੇ। ਇਹ ਪ੍ਰੋਜੈਕਟ ਅਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ ਜਸ਼ਨਾਂ ਦਾ ਹਿੱਸਾ ਹੈ। ਸਪੇਸ ਕਿਡਜ਼ ਇੰਡੀਆ ਦੇ ਚੀਫ ਟੈਕਨਾਲੋਜੀ ਅਫਸਰ ਰਿਫਤ ਸ਼ਾਰੂਕ ਨੇ ਕਿਹਾ ਕਿ ਸਪੇਸ ਸਾਇੰਸ ਅਤੇ ਐਸਟੀਈਐਮ ਵਿਸ਼ਿਆਂ ਵਿੱਚ ਵਿਦਿਆਰਥਣਾਂ ਦੀ ਰੁਚੀ ਵਧਾਉਣ ਲਈ ਇਹ ਪਹਿਲ ਕੀਤੀ ਗਈ ਹੈ ਤਾਂ ਜੋ ਲੜਕੀਆਂ ਅਤੇ ਔਰਤਾਂ ਨੂੰ ਪੁਲਾੜ ਵਿਗਿਆਨ ਦੇ ਖੇਤਰ ਵਿੱਚ ਅੱਗੇ ਆਉਣ ਲਈ ਉਤਸ਼ਾਹਿਤ ਕੀਤਾ ਜਾ ਸਕੇ।