ਗੂਗਲ ਜਲਦੀ ਹੀ ਦੁਨੀਆ ਭਰ ਵਿੱਚ ਆਪਣਾ Find My Device Network ਲਾਂਚ ਕਰੇਗਾ। ਕੰਪਨੀ ਨੇ ‘ਫਾਈਂਡ ਮਾਈ ਡਿਵਾਈਸ ਨੈੱਟਵਰਕ’ ਦੇ ਲਾਂਚ ਨੂੰ ਲੈ ਕੇ ਕੁਝ ਯੂਜ਼ਰਸ ਨੂੰ ਈਮੇਲ ਭੇਜੀ ਹੈ। ਕੰਪਨੀ ਦੁਆਰਾ ਪਿਛਲੇ ਸਾਲ ਸੇਵਾ ਦੀ ਘੋਸ਼ਣਾ ਕੀਤੀ ਗਈ ਸੀ ਅਤੇ ਉਮੀਦ ਕੀਤੀ ਜਾਂਦੀ ਹੈ ਕਿ ਔਫਲਾਈਨ ਹੋਣ ਤੇ ਵੀ ਇਹ ਕਈ ਡਿਵਾਈਸਾਂ ਨੂੰ ਲੱਭਣ ਵਿੱਚ ਮਦਦ ਕਰੇਗੀ। ਉਪਭੋਗਤਾ ਇਸ ਦੀ ਵਰਤੋਂ ਕਰਦੇ ਹੋਏ ਆਪਣੇ ਗੁੰਮ ਹੋਏ ਡਿਵਾਈਸਾਂ ਜਿਵੇਂ ਕਿ ਸਮਾਰਟਫ਼ੋਨ, ਹੈੱਡਫ਼ੋਨ ਅਤੇ ਟਰੈਕਰ ਦਾ ਪਤਾ ਲਗਾ ਸਕਦੇ ਹਨ।
9to5Google ਦੁਆਰਾ ਇੱਕ ਰਿਪੋਰਟ ਦੇ ਅਨੁਸਾਰ “ਨਵੇਂ Find My Device ਨੈੱਟਵਰਕ ਨਾਲ, ਤੁਸੀਂ ਔਫਲਾਈਨ ਹੋਣ ‘ਤੇ ਵੀ ਆਪਣੀ ਡਿਵਾਈਸ ਦਾ ਪਤਾ ਲਗਾਉਣ ਦੇ ਯੋਗ ਹੋਵੋਗੇ। ਤੁਸੀਂ ਭਾਵੇਂ ਉਹ ਤੁਹਾਡੀ ਡਿਵਾਈਸ ਤੋਂ ਡਿਸਕਨੈਕਟ ਹੋਵੋ ਤਾ ਵੀ ਉਸ ਨੂੰ ਲਾਭ ਸਕੋਗੇ। ਇਸ ਵਿੱਚ paired ਈਅਰਬਡ ਅਤੇ ਹੈੱਡਫੋਨ ਅਤੇ ਇੱਕ ਟਰੈਕਰ ਸ਼ਾਮਲ ਹੈ ਜਿਸਨੂੰ ਤੁਸੀਂ ਆਪਣੇ ਵਾਲਿਟ, ਚਾਬੀਆਂ ਜਾਂ ਮੋਟਰਸਾਈਕਲ ਨਾਲ ਵੀ ਜੋੜ ਸਕਦੇ ਹੋ। ਜਦੋਂ ਇਹ ਵਿਸ਼ੇਸ਼ਤਾ ਕਿਰਿਆਸ਼ੀਲ ਹੋ ਜਾਂਦੀ ਹੈ ਤਾਂ ਤੁਹਾਨੂੰ ਤੁਹਾਡੀ Android ਡਿਵਾਈਸ ‘ਤੇ ਇੱਕ ਸੂਚਨਾ ਪ੍ਰਾਪਤ ਹੋਵੇਗੀ। ਉਦੋਂ ਤੱਕ, ਤੁਸੀਂ ਵੈੱਬ ‘ਤੇ ਫਾਈਂਡ ਮਾਈ ਡਿਵਾਈਸ ਰਾਹੀਂ ਨੈੱਟਵਰਕ ਤੋਂ ਲੌਗ ਆਊਟ ਕਰ ਸਕਦੇ ਹੋ।” ਕੰਪਨੀ ਦੁਆਰਾ ਕੁਝ ਉਪਭੋਗਤਾਵਾਂ ਨੂੰ ਭੇਜੀ ਗਈ ਤਾਜ਼ਾ ਈਮੇਲ ਦੇ ਅਨੁਸਾਰ ਇਹ ਸਰਵਿਸ ਇਸ ਐਤਵਾਰ ਜਾਂ ਸੋਮਵਾਰ (ਅਰਥਾਤ 8 ਅਪ੍ਰੈਲ) ਨੂੰ ਲਾਈਵ ਹੋ ਜਾਵੇਗੀ।
ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਐਪਲ ਦੇ ਫਾਈਂਡ ਮਾਈ ਦੀ ਤਰ੍ਹਾਂ ਫਾਈਂਡ ਮਾਈ ਡਿਵਾਈਸ ਨੈੱਟਵਰਕ ਵੀ ਆਫਲਾਈਨ ਕੰਮ ਕਰੇਗਾ, ਯਾਨੀ ਤੁਸੀਂ ਕਿਸੇ ਵੀ ਡਿਵਾਈਸ ਜਾਂ ਆਪਣੇ ਫੋਨ ਨੂੰ ਆਫਲਾਈਨ ਵੀ ਟ੍ਰੈਕ ਕਰ ਸਕੋਗੇ। ਇਸ ਦੇ ਨਾਲ ਹੀ ਫਾਸਟ ਪੇਅਰਿੰਗ ਦਾ ਆਪਸ਼ਨ ਵੀ ਮਿਲੇਗਾ।