ਗੂਗਲ ਨੇ ਪਲੇ ਸਟੋਰ ‘ਤੇ ਸਾਲ 2023 ਵਿੱਚ 22.8 ਲੱਖ ਅਜਿਹੀਆਂ ਮੋਬਾਈਲ ਐਪਸ ਨੂੰ ਬੈਨ ਕਰ ਦਿੱਤਾ ਗਿਆ, ਜਿਨ੍ਹਾਂ ਦਾ ਇਰਾਦਾ ਲੋਕਾਂ ਨੂੰ ਧੋਖਾ ਦੇਣਾ ਸੀ। ਗੂਗਲ ਨੇ ਆਪਣੇ ਇਕ ਬਲਾਗ ‘ਚ ਇਹ ਜਾਣਕਾਰੀ ਦਿੱਤੀ ਹੈ। ਗੂਗਲ ਨੇ ਆਪਣੀ ਰਿਪੋਰਟ ‘ਚ ਕਿਹਾ ਹੈ ਕਿ ਉਸ ਨੇ 3,33,000 ਡਿਵੈਲਪਰ ਖਾਤਿਆਂ ਨੂੰ ਬੈਨ ਕਰ ਦਿੱਤਾ ਹੈ। ਇਹ ਸਾਰੀਆਂ ਮਾਲਵੇਅਰ ਐਪਸ ਪਲੇ ਸਟੋਰ ‘ਤੇ ਪ੍ਰਕਾਸ਼ਿਤ ਕੀਤੀਆਂ ਗਈਆਂ ਸਨ ਅਤੇ ਵਾਰ-ਵਾਰ ਗੋਪਨੀਯਤਾ ਨੀਤੀ ਦੀ ਉਲੰਘਣਾ ਕਰ ਰਹੀਆਂ ਸਨ।
ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਸਾਲ 2023 ਵਿੱਚ 22.8 ਲੱਖ ਮੋਬਾਈਲ ਐਪਸ ਲੋਕਾਂ ਨੂੰ ਧੋਖਾ ਦੇਣ ਲਈ ਤਿਆਰ ਕੀਤੀਆਂ ਗਈਆਂ ਸਨ ਅਤੇ ਇਨ੍ਹਾਂ ਵਿੱਚ ਮਾਲਵੇਅਰ ਸਨ। ਪ੍ਰਕਾਸ਼ਿਤ ਹੋਣ ਤੋਂ ਪਹਿਲਾਂ ਹੀ ਲਗਭਗ 2,00,000 ਐਪਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਇਹ ਐਪਸ ਉਪਭੋਗਤਾਵਾਂ ਦੀ ਨਿੱਜੀ ਜਾਣਕਾਰੀ ਲੈ ਰਹੇ ਸਨ ਜਿਵੇਂ ਕਿ ਬੈਕਗ੍ਰਾਉਂਡ ਲੋਕੇਸ਼ਨ ਟ੍ਰੈਕਿੰਗ, ਸੰਦੇਸ਼ਾਂ ਤੱਕ ਪਹੁੰਚ, ਸੰਪਰਕਾਂ ਤੱਕ ਪਹੁੰਚ ਅਤੇ ਮਾਈਕ੍ਰੋਫੋਨ, ਗੈਲਰੀ। ਆਪਣੇ ਸੁਰੱਖਿਆ-ਕੇਂਦ੍ਰਿਤ ਬਲੌਗ ਵਿੱਚ, ਗੂਗਲ ਨੇ ਉਨ੍ਹਾਂ ਉਪਾਵਾਂ ਬਾਰੇ ਵੀ ਜਾਣਕਾਰੀ ਦਿੱਤੀ ਹੈ ਜੋ ਉਪਭੋਗਤਾਵਾਂ ਨੂੰ ਸ਼ੱਕੀ ਐਪਸ, ਮਾਲਵੇਅਰ ਅਤੇ ਔਨਲਾਈਨ ਘੁਟਾਲਿਆਂ ਤੋਂ ਬਚਾਉਣ ਲਈ ਚੁੱਕੇ ਗਏ ਹਨ।
ਗੂਗਲ ਪਲੇ ਸਟੋਰ ਨੇ ਫੈਡਰਲ ਕੋਰਟ ‘ਚ ਦੋ ਡਿਵੈਲਪਰਾਂ ਖਿਲਾਫ ਮੁਕੱਦਮਾ ਵੀ ਦਾਇਰ ਕੀਤਾ ਹੈ। ਇਨ੍ਹਾਂ ਡਿਵੈਲਪਰਾਂ ‘ਤੇ ਸਪੈਮੀ ਐਪਸ ਨੂੰ ਵਾਰ-ਵਾਰ ਅਪਲੋਡ ਕਰਨ ਦਾ ਦੋਸ਼ ਹੈ। ਉਨ੍ਹਾਂ ‘ਤੇ ਗਲਤ ਜਾਣਕਾਰੀ ਦੇਣ ਦਾ ਵੀ ਦੋਸ਼ ਹੈ। ਗੂਗਲ ਨੇ ਕਿਹਾ ਹੈ ਕਿ ਉਹ ਜਲਦੀ ਹੀ ਨਵੀਂ ਨੀਤੀ ਲਿਆਏਗਾ।