ਆਨਰ ਨੇ ਚੀਨੀ ਬਾਜ਼ਾਰ ‘ਚ ਆਪਣਾ ਨਵਾਂ ਸਮਾਰਟਫੋਨ Honor X50i ਪੇਸ਼ ਕਰ ਦਿੱਤਾ ਹੈ। ਇਹ ਸਮਾਰਟਫੋਨ ਪਿਛਲੇ ਸਾਲ ਜੁਲਾਈ ‘ਚ ਪੇਸ਼ ਕੀਤੇ ਗਏ Honor X40i ਦੇ ਉਤਰਾਧਿਕਾਰੀ ਦੇ ਰੂਪ ‘ਚ ਬਾਜ਼ਾਰ ‘ਚ ਆਇਆ ਹੈ। Honor X50i ਵਿੱਚ Dimensity 6000 ਸੀਰੀਜ਼ ਪ੍ਰੋਸੈਸਰ ਅਤੇ 90Hz ਰਿਫਰੈਸ਼ ਰੇਟ ਡਿਸਪਲੇ ਹੈ। ਇਹ ਫੋਨ 100 ਮੈਗਾਪਿਕਸਲ ਕੈਮਰੇ ਦੇ ਨਾਲ 256GB ਤੱਕ ਸਟੋਰੇਜ ਨਾਲ ਲੈਸ ਹੈ। ਇੱਥੇ ਅਸੀਂ ਤੁਹਾਨੂੰ Honor X50i ਦੇ ਫੀਚਰਸ ਅਤੇ ਸਪੈਸੀਫਿਕੇਸ਼ਨਸ ਬਾਰੇ ਵਿਸਥਾਰ ਨਾਲ ਦੱਸ ਰਹੇ ਹਾਂ।
Honor X50i ਕੀਮਤ ਅਤੇ ਉਪਲਬਧਤਾ
ਕੀਮਤ ਦੀ ਗੱਲ ਕਰੀਏ ਤਾਂ Honor X50i ਦੇ 8GB RAM + 256GB ਸਟੋਰੇਜ ਵੇਰੀਐਂਟ ਦੀ ਕੀਮਤ 1,499 ਯੂਆਨ (ਲਗਭਗ 17,889 ਰੁਪਏ) ਹੈ। ਜਦੋਂ ਕਿ 12GB RAM + 256GB ਸਟੋਰੇਜ ਵੇਰੀਐਂਟ ਦੀ ਕੀਮਤ 1,699 ਯੂਆਨ (ਲਗਭਗ 20,276 ਰੁਪਏ) ਹੈ। ਕਲਰ ਆਪਸ਼ਨ ਦੀ ਗੱਲ ਕਰੀਏ ਤਾਂ ਇਹ ਬਲੈਕ, ਗ੍ਰੀਨ, ਵਾਈਟ ਅਤੇ ਪਿੰਕ ਵਰਗੇ ਰੰਗਾਂ ‘ਚ ਉਪਲੱਬਧ ਹੈ। ਹਾਲਾਂਕਿ ਇਸ ਸਮੇਂ ਗਲੋਬਲ ਰਿਲੀਜ਼ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ।
